ខេត្តព្រះវិហារ៖ ក្រុមហ៊ុនចិនមួយទទួលបានដីសម្បទានសេដ្ឋកិច្ចដាំអំពៅនិងដីសង្គមកិច្ច សរុបចំនួនជាង៥០០០០ហិកតានៅស្រុកឆែបខេត្តព្រះវិហារតែអ្វីដែលជាការភ្ញាក់ផ្អើលហួសចិត្តវាបែរជាលេចចេញក្រុមហ៊ុនសំអឿនសុវណ្ណកាប់ដឹកជញ្ជូនឈើយកទៅលក់ទៅវិញ។ជាក់ស្តែងកាលពីព្រលប់ថ្ងៃទី១៦ ខែធ្នូ ឆ្នាំ២០១៧ អ្នក សារព័ត៌មានមួយក្រុមបានធ្វើដំណើរឆ្លងកាត់ ស្រុកឆែបលុះមកដល់ចំណុចភូមិអូរស្នៀត ឃុំតស៊ូ ស្រុក ជ័យសែន ខេត្តព្រះវិហារ ក៏ប្រទះឃើញ រថយន្តកែច្នៃប្រភេទ បង្កុងដឹកឈើហ៊ុបមុខធំៗ ចំនួនពីរគ្រឿង ដឹកចូលទៅក្នុងក្រុមហ៊ុន ចំការអំពៅរបស់ ចិននោះទៅវិញ។គ្រាន់តែអ្នកសារពតិមានចាប់ផ្ទើមថតយករូបភាពស្រាប់តែមានមនុស្សជាក្មេងស្ទាវៗ មួយក្រុមប្រមាណពី៤០ទៅ ៥០នាក់ អ្នកខ្លះកាន់ដំបង ខ្លះកាន់កាំបិតខ្វែវ ខ្លះរុំដុំថ្ម ជាប់ដៃឡោមព័ទ្ធំរុងបង្កហឹង្សា មកលើអ្នក សារព័ត៌មាន បើមិនចេញពីតំបន់លាក់ឈើរបស់ពួកគេនោះ។
ដើម្បីសុវត្ថិភាពផ្ទាល់ខ្លួនអ្នកសារព័ត៌មានបាននាំគ្នាបើកឡានរត់ចេញមកផ្លូវក្រៅវិញលុះមកដល់មាត់ផ្លូវក្រុមហ៊ុនចិនបំរុងចេញទៅស្រុកជ័យសែនស្រាប់តែឃើញ លោក អឿន(ប្រធានក្រុមហ៊ុនអឿនសុវណ្ណ)បានចេញមុខធ្វើការសម្របសម្រួលដោយលោកនិយាយថាក្មេងប្រុសៗដែលធ្វើការអោយគាត់និយាយមិនស្តាប់ព្រោះពួក វាមិនត្រឹមតែប្រើប្រាស់គ្រឿងញៀនប៉ុណ្ណោះទេថែមទាំងចែកចាយពេញព្រៃយ៉ាងអនាធិបតេយ្យទៀត(ស៊ិក?)។
ទាក់ទងឡានដឹកឈើនេះលោក អឿនក៏បាននិយាយថា ក្រុមហ៊ុនលោក (សំអៀនសុវណ្ណ)មានច្បាប់អនុញ្ញាតិ ស្របច្បាប់។ដោយរដ្ឋអនុញ្ញាតិអោយលោក ប្រមូលឈើពីក្រុមហ៊ុនចិនដាំអំពៅនឹងដីសម្បទានសង្គមកិច្ចសរុបពីរស្រុកគឺស្រុកឆែបនឹងស្រុកជ័យសែនមានចំនួនជាង ៥០០០០ហិចតា ?។លោក អឿន និយាយបញ្ជាក់ថាថា លោកបានបង់ពន្ធជូនរដ្ឋក្នុងមួយឆ្នាំជាង១លានដុល្លារដើម្បីធ្វើឈើមិនមែនធ្វើចំបើង ទេ?!។
តាមសម្តីរបស់ថៅកែក្រុមហ៊ុនសំអឿនសុវណ្ណខាងលើធ្វឲ្យយើងមានចំងល់ថា៖មេដឹកនាំក្រសួងកសិកម្មឆ្កួតឬជាមានជាឲ្យដីសម្បទានសេដ្ឋកិច្ចទៅក្រុមហ៊ុនចិនដាំអំពៅ៥ពាន់ហិកតាសុទ្ធតែព្រៃសម្បូរឈើធំៗកាប់ដឹកទាំងឡានចឹង?ម៉េចមិនឲ្យដីរិចរឹល?តើមានល្បិចអីនៅក្រោមតុកបានចឹង?។សូមបញ្ជាក់ថា៖បើតាមប្រភពព័ត៌មានច្បាស់ការណ៍ពីប្រជាពលរដ្ឋរស់នៅក្នុងស្រុកឆែបបានឲ្យដឹងថា៖ ដីដាំអំពៅក្រុមហ៊ុនចិននិងដីសម្បទានសង្គមកិច្ចការពិតមិនមានឈើហ៊ុបមុខធំៗចឹងទេ។
បើចឹងសម្តីលោក អឿន ថៅកែក្រុមហ៊ុនសំអឿនសុវណ្ណគ្រាន់ជាលេសទេតើ!។ព្រោះ ការពិតនៅពីក្រោយនោះ គឺមានឈ្មោះ ម៉េង ដែលជាដើរអ្នកកាប់ប្រមូល ឈើចេញពីក្នុងព្រៃសហគមន៍លក់ទៅអោយក្រុមហ៊ុនសំអឿន សុវណ្ណក្នុងមួយម៉ែត្រគូប ៧០ម៉ឺនរៀល ។មួយផ្នែកទៀតគឺ លោកថៅកែក្រុមហ៊ុនសំអឿនសុវណ្ណ បានប្រមូលទិញឈើពី ព្រៃឡង់ ដោយគាត់ដឹកឆ្លងកាត់ស្រុកជ័យ សែនមកលាក់ទុកជ្រកក្រោមស្លាកក្រុមហ៊ុន អឿន សុវណ្ណ នេះតែម្តង។
សូមបញ្ជាក់ផងដែរថា ថៅកែឈើឈ្មោះ អឿន នេះបានរៀបគំរោងដាក់អន្ទាក់ក្រុមសារព័ត៌មានដោយនិយាយសម្រួលឲ្យថ្លៃបាយទឹកចំនួន១លានរៀល តែត្រូវសារព័ត៌មានបដិសេធមិនទទួល។លុះប្រមាណជាកន្លះម៉ោងក្រោយមក គេឃើញមានកងកម្លាំងអធិការស្រុកជ័យសែននឹងឆែបប្រដាប់ដោយអាវុធគ្រប់ដៃដឹកនាំដោយលោក សៀម សង្គ្រាម អធិការស្រុកជ័យសែនបានមកដល់ ភ្លាមក៏បញ្ជារអោយកងកម្លាំងមកឆែកមើលកាតសម្គាល់អ្នកសារព័ត៌មាន ដោយលោក សៀម សង្គ្រាម និយាយថាបាលប្រដាប់អាវុធរបស់លោកដើរល្បាតរក្សាសន្តិសុខ?!។
ប្រភពពីអ្នកនៅក្នុងហេតុការណ៍និយាយថា បើសិនជាក្រុមសារព័ត៌មានទទួលយក លុយ១លានរៀលពីលោក អឿន ក្នុង ន័យសម្រួលបាយទឹក ម្លេះជាប់ខ្នោះអស់។
ករណីក្រុមហ៊ុនចិនបានដីសម្បទានដាំអំពៅបែជាកាប់ឈើលក់វិញនោះ បើខ្លាចថាកាសែតចេះតែផ្សាយលោកនាយឧត្តមសេនីយ៍ សៅសុខាមេបង្ក្រាបបទល្មើសព្រៃឈើស្រុកខ្មែរ លោក វេង សាខុន រដ្ឋមន្ត្រីក្រសួងកសិកម្ម រុក្ខា ប្រមាញ់ លោកសាយសំអាល់រដ្ឋមន្ត្រីវ័យក្មេងនៅក្រសួងបរិស្ថានដែលមានកូមនចៅនៅតាមព្រៃអាចចុះស្រាវជ្រាវមើលថាតើហេតុអីបានជាក្រុមហ៊ុនសំអឿនសុវណ្ណមានសិទ្ធកាប់ឈើក្រោមលេសប្រមូលឈើពីដីសម្បទានសេដ្ឋកិច្ចរបស់ក្រុមហ៊ុនចិនទៅវិញ?។
សូមបញ្ជាក់ថា៖បើតាមសកម្មភាពមន្ត្រីជំនាញដែលសុំលាក់ឈ្មោះនិយាយថា៖លោក អឿន ជាប្រធានក្រុមហ៊ុនសំ អឿន សុវណ្ណអាចនឹងពាក់ព័ន្ធ២ចំណុច ធំៗដូចខាងក្រោម៖
១/ប្រមូលឈើខុសច្បាប់ ខុសទីតាំង (ព្រៃឡង់ នឹង ព្រៃព្រះរកា ព្រៃសហ គមន៍)ព្រោះមានរណាយន្តខ្នាតយក្សអារច្រៀកទ្រហឹងពេញព្រៃ
២/កម្មករក្នុងក្រុមហ៊ុនសំអឿន សុវណ្ណ បានប្រើប្រាស់នឹងចែកចាយថ្នាំញៀនយ៉ាងអនាធិបតេយ្យ(តាមប្រភពប្រជាពលរដ្ឋនឹងតាមសម្តីលោកអឿនផ្ទាល់)។
ប្រភពពីមន្ត្រីរាជការ បំរើការងារ នៅសាលាស្រុកឆែប ដោយដាក់លក្ខខណ្ឌ សូមមិនបញ្ចេចឈ្មោះ បានឲ្យដឹងថា ការពិតក្រុមហ៊ុន សំអឿន សុវណ្ណ ដែលមានឈ្មោះ អឿន ជាម្ចាស់ក្រុមហ៊ុនផ្ទាល់ ជាឧកញ៉ា ល្បីឈ្មោះជាយូរមកហើយ ក្នុងការរកស៊ីឈើនៅកម្ពុជា ។ តំបន់ព្រៃព្រះរកា ដែលមានផ្ទៃដី ទំហំប្រមាណ ៩ម៉ឺន ៨ពាន់ហិកតា នៅក្នុងភូមិសាស្ត្រ ប្រជុំស្រុកចំនួន៣ មានស្រុកឆែប ស្រុកជាំក្សាន្ត និងស្រុកត្បែងមានជ័យ នៃខេត្តព្រះវិហារ គឺជាតំបន់ព្រៃស្រោង និងជាដែនជម្រកសត្វព្រៃ ដែលនៅសេសសល់ ចុងក្រោយបង្អស់ បន្ទាប់ពីតំបន់ ព្រៃឡង់ដ៏ធំ ជាប់ភូមិសាស្ត្រ ខេត្តកំពង់ធំ ខេត្តព្រះវិហារ និងខេត្តស្ទឹងត្រែង ដែលត្រូវរងការវិនាស ដោយសារតែ មានការផ្ដល់ដីសម្បទានសេដ្ឋកិច្ច ជាច្រើនម៉ឺនហិកតា ទៅឱ្យក្រុមហ៊ុនឯកជន វិនិយោគដំណាំ កសិឧស្សាហកម្ម ក្នុងប្រទេសកម្ពុជារួចមកនោះ ។