ភ្នំពេញ ៖ ថ្មីៗនេះ លេចធ្លាយព័ត៌មានថា តារាម៉ូឌែលក្រម៉ាខ្មែរ កញ្ញាមានសូនីតា ចូលសម្រាកពេទ្យតែមិនដឹងថាមានជម្ងឺអ្វីនោះទេ។ តែអ្នកដែលព្រួយខ្លាំងមិនមែនជាឧពុកម្តាយនោះទេតែគឺជាមន្ត្រីគយវយ័ស្មើឪពុកកញ្ញាទៅវិញ។ កន្លងមកកញ្ញាមាន សូនីតាត្រូវបានអ្នសិល្បៈមួយចំនួនហៅ ថា “ជំទាវតូចៗ” ព្រោះថាគ្រាន់តែឡើងកូដមួយប្រាវ អតីត Freshie រូបនេះមានទ្រព្យសម្បត្តិមិនក្រោម៥០ម៉ឺនដុល្លារអាមេរិកឡើយគឺនាងស្ថិតក្នុងចំណោមតារាស្រីវ័យក្មេងដែលកំពុងមានទ្រព្យច្រើន ដូចជា នៅ សូនីតា, ទេព បូព្រឹក្ស និងបេប៊ី ជាដើម។ ទោះជាយ៉ាងណាមាន សូនីតា មិនដែលបំភ្លឺចំពោះប្រភពនៃប្រាក់ចំណូល និងការមានទ្រព្យកើនលឿនដូចផ្លេកបន្ទោរនោះ ។
មិត្តភក្តិអ្នក្សិល្បៈ បានបង្ហើបថា តាមពិតស្រីស្អាតសូនីតា នេះ គឺមានអ្នកមានទ្រព្យគ្រប់ជាន់ថ្នាក់ទាំងអស់តាមចែចង់ តែចុងក្រោយ ប្រុសដែលមានសំណាងនៅក្បែរនែបនិត្យកាយានាងជាងគេ បែរជាលោកគយម្នាក់ វ័យស្មើឪពុកនាងទៅវិញ ។ លោកគយមានលុយចាយដូចក្រដាសនោះ ច្រើនតែនិយាយប្រាប់មិត្តភក្តិថា សូនីតា ជាសង្សារលោក ហើយបុរសដែលមានសម្បុរសស្គុសជាកូនកាត់ចិន រូបនោះ ចង់បណ្តើរសូនីតា ជាចំហខ្លាំងណាស់ តែសូនីតា មិនព្រមជាដាច់ខាត។មានសូនីតានាងព្យាយាមលាកបាំងដោយសារខ្លាចបាត់ប្រីយ៍យ៍ភាព។
មាន សូនីតា ធ្លាប់ប៉ះរឿងស្នេហ៍ដ៏រសើបមួយថា មានកូនប្រុសលោកស្រីថៅកែពេជ្រម្តុំផ្សារធំថ្មី តាមស្នេហ៍ដែរ ចុងក្រោយបែរជាមិនអាចប្រជែងជាមួយលោកគយ បានទៅវិញ ។
យ៉ាងណា ពេលដែលមាន សូនីតា កំពុងត្រូវបានទាំងស្រី ទាំងប្រុស ប្រជែងស្នេហ៍កាន់តែច្រើននោះ ស្រាប់តែថ្មីៗនេះ តារារូបនេះបានធ្លាក់ខ្លួនឈឺធ្ងន់ រហូតដល់ចូលដេកពេទ្យនៅបន្ទប់សង្គ្រោះបន្ទាន់ទៀតផង ទើបធ្វើឱ្យលេចឮថា លោកគយ នោះខ្វាយខ្វល់ស្រីស្រស់ខ្លាំង រហូតដល់រត់ឆ្លេឆ្លាចុះឡើងដូចមាន់រកពងអីចឹង ស្របពេលដែលកូនស្រីថៅកែលក់ពេជ្រ ដេកមិនលក់ឡើយ ព្រោះខ្លាចសូនីតា ឈឺធ្ងន់ បាក់សម្រស់។