កំពង់ធំ ៖ យោងតាមការចុះផ្សាយរបស់សារព័ត៌មានក្នុងស្រុក មួយចំនួនបានឲ្យដឹងថា៖ ក្នុងរដូវដាក់ឆ្នុកឆ្នាំនេះ មានជនជាតិវៀតណាម ឈ្មោះសេងហ៊ុង (ហៅហ៊ងក្បាលដែក)ជនជាតិវៀតណាម រស់នៅភូមិមាត់ខ្លា ឃុំអន្លុងសំណរ ស្រុកជីក្រែង ខេត្តសៀមរាប បានស្ពាយលុយប្រមាណជាង៥ម៉ឺនដុល្លាអាមេរិក មកចែកជូនដល់សមត្ថកិច្ចជំនាញនិងអង្គភាពពាក់ព័ន្ឋនៅក្នុងខេត្តកំពង់ធំ ដើម្បីជាថ្នូរនិងការសុំដាក់ឆ្នុកចាប់ពី ព្រំប្រទល់ស្រុកជីក្រែងខេត្តសៀមរាបនិង ពីទិកដីឃុំពាមបាង ស្រុកស្ទោង រហូតដល់ឃុំផាត់សណ្តាយ ដោយហាមដាច់ខាតមិនអោយប្រជានេសាទដាក់ឆ្នុកឡើយប្រសិនបើមិនបង់លុយអោយគេ ។
ប្រជាពលរដ្ឋបានអោយដឹងថា៖សព្វថ្ងៃក្នុងផ្ទៃបឹងទន្លេសាបក្នុងខេត្តកំពង់ធំទាំងមូល វាហាក់បីដូចជាស្ថិតក្រោមការគ្រប់គ្រង់របស់ ឈ្មោះសេងហ៊ុង ហៅហ៊ុងក្បាលដែកដែលជាជនជាតិវៀតណាម កាន់កាប់គ្រប់គ្រងទាំងស្រុងដោយសារលោក ប៉ែន វណ្ណរិទ្ធ នាយខណ្ទរដ្ឋបាលជលផលខេត្តកំពង់ធំ បានផ្ទេរសិទ្ធិ ឲ្យ។ ព្រោះប្រជានេសាទ ទាំងអស់ស្ថិតនៅក្នុងផ្ទៃបឹងទន្លេសាប ទាំងខ្មែរ និងវៀតណាម ត្រូវបង់លុយឲ្យលោក សេងហ៊ុងទាំងអស់ បើចង់ដាក់ឆ្នុក តែបើ សិនជាប្រជាពលរដ្ឋណាមិនបង់លុយឲ្យទេ លោក ហ៊ុង និងបញ្ជាឲ្យលោក យ៉ាន់ វិសាក់(ហៅសែ) នាយផ្នែកជលផលផាត់សណ្ដាយ និងលោក ហួន ផល នាយសង្កាត់ពាមបាង ចាប់ទាំងយប់ ។
ករណីយ៍នេះ លោក សេងហ៊ុង ដែលអាចថាជាអ្នកទិញសិទ្ធិផ្តាច់ពីលោកនាយខណ្ទរដ្ឋបាលជលផល កំពង់ធំ ហើយបានធ្វើសមកម្មភាព ប្រមូលលុយពីប្រជានេសាទមកបង់ជូនសមត្ថកិច្ច និងអាជ្ញាធរខេត្តកំពង់ធំបានឲ្យដឹងថា៖ ការប្រមូលលុយពីប្រជានេសាទឆ្នាំនេះ មានការយឺតយ៉ាវ ដោយសារតែក្រោយ ពីលោកបានបង់លុយទាំងអស់ទៅខាងសមត្ថកិច្ច រួចហើយនោះមានប្រជានេសាទខ្លះមិនព្រមបង់លុយឲ្យលោក អ្នកខ្លះបានរត់គេច ពីលោក ធ្វើឲ្យលោកដើរប្រមូលលុយមកវិញមិនបានគ្រប់ចំនួន ។
លោក យ៉ាន់ វីសាក់ ហៅសែ នាយផ្នែករដ្ឋបាលជលផលផាត់សណ្តាយ គ្រប់គ្រងតាំងពីព្រំព្រទល់សៀមរាប រហូតដល់ ព្រំប្រទល់ខេត្តកំពង់ឆ្នាំង បានឲ្យដឹងតាមទូស័ព្ទថា ៖លោកជានាយផ្នែកមែន ហើយលោកគ្រាន់តែជាអ្នកមើលពីលើនោះទេ ចំនែកអ្នកដែលអនុវត្តការបង្ក្រាបបទល្មើសគឺលោក នាយសង្កាត់ ខ្ញុំឯណាទៅមើលម្នាក់ឯងបានសព្វ នោះ ?ហើយលោកអ្នកកាសែតម៉េចក៏មិនសួរលោក ផលជានាយសង្កាត់ពាមបាង និងលោក ឃឿន ដែលជានាយសង្កាត់កំពង់ស្វាយទៅ? ។ សូមបញ្ជាក់ថា តេជោសែននាយករដ្ឋមន្ត្រីបានលុចចោលឡូតិ៍នេសាទដើម្បីឲ្យប្រជាជនបានស្រួលតែទីបំផុតស្រួលតែឈ្មួញនិងសមត្តកិច្ចដដែល!។
សូមបញ្ជាក់ថា៖បទល្មើសឆ្នុក និងរុញស៊ីប ត្រូវបានគេប្រទះឃើញ ធ្វើសកម្មភាពនៅចំនុចឃុំពាមបាង បាឡត ពៅវើយ ដូនស្តើង អន្លុងតាឱន ក្នុងតំបន់ស្នូលទន្លេឆ្មា ឃុំពាមបាងនិងឃុំផាត់សណ្តាយ ជារៀងរាល់យប់ ដែលជាសកម្មភាពយ៉ាងគឃ្លើនផ្គើនទៅនឹងបទបញ្ជារបស់ប្រមុខរាជរដ្ឋាភិបាល ដែលបានដាក់បទបញ្ជាឲ្យ នាយសង្កាត់ នាយផ្នែក និងនាយខណ្ទរដ្ឋបាលជលផល រួមគ្នាទប់ស្កាត់ការពារមឆ្ឆាជាតិ តែបែរជាលោក ប៉ែន វណ្ណរិទ្ធ នាយខណ្ទរដ្ឋបាលជលផល មិនខ្ចីអើពើ អសមត្ថភាពក្នុងការបង្ក្រាបបទល្មើសនេសាទ ដែលពោពេញទៅដោយភ្លើងឆ្នុកដូចបុណ្យកឋិន យ៉ាអនាធិបតេយ្យទៅវិញ ដើម្បីតែផលប្រយោជន៍បុគ្គលនិងបក្ខពួកតែប៉ុណ្ណោះ៕
