ខេត្តក្រចេះ៖ អាជ្ញារដ្ឋបាលខេត្តក្រចេះ សម្រេចអនុញ្ញាតឲ្យប្រជាពលរដ្ឋប្រមាណ ២៤០គ្រួសារនៅ ក្នុងឃុំចំនួន២នៅស្រុកអូរគ្រៀងសែនជ័យ បន្តកាន់កាប់នៅលើដីដែលកំពុងអាស្រ័យ ផលជាក់ស្ដែង ប៉ុន្តែមិនឲ្យកាប់រុករានលើដីសហគមន៍បន្តទៀតនោះទេ។
ការសម្រេចរបស់អាជ្ញាធរដែលអនុញ្ញាតឲ្យ ប្រជាពលរដ្ឋបន្តកាន់កាប់នៅលើដីដែលកំពុង តែអាស្រ័យផលសព្វថ្ងៃនេះ ក្រោយពីប្រជាពលរដ្ឋ២៤០ នាក់ មកពីឃុំស្រែជិះ និងឃុំ រលួសមានជ័យ ស្រុកអូរគ្រៀងសែនជ័យ បានកៀរគរប្រមូលផ្តុំគ្នាតវ៉ាលើដីសហគមន៍ព្រៃឈើរលួសដែលស្ថិតនៅស្រុកអូរគ្រៀងសែនជ័យ ខេត្ត ក្រចេះ កាលពីចុងខែធ្នូ ឆ្នាំ ២០២៣កន្លងទៅថ្មីៗនេះ ក្រោយពីមន្ត្រីជំនាញរដ្ឋបាលព្រៃឈើរលួស កសាងសំណុំ រឿងបញ្ជូនទៅតុលាការពាក់ព័ន្ធនឹងការកាន់កាប់លើដីសហគមន៍ព្រៃឈើនេះ។
ពាក់ព័ន្ធនឹងករណីខាងលើនេះ គណៈកម្មាធិការគ្រប់ គ្រងដីរដ្ឋថ្នាក់ខេត្ត និងស្រុក បានចុះទៅសម្របសម្រួលដោះស្រាយ នៅថ្ងៃទី ១០ ខែមករា ឆ្នាំ២០២៤នេះគណៈកម្មាធិការគ្រប់គ្រងដីរដ្ឋ ថ្នាក់ខេត្ត សម្រេចអនុញ្ញាតឲ្យបងប្អូនប្រជាពលរដ្ឋដែលកំពុងកាន់កាប់និងអាស្រ័យផលបន្តកាន់កាប់និងអាស្រ័យផលជាធម្មតា។
សេចក្តីជូនដំណឹងរបស់រដ្ឋបាលខេត្តក៏បានបញ្ជាក់ទៅដល់ប្រជាពលរដ្ឋថាចំពោះដីព្រៃដែលបងប្អូនប្រជាពលរដ្ឋ កំពុងកាប់រើរាន ទន្ទ្រាន និងដាំបង្គោលរបងហ៊ុំព័ទ្ធ ដោយមិនមានការប្រើប្រាស់និងដាំដុះដំណាំជាក់ស្តែងត្រូវរុះរើបង្គោល របងដោយស្ម័គ្រចិត្ត បងប្អូនប្រជាពល រដ្ឋបានយល់ព្រមរុះរើបង្គោល របងដោយស្ម័គ្រចិត្ត និងប្រគល់ដីនេះជូនគណៈកម្មា ធិការគ្រប់គ្រងដីរដ្ឋថ្នាក់ខេត្តគ្រប់គ្រងវិញ។
