ភ្នំពេញ ៖ សាលារាជធានីភ្នំពេញនិងអគ្គនាយកដ្ឋានអន្តោប្រវេសន៍នៃក្រសួងមហាផ្ទៃ កាលពីថ្ងៃទី៦ធ្នូបានបើកកិច្ចប្រជុំមួយស្តីពីការអនុវត្តច្បាប់អន្តោប្រវេសន៍និងការដកហូតលុបចោលឯកសាររដ្ឋបាលកម្ពុជាមិនប្រក្រតីដែលជនបរទេសកំពុងកាន់កាន់ប្រើប្រាស់ដោយមានការចូលរួមពីមន្ត្រីជាង៣៥០នាក់។
នាយឧត្តមសេនីយ៍ សុខ ផល អគ្គនាយកនគរបាលអន្តោប្រវេសន៍ បានឲ្យដឹងថា៖ក្នុងការគ្រប់គ្រងចនបរទេស នៅឆ្នាំ២០០២ យើងបានធ្វើជំរឿនស្ថិតិឃើញថាមានជនបរទេសមករស់នៅកម្ពុជាមាន២០សញ្ជាតិ និងមានចំនួន ៧០០១២នាក់ ។ចាប់ពីឆ្នាំ២០០២ ដល់២០១៥ មានការកើនឡើងមាន២០ម៉ឺននាក់ ប្រមាណ១២សញ្ជាតិ តែច្រើនជាងគេ គឺជនជាតិវៀតណាម។
លោកនាយឧត្តមសេនីយ៍ បានឲ្យដឹង ថាចាប់តាំងពីឆ្នាំ២០១៤ រហូតមកដល់ខែតុលា ឆ្នាំ២០១៧ អគ្គនាយកដ្ឋានអន្តោប្រវេសន៍ បានឃាត់ខ្លួន និងបណ្តេញចេញជនបរទេសចំនួន ១៣.៩៥៤នាក់ (ស្រី ២.០២៤នាក់) មាន ៨៥សញ្ជាតិ ក្នុងនោះជនជាតិវៀតណាមចំនួន ១០,៨៩២នាក់ (ស្រី ២.០២៤នាក់) ហើយអគ្គនាយកដ្ឋានអន្តោប្រវេសន៍ បានចុះធ្វើអធិការកិច្ចហត្ថពលកម្មបរទេសចាប់ពីឆ្នាំ២០១៤ រហូតខែវិច្ឆិកា ឆ្នាំ២០១៧ បានរកឃើញពលករបរទេសគ្មានប័ណ្ណការងារចំនួន៧,៥៦៣នាក់ ផងដែរ។
សូមបញ្ជាក់ថា នៅក្នុងច្បាប់នៃព្រះរាជាណាចក្រកម្ពុជាស្តីពីការប្រកាសអោយប្រើប្រាស់ជាផ្លូវការនូវច្បាប់ស្តីពីអន្តោប្រវេសន៍ដែលរដ្ឋសភាបានអនុម័តបានអនុម័តនៅថ្ងៃទី២៦ខែសីហាឆ្នាំ១៩៩៤ក្នុងនោះមានចែងក្នុងសេចក្តីបញ្ញតិទូទៅក្នុងការគ្រប់គ្រងជនបរទេសគ្រប់រូបដោយគ្មានការរើសអើង។
នៅក្នុងកិច្ចប្រជុំនោះបានលើកឡើងឲ្យដឹងដែរថា ៖ មានជនអន្តោប្រវេសន៍រស់នៅមិនប្រក្រតីនៅកម្ពុជានិងមានការកាន់កាប់និងប្រើប្រាស់ឯកសាររដ្ឋបាលនៅរាជធានី២១៤៧៤នាក់នានិងទូទាំងប្រទេសមានប្រមាណជាំង៧៣ម៉ឺននាក់។ការដកហូតព្រមទាំងលុបចោលលិខិតស្នាមគឹអនុវត្តតាមអនុក្រិត្យលេខ១២៩អនក្រ.បក ។
ចំពោះការត្រួតពិនិត្យឡើងវិញនេះគឺជាការអនុវត្តជាក់ស្តែងចំពោះមន្ត្រីដែលបានធ្វើការងាររដ្ឋបាលមិនប្រក្រតីចំពោះចេញរដ្ឋបាលកន្លងមកនោះដែលគេជឿជាក់ថាមិនមានតម្លាភាពនោះ ។ គេមិនដឹងថាតើច្បាប់ស្តីពីការគ្រប់គ្រងចនបរទេសមានចែងពីការដាក់តោសទណ្ឌចំពោះមន្ត្រីមានសមត្តកិច្ចដែលឃុបឃឹតចេញបណ្ឌ័មិនប្រក្រតីឲ្យជនបរទេសដែរឬអត់នោះទេ ? ៕
