កំពង់ឆ្នាំង ៖ រថយន្តផ្លារ៉ាហ្វ័័មដឹកឈើមួយគ្រឿង ដែលសមត្ថកិច្ចកងរាជអាវុធហត្ថខេត្តកំពង់ឆ្នាំងឃាត់ចាប់បាន កាលពីវេលាម៉ោង៧និង៣០នាទីយប់ ថ្ងៃទី១១ ខែធ្នូ ឆ្នាំ២០១៧ ដែលបាននិងអះអាងថា ជាឈើធ្នង់ដែលជាប្រភេទឈើប្រណិត ផ្ទុយពីជំនាញរដ្ឋបាលព្រៃឈើលោក ថោង វាន់វីរ៉ាវុឌ្ឍី នាយខ័ណ្ឌកំពង់ឆ្នាំង អះអាងថា ៖ ជាឈើជាឈើមានច្បាប់(PC) របស់ក្រុមហ៊ុនទ្រីភាព ដែលអស់សុពលភាពយូរហើយនិងដឹកលើសដល់៥០ម៉ែត្រគូបទៀតនោះត្រូវបានដោះលែងវិញបាត់ហើយ។
ប្រភពព័ត៌មានបានអោយដឹងថាក្រោយពីការចាប់រថយន្តដឹកឈើខាងលើម្ចាស់ឈើបានរត់ការយ៉ាងខ្វែងដៃ ខ្វែងជើងនិងបានហៅមន្ត្រីជំនាញរដ្ឋបាលព្រៃឈើខ័ណ្ឌកំពង់ឆ្នាំងទៅបាយជាមួយនៅហាងបាយភូមិក្បាលដំរីព្រំប្រទល់កំពង់ឆ្នាំង ពោធិសាត់ ។ក្រោយមកក៏មានការសម្របសម្រួល ដោះលែងដោយសារឈើខាងលើត្រូវបានម្ចាស់អះអាងថាជាឈើក្រហមនិងមានច្បាប់(PC)របស់ដឹកចេញពីខេត្តពោធិ៍សាត់ប៉ុន្តែគ្រាន់តែដឹកលើសចំនួនកំណត់ក្នុងច្បាប់(PC) ទៅដល់៥០ម៉ែត្រគូបនោះត្រូវបានម្ចាស់ឈើអោយជំនាញរដ្ឋបាលព្រៃឈើធ្វើការពិន័យបង់ចូលថវិការដ្ឋតាមច្បាប់និងបានទុកលុយកាក់មួយចំនួនសម្រាប់បិទមាត់បិទភ្នែកអ្នកកាសែត ប៉ុន្តែមិនមានអ្នកកាសែតណាទទួលបានលុយនោះទេ។
ករណីយ៍នេះលោករស់ វុទ្ធាមន្ត្រីកងរាជអាវុធហត្ថខេត្តដែលជាអ្នកចាប់រថយន្តដឹកឈើប្រណិតបានអោយដឹងថា៖រថយន្តដឹកឈើខាងលើជាឈើធ្នង់សុទ្ធ ដែលជាប្រភេទឈើប្រណិតដែលម្ចាស់ឈើអះអាងថាជាឈើមានច្បាប់(PC)។នៅពេលសួររកច្បាប់ម្ដងថានៅឯណេះ ម្ដងថានៅឯណោះ ហើយរហូតដល់រសៀលថ្ងៃទី១២ខែធ្នូ២០១៧នេះហើយម្ចាស់ឈើនៅមិនទាន់យកច្បាប់មកបង្ហាញសមត្ថកិច្ចទៀតមិនដឹងថាជាឈើស្របច្បាប់ឬមិនស្របច្បាប់នោះទេ។ រីឯស្លាកលេខរដ្ឋយន្តនោះវិញ មានភាពមិនប្រក្រតីទៀតដោយស្លាកលេខផ្នែនខាងមុខផ្សេងគឺស្លាកៈលេខភ្នំពេញ3B 8513និងខាងក្រោយផ្សេងគឺស្លាកលេខៈ ភ្នំពេញ4A2423។
ចំណែកច្បាប់(PC)គឺមានតែក្រុមហ៊ុនទ្រី ភាពមួយគត់នៅខេត្តពោធិសាត់គឺ មិនមានក្រុមហ៊ុនណាមានច្បាប់(PC)នោះទេ។ តែតាមដឹង ក្រុមហ៊ុនទ្រីភាពបានបញ្ចប់អាជ្ញាប័ណធ្វើអាជីវកម្មព្រៃឈើនៅខេត្តពោធិ៍សាត់តាំងពីឆ្នាំ២០១០មកម្លេះ ចុះរថយន្តដឹកឈើដែលកងរាជអាវុធហត្ថចាប់បាននេះតើមានច្បាប់ចេញពីក្រុមហ៊ុនទ្រីភាពណាទៀត?។
ប្រជាពលរដ្ឋឆ្ងល់ហើយសួរថា៖ តើនៅខេត្តពោធិ៍សាត់មានក្រុមហ៊ុនណាមានអាជ្ញាប័ណថ្វើអាជិវកម្មកាប់ឈើទៀត? តើលោក នាយករដ្ឋបាលព្រៃឈើម៉ាស្រុកខ្មែរថ្មី និងលោក វ៉េង សាខុនរដ្ឋមន្ត្រីក្រសួងកសិកម្មរុក្ខាប្រម៉ាញ់និងនេសាទ មានដឹងអំពីករណីនៃកាកាប់បំផ្លាញព្រៃឈើនៅខេត្តពោធិសាត់ ដោយយកច្បាប់PCរបស់ក្រុមទ្រី ភាពធ្វើជាខែលដែរឬទេ ឬមួយបានសំណែនឆ្អែត ឆ្អន់ហើយបានជាធ្វើមិនដឹងមិនឮបែបនេះ??៕
