សៀមរាប ៖ លោក មាស ជូរ៉ានី ប្រធានមន្ទីររ៉ែ ថាមពលខេត្តសៀមរាបត្រូវបានប្រជាពលរដ្ឋស្រុកប្រាសាទបាគងរិះគន់ថាបើដៃឲ្យឈ្មួញជីកដីមានជម្រៅខុសបច្ចេកទេសបង្កហានិភ័យដល់ប្រជាពលរដ្ឋនិងអ្នកមានដីជិតខាង។
ប្រជាពលរដ្នបានឲ្យដឹងថា ណ្ដៅដីរបស់ថៅកែដី ឈ្មោះតាតេះដែលទទួលបានសិទ្ធជីកដីលក់ពីលោកប្រធានមន្ទីររ៉ែនិង ថាមពលខេត្តសៀមរាបបានជីកកាយដីនៅភូមិអន្លង់ពីរ ឃុំត្រពាំងធំ ស្រុកប្រាសាទបាគង មានជំរៅរណ្ដៅដីស្ទោះឃើញក្បាលប្រែតបង្កឲ្យពួកគាត់មានការព្រួយបារម្ភពីគ្រោះថ្នាក់ដោយ្រការណាមួយលើមនុស្សសត្វ។
លោក មាស ជូរ៉ានី ប្រធានមន្ទីររ៉ែ ថាមពលខេត្តសៀមរាបក៏ដូចជាអាជ្ញាធរស្រុកប្រាសាទបាគងឃុបឃឹតគ្នាបើកដៃ អោយឈ្មួញឈ្មោះតាតេះនេះជាយូរឆ្នាំមកហើយមិនមានការត្រួតពិនិត្យអ្វីឡើយ ។
ពាក់ព័ន្ធនិងការរឹះគន់នេះ លោក មាស ជូរ៉ានី ប្រធានមន្ទីររ៉ែថាមពលខេត្តសៀមរាបប្រាប់កាសែតដោយ ទទួលស្គាល់ថារណ្ដៅដីនៅទីនោះពិតជាជ្រៅហួសច្បាប់អនុញ្ញាតមែន !តែលោកប្រធានមន្ទីររូបនេះបែទៅជាមិនមានវិធានការចំពោះថៅកែចាស់ដុះស្លែរម្នាក់នេះឡើយ ។
មហាជនសង្កេតឃើញថា ច្រើនឆ្នាំមកហើយតាំងពីលោក មាសជូរ៉ានី ឡើងកាន់ដំណែងជាប្រធានមន្ទីរ រ៉ែ ថមពល ខេត្តសៀមរាប រួចមក !ឃើញថាមានឈ្មួញដ៏ច្រើនបានកំពុងតែជីកយកអាចម៍ដីលក់ រណ្ដៅជ្រៅហួសច្បាប់កំណត់។ ប្រជាពលរដ្ឋសំណូមពរដល់ លោកម ទៀ សីហា អភិបាលវ័យក្មេងនៃខេត្តសៀមរាប ជួយយកភ្នែកមើលៗលោក មាស ជូរ៉ានី ផងមើលកុំឲ្យគេថាអាក្រួចវាដូចអាពោនពេក!៕
