រតនគិរី ៖ រថយន្តបាឡែនមួយគ្រឿងពណ៌ស ពាក់ស្លាក់លេខកំពង់ចាម 2A2529 ដឹកឈើប្រភេទនាងនួននឹងធ្នង់ពេញមួយរថយន្ត ធ្វើដំណើរ ពីលិចទៅកើតលោតឆ័ត្រ មកដល់ចំណុចយាយទួលចេក ក៏ត្រូវបានលោក ជា ពេជ្រ ព្រះរាជអាជ្ញាអមសាលាដំបូងខេត្តរតនគិរី បានបញ្ជាអោយសមត្ថកិច្ចធ្វើការត្រួតពិនិត្យពេលដឹងថារថយន្តដឹកបទល្មើសព្រៃឈើនោះកម្លាំងសមត្ថកិច្ចជំនាញធ្វើការបង្ក្រាបបាននៅម៉ោង2h30នាទីយប់ឈានចូលថ្ងៃទី8 ខែធ្នូរនេះ ស្ថិតនៅភូមិ ១ សង្កាត់កាចាញក្រុងបានលុងតែម្តងចំណែកអ្នកបើកបររថយន្តបានរត់បាត់ស្រមោល ។
បច្ចុប្បន្នរថយន្តដឹកបទល្មើសខាងលើត្រូវប្រគល់អោយខ័ណ្ឌរដ្ឋបាលព្រៃឈើ ដើម្បី រង់ចាំម្ចាស់រថយន្តចូលខ្លួនមកដោះស្រាយទៅតាមច្បាប់់ រដ្ឋបាល ព្រៃឈើ។
គួររំលឹកថា ៖ កន្លងមកសង្កេតឃើញថាសមត្ថកិច្ចជំនាញតែងតែមានការបង្ក្រាបដូចភ្លៀងរលឹម ប៉ុន្តែបទល្មើសនៅតែមានដដែលៗ។
ដោយ៖ ចាប សំអាន
