ឯកឧត្តម ច័ន្ទ សុផល អភិបាលនៃគណៈអភិបាលខេត្តនិងជាប្រធានកិត្តិយស សាខាកាកបាទក្រហមកម្ពុជាខេត្តបាត់ដំបង ថ្លែង
ក្នុងពិធីប្រកាសលទ្ធផលឆ្នោតវត្ថុលើកទី១៣ ថ្ងៃទី១៩ ខែមីនា ឆ្នាំ២០១៥ នៅទីស្នាក់ការសាខាកាកបាទក្រហមខេត្តបាត់ដំបង។
ខ្ញុំសូមថ្លែងនៅក្តីសោមនស្សរីករាយក្នុងការចូលរួមពិធីប្រកាសលទ្ធផលឆ្នោតលើកទី១១ ឆ្នាំ២០១៥ ដែលបានរៀបចំឡើង ដោយសាខាកាកបាទក្រហមកម្ពុជានៅទីស្នាក់ការខេត្តបាត់ដំបង នាពេលឱកាសនេះជំនួយមុខឱ្យថ្នាក់ដឹកនាំសាលាខេត្ត ខ្ញុំសូមថ្លែង
អំណរគុណយ៉ាងជ្រាលជ្រៅចំពោះវត្តមានរបស់ឯកឧត្តម លោកជំទាវ អស់លោក លោកឧកញ៉ា លោកស្រី នាងកញ្ញា មន្ត្រីបុគ្គលិក លោកសាស្ត្រាចារ្យ លោកគ្រូ អ្នកគ្រូ សប្បុរសជន បានឈ្លៀតឱកាសមកចូលរួមអង្គពិធីដែល បានធ្វើឱ្យបរិយាកាសមានលក្ខណៈអធឹក អធ័ម អាចលើកកំពស់ស្មារតីអោយប្រជាពលរដ្ឋគ្រប់មជ្ឈដ្ឋាន បានយល់កាន់តែច្បាស់ទូលំទូលាយនិងបានច្រើនជាមុនពីគោលបំណង នៃការរៀបចំឆ្នោតវត្ថុ គឺដើម្បីប្រមូលមូលនិធិជួយសង្គ្រោះអ្នករងគ្រោះដោយគ្រោះមហន្តរាយ ក្នុងខេត្តបាត់ដំបងរបស់យើង។ ខ្ញុំសូម វាយតំលៃខ្ពស់ថា ៖ វត្តមាននៃសមាជិកសមាជិការនៃអង្គពិធីនេះ គឺជាការសម្តែងនូវការចូលរួមជួយផ្តល់ កំលាំងចិត្តយ៉ាងធំធេងប្រកប ដោយការរួបរួមកំលាំងគ្នា ជួយគ្នា ដោយភាពមនុស្សធម៌ ដោយទឹកចិត្ត ស្មោះត្រង់ស្មោះសរ ស្មគ្រ័ចិត្តបរិច្ចាកនៅធនធានដើម្បីបុព្វហេតុ មនុស្សធម៌ក្នុងខេត្តបាត់ដំបង។
ឯកឧត្តម ច័ន្ទ សុផល ក៏មានប្រសាសន៍ទៀតថា រៀងរាល់ឆ្នាំ សាខាកាកបាទក្រហមកម្ពុជាខេត្តបាត់ដំបង បានរៀបចំសកម្ម
ភាព ស្វែងរកមូលនិធិតាមរយៈការចេញឆ្នោតវត្ថុប្រចាំឆ្នាំ រាត្រីសរមាស របាំក្រុឌ ជូនពរឆ្នាំថ្មី ទិវាពិភពលោកកាកបាទក្រហម កម្ពុជា
អឧ្ឍនចន្ទក្រហម ការបំពាក់ផ្លាកសញ្ញា-ល- ទាំងនេះ គឺជាផ្តួចផ្តើមគំនិតរួមកំលាំងគ្នា ស្វែងរកមូលនិធិ។ ជាក់ស្តែងដោយមានការ ជ្រោមជ្រែងពី ឯកឧត្តម លោកជំទាវ អស់លោក លោកស្រី និងកញ្ញាសាខាបានទទួល ចំណូលពីការលក់សន្លឹកឆ្នោតវត្ថុនាថ្ងៃនេះ សរុប ចំនួន ១១,៦៧១,១៣ ដុល្លារ អាមេរិកដោយបានកាត់ចំណាយលើរង្វាន់ឆ្នោត នឹងរៀបចំពិធីរួម។
ក្នុងឱកាសនេះ សូមកោតសរសើរដោយស្មោះស្មគ្រ័ចិត្តចំពោះកិច្ចខិតខំប្រឹងប្រែងអភិវឌ្ឍន៍សាខា ការពង្រឹងសមាជិកភាព និង ចលនាស្វែងរកមូលនិធិរបស់សាខាក្នុងខេត្តបាត់ដំបង ទាំងមូលមេត្តជួយបំផុសមន្ត្រីបុគ្គលិកក្រោមឱវាទ ចូលរួមជាសមាជិកកាកបាទ ក្រហមកម្ពុជា ដោយបង់វិភាគទានប្រចាំឆ្នាំតាមថ្នាក់ ទៅតាមលទ្ធភាពដោយស្មគ្រ័ចិត្ត នឹងបំផុសឱ្យចូលរួមដល់សាខាក្នុងការរៀបចំ កម្មវិធីរកមូលនិធិនានា ឱ្យបានផុសផុលដើម្បីបង្ករលក្ខណៈជូនក្រុមប្រតិបត្តិសាខា មានលទ្ធភាពគ្រប់គ្រាន់ក្នុងការបំរើសេវាកម្ម
មនុស្សធម៌បានល្អ ប្រសើរឱ្យទាន់ពេលវេលា ៕