ខេត្តត្បូងឃ្មុំ ៖ មកដល់់ពេលនេះម្សៀមន្ត្រីប៉េអឹមលើផ្ទៃប្រទេសដែលជាឧកញ៉ាផងជាឈ្មួញឈើប្រណិតផងត្រូវបានគេសម្គាល់ឃើញថា៖ជាមនុស្សខ្លាំងនិងមានអាទិភាពជាំងគេក្នុងការកាប់ដឹកជញ្ជូនឈើប្រណិតយកទៅលក់បើទោះបីជារាជរដ្ឋាភិបាលប្រកាសថាអនុញ្ញាតិឲ្យមានតែការនាំចេញឈើកែច្នៃក៏ដោយ។
ជាក់ស្តែងកាលពីរសៀលថ្ងៃទី៥មិថុនាឡានដឹកខ្នាតយក្ស ដឹកឈើប្រភេទលេខមួយឈើឃ្លុំ របស់ក្រុមហ៊ុនម៉ាស្ទរ័ខេសាន់ដែលគេដឹងថាមានលោក ឩកញ៉ាសឹងសំអុលជាថៅកែបាន ក្រឡាប់ផ្ងារជើង ចាក់ចោលឈើពេញផ្លូវនៅចំណុចអន្លង់ជ្រៃ ស្រុកពញ៉ា ក្រែក ខេត្តត្បូងឃ្មុំ ដោយមិនរំខាន មន្ត្រីនៃមន្ទីរកសិកម្មនិងនាយខណ្ឌរដ្ឋបាលព្រៃឈើ និងសមត្ថកិច្ចនៅក្នុងខេត្តត្បូងឃ្មុំអ្វីឡើយដែលបង្ហាញថាសឹងសំអុលចាយសេវាផ្លូវអស់ហើយ។
ប្រភពពីសមត្តកិច្ចមូលដ្ឋានដែលឡានក្រឡាប់ឲ្យដឹងថា៖ ឡានដឹកឈើរបស់ ឩកញ៉ា សឹង្ហ សំអុល ជាភេទរថយន្តធនធំកែទ្រុងខ្នាតយក្ស ហើយដឹកឈើប្រណិតលេខមួយ ក្នុងបំណងលោតឆ័ត្រទៅលក់នៅឯប្រទេសវៀតណាម។បើតាមការពិនិត្យឡានដឹកឈើម្សៀឧកញ៉ានិងជាឈ្មួញឈើសឹងសំអុលមិនមែនក្រឡាប់ជាលើកទី១នេះទេ។
កាលពីឆ្នាំ២០១៦មានទាំងឡានដឹកឈើក្រឡាប់បុកផ្ទះប្រជាពលរដ្ឋថែមទៀតផង។តែគ្មានអ្នកណាធើក្បាលវ៉ាល់អីសឹងសំអុលបាន?។គួរំលឹកថា ឧកញ៉ា សឹង សំអុលដែលនាយករដ្ឋមន្ត្រីតេជោសែនធ្លាប់លើកឈ្មោះថាជាឈ្មួញឈើក្នុងកិច្ចប្រជុំគណៈរដ្ឋមន្ត្រីកាលពីឆ្នាំ២០១៦មុននឹងបង្កើតក្រុមចំរុះបង្ក្រាបបទល្មើសព្រៃឈើនៅភូមិភាគឥសាន្តដឹកនាំដោយនាយឧត្តមសេនីយ៍សៅសុខាមេប៉េអឹមផ្ទៃប្រទេស។ក្រោយមកឧកញ៉ារូបនេះធ្លាប់ មានបណ្តឹងរឿងករណីកាប់បំផ្លាញព្រៃឈើ និងកែច្នៃឈើប្រណិតគ្រប់ប្រភេទ ប្រព្រឹត្តនៅភូមិ-ឃុំចុងផ្លាស់ ស្រុកកែវសីមា ឆ្នាំ២០១៦ ក្នុងក្រុមហ៊ុនដាយថាន់។
កាលនោះ ចៅក្រមសើបសួរសាលាដំបូងខេត្ត លោក ស៊ុយ សុភាបាន កោះហៅកាលពីថ្ងៃទី២៩ ខែកញ្ញា ឆ្នាំ២០១៧ អោយឧកញ៉ាសឹងសំអុលចូលខ្លួននៅថ្ងៃទី១២ ខែតុលា ឆ្នាំ២០១៧ នៅវេលាម៉ោង៩ព្រឹកតែ លោក សឹង សំអុល មិនចូលខ្លួនតាមការកំណត់រហូតដល់បច្ចប្បន្នដែលបញ្ជាក់ថាគ្មានអ្នកណាធើក្បាលវ៉ាល់អីសឹងសំអុលបានឡើយសូម្បីតេជោសែន?។
បើតាមសេចក្តីរាយការណ៍របស់ប្រជាពលរដ្ឋម្សឿឧកញ៉ាខ្លាំងសឹងសំអុលថៅកែក្រុមម៉ាស្ទរ័ខេសាន់ដែលរកស៊ីជួញឈើរាប់ឆ្នាំមកហើយនោះគាត់មានមនុស្សសំខាន់ក្នុងការជួយចាត់ចែងជំនួញឈើរបស់ខ្លួនរួមមានឈ្មោះ សាំង សុខុនមន្ត្រីប៉េអឹម ត្រូវជាប្អូនថ្លៃគាត់គឺជាអ្នកចាត់ចែងរឿងចំណាយលុយរៀបចំអោយប្រជាជនចូលកាប់ផ្តួលរលំឈើនៅតំបន់ដែនជម្រកសត្វភ្នំព្រិច នៅស្រុកកោះញែក និងតំបន់ដែនជម្រកសត្វស្រែពក ស្រុកពេជ្រាដា។មានមេការ ឈ្មោះថុនដែលគេច្រើនឃើញកាលពីមុន បើករថយន្តនីសាន់ណាវ៉ារ៉ា( Nisanavera ) ចង្កូតស្តាំ ពាក់ស្លាកលេខ ខ ម 6688រត់ការ.។
ជាក់ស្តែងក្នុងប៉េសេចេញដោយមេព្រៃខេត្តមណ្ឌលគីរីសម្រាប់លើកនេះក៏មានបញ្ជាក់ឈ្មោះថុនជាតំណាងក្រុមហ៊ុនម៉ាស្ទរ័ខេសាន់ដែរ។ឧកញ៉ាសឹងសំអុលក៏មានមន្ត្រីប៉េអឹមស្រុកមេមុតម្នាក់ឈ្ម៉ស្រុនផឹងឡាយចាំជួយសម្រួលការងារដឹកជញ្ជូនឈើចេញទៅលក់ផងដែរ។នេះបើតាមអ្នករកស៊ីនិងសមត្តកិច្ចនិយាយនៅស្រុកស្នួលនិយាយ។
ប្រភពខាងលើ យើងដឹងទៀតថា រថយន្តដឹកឈើធុនធំរបស់ឧកញ៉ា សិង្ហ សំអុល ច្រើនតែដឹកជញ្ជូនឈើចេញពីក្រុមហ៊ុនម៉ាស្ទរ័ខេសាន់នៅស្រុកកោះញែកក្បែរដែនជម្រកសត្វព្រៃព្រិច កាត់តាមស្រុកស្នួល ចូលក្នុងទឹកដីស្រុកមេមត់ ខេត្តត្បូងឃ្មុំ។ ឈើប្រណីតរបស់គាត់ គឺច្រើននាំចេញទៅលក់ក្នុងប្រទេសវៀតណាម តាមច្រកចាន់មូល ច្រកដូនរ័ត្ន និងច្រកម៉ឺនជ័យ ។
បច្ចុប្បន្នក្នុងបរិវេណ ដីសម្បទានសេដ្ឋកិច្ច របស់ក្រុមហ៊ុន « មាស្ទ័រ ខេសាន់ » ពុំមាននៅសល់ឈើ សម្រាប់កាប់តទៅទៀតទេ ដូច្នេះឈើដែលមេឈ្មួញ សិង្ហ សំអុល កាប់ និងដឹកជញ្ជូនទៅលក់ នៅស្រុកយួននោះ គឺជាឈើដែលកាប់ នៅក្នុងតំបន់ព្រៃអភិរក្សភ្នំព្រេចដឹកចូលក្រុមហ៊ុន។កន្លងមកមានសេចក្តីរាយការណ៍ថាដើម្បីបន្តអាជីពជំនួញឈើថៅកែក្រុមហ៊ុនម៉ាស្ទរ័ខេសាន់ឧកញ៉ាសឹងសំអុលបានទិញអាជ្ញាប័ណ្ណពីក្រុមហ៊ុន ប៉ាវីភីវី អ៊ឹមផត អិចផតនៅចំណុចស្រែសង្គមខេត្តមណ្ឌលគីរីដែលមានមន្ត្រីជាន់ខ្ពស់ជាខ្នងបង្អែកដើម្បីកាប់ដឹកជញ្ជូនឈើ។
មិនអាចសុំការបកស្រាយពីឧកញ៉ាសឹងសំអុលនិងមន្ត្រីជំនាញអំពីមូលហេតុដែលនៅតែអាចមានការកាប់ដឹកជញ្ជូនឈើប្រណិតហ៊ុបនាំចេញបានទេសង្ឃឹមថានឹងមានការបកស្រាយពន្យល់ជាមិនខាន៕
