ក្រចេះ ៖ កាលពីវេលាម៉ោង៥និង២៥នាទីថ្ងៃទី១០ ខែធ្នូ ឆ្នាំ២០១៧គេឃើញមានគ្រោះថ្នាក់ចរាចរមួយបានកើតឡើងរវាងឡានយក្ខដឹកឈើប្រណិតប៉ះទង្គិះជាមួយឡានដឹកដំឡូងមីបណ្តាលឲ្យខ្ទាតទៅខូចខាតផ្ទះប្រជាពលរដ្ឋភូមិរោងចក្រស្ករ ឃុំត្រមូង ស្រុកមេមត់តែមិនឃើញមានសមត្តកិច្ចជំនាញណាមកពិនិត្យឡើយ។
តាមសេចក្តីរាយការណ៍ពីប្រជាពលរដ្ឋបានឲ្យដឹងថា៖ឡានដឹកឈើប្រណិតរបស់ឧកញ៉ាសឹង្ហ សំអុល ដែលគេស្គាល់ថាជាឧកញ៉ាឈ្មួញឈើ ដ៏ល្បីល្បាញប្រចាំទេស ព្រោះគ្មានសមត្តកិច្ចណាសូម្បីតែតុលាការខេត្តក្រចេះក៏មិនហ៊ានក្អកជាមួយមួយរយៈនេះបាន បានបើកបរស្របទិសគ្នាជាមួយនឹងឡានដឹកដំឡូងរបស់ប្រជាពលរដ្ឋ តាមបណ្ដោយផ្លូវលេខ៧ ពីស្រុក ស្នួលខេត្ដក្រចេះ មកដលចំណុច ភូមិរោងចក្រស្ករ ឃុំត្រមូង ស្រុកមេមត់ ខេត្តត្បូងឃ្មុំបំរុងនាំចេញទៅស្រុកយួនតាមច្រកដារឬដូង៧ដើម។
ប្រហែលដោយសារសំអាងថាឡានឈើឧកញ៉ា អ្នកបើកបរក៏បើកវ៉ាជែងឡានដឹកដំឡូងតែដោយដឹកឈើច្រើនធ្ងន់ពេកមិនដឹងក៏ វ៉ាមិនផុតហើយបាន កៀគ្នាជាមួយនឹងឡានដឹកដំឡូង បណ្ដាលអោយឡានដឹកដំឡូងធនធំដូចគ្នា ខ្ទាតទៅបុកផ្ទះអ្នកភូមិ នៅតាមបណ្ដោយផ្លូវនៅចំណុចភូមិឃុំខាងលើខូចខាតយ៉ាងដំណំ ។តែសំណាងមិនមានសេចក្តីរាយករណ៍ថាមានមនុស្សរងគ្រោះថ្នាក់។
គេ ចាំមើលថាតើមានសមត្ថកិច្ចជំនាញណាមានចំណាត់ការបែបណាចំពោះឡាន ដឹកឈើប្រណិតដែលប៉ាន់ស្មានថាមានប្រមាណជា៦០សឹបម៉ែតគូប របស់លោក ឧកញ៉ារូបនោះទេ?។តែគេមិនសង្ឃឹមប៉ុន្មានទេព្រោះសូម្បីនាយករដ្ឋមន្ត្រីតេជោសែនលើកឈ្មោះក្នុងអង្គប្រជុំគណរដ្ឋមន្ត្រីហើយក៏គេមិនឃើញនាយឧត្តមសេនីយ៍សៅសុខាមេបង្ក្រាបឈើធើអីអុលផងម៉ាអារឿងចឹងដាំចេក។ ម្យ៉៉ាង ឡានដឹកឈើឧកញ៉ាសឹងសំអុលក៏ធ្លាប់បុកផ្ទះប្រជាពលរដ្ឋដែរមានគ្រោះមនុស្សទៀតតែឈឹង។
មានសេចក្តីរាយការណ៍ថា៖ឈ្មួញដែលមានងារជាឧកញ៉ានិងជាសមត្តកិច្ចប៉េអឹមផង នៅតែបន្តប្រមូលទិញឈើដែលកាប់កាប់ខុសច្បាប់ពីក្នុងតំបន់អភិរក្ស ស្រុកកោះញែក ខេត្តមណ្ឌលគិរី ហើយដឹកជញ្ជូនតាមរថយន្តយីឌុបធំៗ ចេញទៅស្រុកយួនតាមច្រកដរក្រុងស្រុកមេមត់ យ៉ាងគគ្រឹកគគ្រេងដោយមានការឃុបឃឺតជាមួយមន្ត្រីមានសមត្តកិច្ចក្រោមលេសថាដឹកឈើមានច្បាប់។
សូមបញ្ជាក់ដែរជាគោលការណ៍រាជរដ្ឋាភីបាលបានផ្អាកការអនុញ្ញាតិឲ្យនាំចេញឈើដេលមិនទាន់កែច្នៃចេញទៅបរទេសតែមកដល់ពេលនេះគេនៅតែឈើញឈ្មួញឈើថ្នាក់ឧកញ៉ាធំៗនៅតែនាំចេញឈើដុលចេញទៅស្រុកយួនដដែល។មានសេចក្តីរាយការណ៍ថា៖ឧកញ៉ាសឹងសំអុលបាននិងកំពុងយកច្រកដូង៧ដើមចេញឈើដោយសហការជាមួយចែក្តាមឈ្មួញឈើល្បីឈ្មោះដែលមានប្តីជាមន្រីនគរបានប៉ុស្តិឃុំដានោះផង។
សូមបញ្ជាក់ដែរថា៖ កន្លងមកថ្មីៗនេះ បានមានព័ត៌មានមួយ ពីស្រុកស្នួល ខេត្តក្រចេះ បានឲ្យដឹងថា មេឈ្មួញ សិង្ហ សំអុល បានប្រើអំណាច ឥទ្ធិពល ជាឧកញ៉ា ផឹកស៊ីស្រវិង ច្រងេងច្រងាង អួតអាងក្នុងហាង ១កន្លែង នៅស្រុកស្នួល ហើយជេរប្រមាថ និងគំរាមបាញ់ ដល់អ្នកព័ត៌មានណា ដែលបានចុះផ្សាយពីខ្លួន ដែលកំពុងធ្វើជំនួញឈើឆ្លងដែន ទៅប្រទេសវៀតណាម ដោយសម្តីធ្ងន់ៗថា៖ ពួកអាកាសែតណា ចង់ផ្សាយអីក៍ផ្សាយទៅ អញមិនខ្វល់ទេ បើនាយករដ្ឋមន្ត្រី ហ៊ុន សែន មិនបញ្ជាឲ្យ នាយឧត្តមសេនីយ សៅ សុខា ចាប់អញ គ្មានអ្នកណា ហ៊ានចាប់ អញទេ។ ដោយសារមិនអាចទាក់ទងឧកញ៉ាសឹងសំអុលបាននោះសង្ឃឹមថានឹងមានការបកស្រាយពីពតិមាននេះជាមិនខាន!៕
