ខេត្តពោធិសាត់ ៖ បទល្មើសនេសាទទ្រង់ទ្រាយធំ ប្រើដោយឧបករណ៍ប្រភេទអួនអូសគូរ ឬអួនកែច្នៃ និងប្រភេទយ៉ាំងកាវ ក្នុងទឹកដីខេត្តពោធិ៍សាត់ និងខេត្តកំពង់ធំ កំពុងចាប់ផ្តើមដំណើរការហើយដោយសាររការ បើកភ្លើងខៀវពីមន្ត្រីជំនាញរបស់ខេត្តទាំពីរនេះ!!?។
សេចក្តីរាយការណ៍បានពីប្រជានេសាទជាលក្ខណៈគ្រួសារបានឲ្យដឹងថា៖បទល្មើសនេសាទប្រើឧបករណ៍ប្រភេទអួនអូសគូរ ឬអូនកែច្នៃ ឬយាំងកាវអូសយកមច្ឆា ជាតិគ្រប់ប្រភេទនៅតំបន់បឹងទន្លេសាប ក្នុងស្រុកក្រគរ ខេត្តពោធិ៍សាត់ និងនៅចំណុចមុខផ្សោត មុខបាឡត មុខពាមបាង ក្នុងស្រុកស្ទោង និងស្រុកកំពង់ស្វាយ ខេត្តកំពង់ធំបានចាប់ផ្តើមរៀបជើងព្រួលធ្វើសកម្មភាពនេសាទល្មើសហើយ។ក្រុមអ្នកនេសាទទាំងនោះកំពុង តែរៀបចំចែករម្លែកផលប្រយោជន៍គ្នាជាមួយអ្នកពាក់ព័ន្ធទាំងអស់ ដើម្បីសម្រួលឲ្យការធ្វើសកម្មភាពនេសាទល្មើសច្បាប់របស់ពួកគេដែលប្រព្រឹត្តទៅបានដោយរលូនដោយត្រូវចំណាយប្រមាណ ២២០លានរៀលសម្រាប់ទូកអូសអួនមួយវង់? ។
ក្រុមនេសាទល្មើសច្បាប់ទាំងនោះ ធ្វើសកម្មភាពនេសាទ អូសអួនកែច្នៃ បានពេញមួយរដូវ ប្រាំងខាងមុខនេះ ។ អួនកែច្នៃ អូសដោយម៉ាស៊ីនធំៗ មាន៦ម៉ាស៊ីន ដែលអាចអូសទាញធ្វើសកម្ម ភាព ចាប់យកផលត្រីបានគ្រប់ប្រភេទ ទៅតំបន់ទឹករាក់និងទឹកជ្រៅៗ !! ។
តាមប្រភពខាងលើបានឲ្យដឹងទៀតថា ពួកឈ្មួញដែលក្រុមអ្នកនេសាទប្រើឧបករណ៍អួនកែច្នៃល្មើសច្បាប់ទាំងនោះមានឈ្មោះ អេង ចេង, អេង វេង, អេង ម៉ៅ, ង្វៀង យ៉ាំងគូ, ង្វៀង យ៉ាំងឡាំង, ឌី ណា និងឈ្មោះ ភឿន ដែលពួកគេមានទូកម៉ាស៊ីនធំៗ ត្រៀមបម្រុងសម្រាប់ប្រព្រឹត្តបទល្មើសនេសាទនៅចំណុចខាងលើនៃតំបន់បឹងទន្លេសាប។
បើតាមសេចក្តីរាយការណ៍ខាងលើក្រុមអ្នកនេសាទប្រើឧបករណ៍អួនកែច្នៃទាំងនោះរៀបចំផែនការណ៏សកម្មភាពនេសាទល្មើសច្បាប់ពីចំណុចកំពង់លួង ក្នុងស្រុកក្រគរនៃទឹកដីខេត្តពោធិ៍សាត់រហូតដល់ចំណុចបាឡត ក្នុងឃុំពាមបាង ស្រុកស្ទោង ខេត្តកំពង់ធំ។សកម្មភាពនេះធ្វើអោយប៉ះពាល់យ៉ាងធ្ងន់ធ្ងូដល់បរិស្ថានបឹងទន្លេសាប និងធ្វើអោយហិនហោចអស់នូវហ្វូងមច្ឆាជាតិយ៉ាងលឿនបំផុតឆ្ពោះទៅអនាគតខាងមុខ។មិនតែប៉ុណ្ណោះការធ្វើសកម្មភាពនេសាទល្មើសច្បាប់ ប្រើឧបករណ៍អួនគូរ ឬអូនកែច្នៃ ឬយាំងកាវនេះមិនមែនទើបតែកើតឡើងសម្រាប់ឆ្នាំនេះទេ គឺកើតឡើងជារៀងរាល់ឆ្នាំ ហើយបើតាមប្រភពបានឲ្យដឹងថាអ្នកប្រព្រឹត្តនោះគឺមុខដដែលៗ ។
ច្បាប់ស្តីពីជលផល ជំពូកទី៥(ហាមឃាត់ដាច់ខាត)
មាត្រា២២;
៨_អួនអូសគូ ឬអួនហ៊ុមរួមផ្សំភ្លើងឲត្រីឬវារីសត្វកុំ១០-អួនអូសគ្រប់ប្រភេទនៅទឹកសាបនិងឈិបយន្ត។៧-ការនេសាទដោយឧបករណ៏ម៉ាញ់ នាម ជនមង
ក្រឡុកមងអូស ឈ្នាងអូសលៀសឬខ្ចៅនៅទឹកសាបអូសឬរុញដោយកម្លាំងម៉ាសុីន។
មាត្រា៨២:បុគ្គលដែលបានផ្តល់មធ្យោបាយ ឬបានបញ្ជា ឬបានសម្រួលឲជនណាមួយប្រព្រឹត្តបទល្មើសជលផលត្រូវចាត់ទុកថា: ជាអ្នកសមគំនិតហើយត្រូវ
ផ្តន្ទាទោសតាមបទប្បញ្ញត្តិនៃច្បាប់នេះដូចគ្នានិងអ្នកប្រព្រឹត្តបទល្មើសផ្ទាល់ដែរ ។ករណីខាងលើនេះ អង្គភាពសារព័ត៌មានយើង សង្ឃឹមថានឹងមានវិធានការដោះស្រាយទ់ស្កាតជាមិនខាន។