ភ្នំពេញ៖ថ្មីៗនេះ តារាចម្រៀងស្រីផលិតកម្មហង្សមាសកញ្ញា សួស វីសា ទើបតែចេញមុខបកស្រាយពីពត៍មានដែលថាកញ្ញាមានទំនាក់ទំនងស្នេហាជាមួយបុរសរូបរាងស្រស់សង្ហាម្នាក់ឈ្មោះថា ថមមី ដែលជាកូនក្រុមរាំរបស់នាង ។
សូមបញ្ជាក់ដែឬថាដោយសារតែ ភាពស្និទ្ធស្នាលខ្លាំងដល់ថ្នាក់ដេកកើយភ្លៅកៀកគ្នារវាងតារាចម្រៀងស្រី សួស វីសា និង យុវជនថមី បង្កើត មានការលើកឡើងយ៉ាងផុសផុលថាតារាស្រី-ស្រីទាំងពីរដួងនេះ បានរួមរស់ជាមួយគ្នាក្រោមដំបូលតែមួយដូចប្ដីប្រពន្ធចឹង ។
ករណីនេះ ស្រីស្រស់ សួស វីសា បានបកស្រាយថា ៖ «ចង់ប្រាប់រឿងមួយដល់អ្នកគាំទ្រ និងស្រឡាញ់ចូលចិត្តខ្ញុំទាំងអស់ឱ្យបានដឹង ដែលរឿងនោះខ្ញុំលាក់ជាសម្ងាត់យូរហើយ ខ្ញុំសូមជម្រាបដល់បណ្តាអ្នកគាំទ្រខ្ញុំទាំងអស់ និងបងៗសារព័ត៌មានថា ខ្ញុំ សួស វីសា និង ប្អូនប្រុស ថមមី គ្មានទំនាក់ទំនងស្នេហាពិតប្រាកដអីទេ គ្រប់យ៉ាងពួកខ្ញុំគ្រាន់តែសម្តែងប៉ុណ្ណោះ ហើយពួកយើងស្រឡាញ់រាប់អានគ្នាដូចបងប្អូនបង្កើត ។ថមមី អាយុប្អូនខ្ញុំដល់ទៅ បីឆ្នាំ ហើយខ្ញុំស្រឡាញ់គាត់ដូចប្អូនខ្ញុំបង្កើតអត់ចង់ថែមថយអីទៀតទេ ។
សូមបកស្រាយខ្លីៗ វាជាការពិត ងាយយល់ ហើយសង្ឃឹមថាអ្នកទាំងអស់គ្នានឹងអស់ចម្ងល់ទៀតទៅ។ ណាមួយដោយចេញមុខសារភាពបែបនេះ គឺដោយសារពួកខ្ញុំក៏ចង់បានស្នេហាមែនទែន ដូចគេដូចឯងដែរ ព្រោះអាយុច្រើនហើយ បើរវល់តែសម្តែងជាមួយគ្នាចឹងទៀត កាលណាមានគូមែនទែននឹងគេ???2018 ហើយ […]។
ផ្ទុយទៅវិញសម្រាប់ភាគីខាងប្រុសវិញថមមី បានសរសេររៀបរាប់ឱ្យអ្នកគាំទ្រជួយពិចារណាថា៖ «ការពិតនៅតែជាការពិត សូមបងប្អូនយល់ ពិចារណា បើចង់បានស្នេហ៍ពិត ចាំចាប់តែកំហុស ហើយគិតថាខ្លួនត្រូវតែឯង គ្រប់ពេលមិនមានហេតុផល ហើយចាំចោទថាតែគេ ថាមិនស្មោះត្រង់លើខ្លួន វាគ្មានក្តីសុខទេ (ស្នេហ៍ពិត មិនគិតអាយុ លុយ កិត្តិយសជ្រុល ជាពិសេស ចង់ឱ្យគេស្រឡាញ់ខ្លួនខ្លាំងយើងត្រូវស្រឡាញ់គេឱ្យខ្លាំងជាមុន ហើយចង់ឱ្យគេស្មោះត្រង់លើយើងត្រូវសួរខ្លួនឯងថា យើងស្មោះត្រង់នឹងគេហើយឬនៅ ) ។
ខ្ញុំធ្វើគ្រប់យ៉ាងដើម្បីចង់ល្អ តែបែរជាត្រូវគេចោទ ហើយផុសចឹងលើ Facebook យកកិត្តិយសខ្លាចខូចឈ្មោះខ្លួនឯង បងប្អូនតើនេះ ត្រឹមត្រូវទេ ?បើខ្លួនឯងមិនហ៊ានទទួលការពិតផង តើនៅឯណាស្នេហ៍ពិត? .សូមអរគុណសូមបងប្អូនជួយពិចារណាខ្ញុំផង ខ្ញុំមើលចិត្តមនុស្សមិនដាច់ទេ .block ខ្ញុំបានគ្រប់យ៉ាងតែមិនអាច block ការពិតបានឡើយ»។យោងតាមសំណេរភាំគីទាំងពីរស្មេរយើងគ្មានយោបល់អីទេព្រោះវាជារឿងរន្ធឡូ!ចឹងគិតខ្លួនឯងចុះទាន!!៕
