ខេត្តឧត្ដរមានជ័យ ៖ នៅថ្ងៃទី២៦ខែមិថុនាឆ្នាំ២០១៩ នេះមានការិយាល័យ យើងខ្ញុំបានទទួលសេចក្តីរាយការណ៍ពីប្រជាពលរដ្ឋប្រាប់ថា÷លោកអាន់ សំអាត ប្រធានការិយាល័យច្រកចេញចូលតែមួយសាលាខេត្តឧត្ដរមានជ័យ បាននិងកំពុងប្រព្រឹត្តអំពើពុករលួយយ៉ាងធ្ងន់ធ្ងរ ដោយធ្វើសកម្មភាពគាបសង្កត់ធ្វើបាប ជញ្ជក់ឈាម ពីប្រជា ពលរដ្ឋក្រីក្ររាប់ពាន់នាក់ក្នុងមួយខែនិងប្រមូលប្រាក់បានរាប់ម៉ឺនដុល្លាក្នុងមួយខែៗ តាមរយ:ការផ្ដល់សៀវភៅឆ្លងដែន ។
ប្រភពបានអោយដឹងថា លោក អាន់ សំអាត បានដាក់បណ្តាញជាច្រើនកន្លែងនៅសង្កាត់អូរស្មាច់ ទទួលប្រមូលធ្វើសៀវភៅឆ្លងដែនកំណត់យកប្រាក់ក្នុងម្នាក់ពី ១៤ទៅ១៥ម៉ឺនរៀល ពីពលរដ្ឋមកពីខេត្តផ្សេង ដែលត្រូវការប្រើប្រាស់សៀវ ភៅឆ្លងដែន ទៅព្យាលជំងឺ រឺទៅធ្វើពលករស្រុកថៃ។ ប្រភពបន្ថែមថា ការបង់ប្រាក់ក្នុងម្នាក់១៤ទៅ១៥ម៉ឺនរៀលអោយទៅអ្នកទទួលធ្វើបណ្ណ័ព្រំដែនយកប្រាក់មកប្រគល់អោយលោកអាន់ សំអាត ប្រធានការិយាល័យច្រកចេញចូលតែមួយចំនួន ១០ម៉ឺនរៀលក្នុងម្នាក់ រីឯកអ្នកប្រមូលចំណេញម្នាក់៤ទៅ៥ម៉ឺនរៀល ។
ករណីនេះ លោក អាន់ សំអាត បានផ្គើននឹងអនុក្រិត្យក្រសួងមហាផ្ទៃ ក្នុងការផ្ដល់បណ្ណ័ព្រំដែន គឺយកថ្លៃសេវ៉ា ចាប់ពី១៤ម៉ឺនរៀលនិង១៥ម៉ឺនរៀលក្នុងសៀវភៅឆ្លងដែនមួយក្បាល ដែលសៀវភៅបន្ទុកក្រសួងមហាផ្ទៃតម្រូវកំណត់បណ្ណ័ព្រំដែនមួយក្បាលតែពីម៉ឺនរៀល។
មិនតែប៉ុណ្ណោះ លោកអាន់សំអាត បានយកលំនៅដ្ឋានរបស់ខ្លួន ធ្វើជាកន្លែងច្រកចេញចូលតែមួយសំរាប់ធ្វើបណ្ណ័ឆ្លងដែន និងបំពេញបែបបទផ្សេងៗដោយមិនបានឆ្លងកាត់ការត្រួតពិនិត្យឯកសារផ្សេងៗពីរដ្ឋបាលសាលាខេត្ត។គ្រាន់តែមានហត្ថលេខាលោកលឹមសុខតូ អភិបាលរងខេត្តម្នាក់គ្រប់គ្រាន់ ដោយមិនគោរពទៅតាមបទដ្ឋានគតិយុត្ត របស់ក្រសួងមហាផ្ទៃ ដាក់ចេញដើម្បីអោយអនុវត្ដ។ សព្វថ្ងៃនេះមានប្រជាពលរដ្ឋមិនក្រោមរាប់ពាន់នាក់ក្នុងមួយខែៗដែលត្រូវលោក អាន់ សំអាត គាបសង្កត់ពួកគាត់អោយបង់ប្រាក់លើសសៀវភៅបន្ទុក។
បញ្ជាក់ថាក្នុងម្នាក់ត្រូវបង់ប្រាក់ចាប់ពី១៤ម៉ឺនរៀលទៅ១៥ម៉ឺនរៀល ក្នុងរយ:ពេលពីរទៅបីថ្ងៃបានសៀវភៅឆ្លងដែនយកទៅប្រើប្រាស់។ តែតំលៃខាងលើនេះបានលើសទៅនិងសៀវភៅ បន្ទុករបស់ក្រសួងមហាផ្ទៃបានកំណត់ ១គុណនិង៧ដង ដែលក្រសួងកំណត់យកសេវ៉ាត្រឹមតែ២ម៉ឺនរៀលតែប៉ុណ្ណុះ។
ទាក់ទិននឹងសេចក្តីរាយការណ៍ខាងលើនេះ ការិយាល័យនិពន្ធ យើង បានទូរស័ព្ទសុំការបំភ្លឺពីលោក អាត់ សំអាត នៅព្រឹកថ្ងៃទី២៧ មិថុនា ២០១៩ ដោយលោកបានប្រាប់ថា លោក ធ្វើការងារតាមឋានានុក្រម និង មានបេឡារង តាមបែបបទ របស់ក្រសួងមហាផ្ទៃដាក់ចុះ ចំពោះតម្លៃសេវាដែលថា យក លើសសៀវភៅបន្ទុកក្រសួងមហាផ្ទៃនោះ លោកបញ្ជាក់ថា គ្មានទេ ចាំមើលលោកស្រាវព័ត៌មាននេះសិន ៕
