រាជធានីភ្នំពេញ ៖ ថ្លែងនៅក្នុងពិធីជួបសំណេះសំណាល និងប្រគល់ប្រាក់រង្វាន់ដល់គ្រូ បង្វឹកនិងកីឡាករ កីឡាការិនី ឈ្នះមេដាយនានានាពេលកន្លងមក នាព្រឹកថ្ងៃទី១៥ ខែធ្នូ ឆ្នាំ២០១៧នេះ សម្តេច ហ៊ុន សែន បានអះអាងថា សម្តេចគ្មានលុយសល់ទុកនៅធនាគារក្រៅ ប្រទេសនោះទេ ព្រោះលុយដែលសម្តេចមានទាំងប៉ុន្មាន សម្តេចទុកនៅមិនសុខទេ ព្រោះត្រូវ ជួយដល់សង្គម ជួយដល់ប្រជាពលរដ្ឋក្រីក្រ ជួយសាងសង់សាលារៀជាដើម ។ ដូច្នេះសម្តេច មិនខ្វល់រឿងអន្តរជាតិព្រមានបង្កកលុយមន្ត្រីរាជរដ្ឋាភិបាលនោះទេ ។
សម្តេចបញ្ជាក់ថា សម្តេចលើកទឹកចិត្តថែមទៀតឲ្យអន្តរជាតិបង្កកលុយរបស់មន្ត្រីរាជការ ខ្មែរ ដែលបានយកលុយទៅផ្ញើរនៅបរទេស ។ ប៉ុន្តែសម្តេចថា មន្ត្រីខ្មែរភាគច្រើនប្រហែលជាមិន ភ្លើយកលុយទៅផ្ញើរនៅបរទេសនោះទេ ហើយបើសិនមានអ្នកភ្លើឲ្យគេបង្កកទៅ ។
សម្តេច ហ៊ុន សែន សង្កត់ធ្ងន់ថា សម្តេចមានសញ្ជាតិខ្មែរមួយប៉ុណ្ណោះ មិនមានសញ្ជាតិ២ ដូចអ្នកនយោបាយមួយចំនួននោះទេ។ ប៉ុន្តែសម្តេចបានបន្សល់ទុកនូវស្នាដៃជាច្រើនតាមរយៈសមិទ្ធផល នៃការអភិវឌ្ឍន៍ប្រទេសលើទឹកដីកម្ពុជា ។ សម្តេចផ្តាំផ្ញើថា ពេលសម្តេចស្លាប់សុំតែដាក់កាក់ មួយក្នុងមាត់បានហើយ ហើយនោះជាបំណងប្រាថ្នារបស់សម្តេច។
ទាក់ទងការព្រមានផ្តាច់ជំនួយពីបណ្តាប្រទេសមួយចំនួននោះសម្តេចបានថ្លែងថា សម្តេចមិនខ្វល់នឹងការព្រមាននោះទេ ព្រោះកាលពីយើងនៅក្រីក្រ ហើយបរទេសហ៊ុមព័ទ្ធផ្នែកសេដ្ឋកិច្ច ក៏យើងអាចរស់បាន។ ដូច្នេះយើងមិនខ្វល់រឿងកាត់ផ្តាច់ជំនួយនោះឡើយ៕
