ខេត្តបន្ទាយមានជ័យ: ទីតាំងសិប្បកម្មផលិតទឹកស៊ីអ៊ីវ ទឹកត្រី ទឹកម្ទេសដ៏ធំមួយយីហោ(សិប្បកម្មភ្នំមាស)មានទីតាំងនៅភូមិគោរដ្ឋាន សង្កាត់អូរអំបិល ក្រុងសិរីសោភ័ណដែលផលិតគ្មានការអនុញ្ញាត ប្រើប្រាស់សារធាតិគីមីដើម្បីផលិត ដែលអាចបង្កគ្រោះថ្នាក់ដល់សុខភាពអ្នកបរិភោគធ្ងន់ធ្ងរគឺ ជាសិប្បកម្មឪក្មេករបស់លោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យ ។រយះពេល២ថ្ងៃនេះ គឺ សិប្បកម្មនេះគ្មានច្បាប់អនុញាតិ កាលពីថ្ងៃទី១៣ ខែធ្នូ ឆ្នាំ២០១៧កន្លងមកនេះ សមត្ថកិច្ចចម្រុះចុះមកពីភ្នំពេញ បានរកឃើញទីតាំងសិប្បកម្មភ្នំមាសដែលផលិតគ្រឧងឧបភោគបរិភោគគ្មានច្បាប់ហើយអត់ស្តង់ដាផលិតទៀត។
សមត្ថកិច្ចរកឃើញជាក់ស្តែងមាន ទឹកស៊ីអ៊ីវ ទឹកត្រី ទឹកម្ទេស ទឹកសៀង ទឹកខ្មេះ ទឹកក្បុង ជាង៩០តោន និងសារធាតិគីមីសម្រាប់ផ្សំ សរុបជាង៤០តោន ដែលផលិតផលនិងធាតុផ្សំទាំងនេះត្រូវបានសមត្ថកិច្ចអះអាងថា អាចបង្កគ្រោះថ្នាក់និងបង្កហានិភ័យខ្ពសដល់សុខភាពប្រជាជន និងសង្គមជាតិ ធ្ងន់ធ្ងរ បើមនុស្សបរិភោគចូលក្នុងខ្លួន។បច្ចុប្បន្នផលិតផលទាំងនេះកំពុងមានប្រជាប្រិយភាព លក់ចែកចាយទូទាំងខេត្តបន្ទាយមានជ័យ ខេត្តសៀមរាប និងខេត្តបាត់ដំបង។
ម្ចាស់ទីតាំងសប្បកម្មភ្នំមាស ផលិតទឹកស៊ីអ៊ីវ ទឹកម្ទេស ទឹកត្រី ទឹកក្បុង ទឹកសៀង ប្រើប្រាស់សារធាតិគីមី និងគ្មានស្តង់ដានេះ មានឈ្មោះ សុខ លាង ភេទប្រុស អាយុ៥៦ឆ្នាំ មានអាស័យដ្ឋានផ្ទះលេខ១០១ ក្រុមទី៥ ភូមិ៤ សង្កាត់ព្រះពន្លា ក្រុងសិរីសោភ័ណ ត្រូវបានគេដឹងថា ជាឪពុកក្មេកលោក ស៊ាន ស៊ីណាត ប្រធានសាខា កាំកុងត្រូលខេត្តបន្ទាយមានជ័យ។
ឧត្តមសេនីយ៍ត្រី ប៊ី ណាស៊ី អនុប្រធានលេខាធិការដ្ឋាន គណះកម្មការប្រឆាំងផលិតផលក្លែងក្លាយ បានឲ្យកាសែតដឹងថា ៖សមត្ថកិច្ចចុះបង្ក្រាបគឺក្រោយពីរកឃើញថា ទីតាំងសិប្បកម្មមួយនេះ បានប្រើសារសារធាតុគីមីជាច្រើនប្រភេទធ្វើជាធាតុផ្សំក្នុងការផលិត ហើយសារធាតុនេះអាចធ្វើឲ្យគ្រោះថ្នាក់ ដល់សុខភាពប្រជាជនធ្ងន់ធ្ងរ។
សិប្បកម្មមួយនេះបានលួចផលិតផលិតផលគ្មានច្បាប់អនុញាតិពីក្រសួងពាក់ពន្ធ័ដូចជា ផលិតខុសស្តង់ដារ ទី១-ប្រើប្រាស់សញ្ញា SC (Standard Cambodia) ក្លែងក្លាយ។ ទី២-ការវេចខ្ចប់ពុំមានលក្ខណះបច្ចេកទេសត្រឹមត្រូវ។ ទី៣-មិនបានចុះបញ្ជីផលិតផល(ច ប ផ) និងទី៤-លើកស្លាកយីហោសិប្បកម្មមិនបានតាមការកំណត់របស់ច្បាប់ ស្តីពីការគ្រប់គ្រងរោងចក្រ និងសិប្បកម្ម។លើសពីនេះផលិតផលគ្មានការ វេចខ្ចប់ត្រឹមត្រូវឡើយ គឺយកដបស្រាបៀរ Heineken ធ្វើជាការវេចខ្ចប់ទឹកក្បុង មើលទៅមិនគួរអោយប្រជាជនយើងមានទំនុកចិត្តក្នុងការជាវទៅបរិភោគទាល់តែសោះ ៕
