ព្រះវិហារ ៖ កាលពីថ្ងៃ ទី២០ ខែធ្នូ ឆ្នាំ២០១៣ ព្រឹកមិញនេះមានជនអានាមិកបានដាក់លិខិត ពីរច្បាប់ចូលទៅក្នុងប្រអប់សំបុត្ររបស់អង្គការអាដហុកខេត្តព្រះ វិហារ ដែលស្ថិតនៅភូមិអណ្តូងពោធិ៏ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ហើយនៅខ្នងសំបុត្រនោះមានដាក់អក្សរមន្ទីរកសិកម្ម ដែលបានគោរពជូនលោកប្រធានអង្គការអាដហុកមួយច្បាប់ និងមួយច្បាប់ទៀតគោរពជូនវិទ្យុអាស៊ីសេរីមួយច្បាប់ដើម្បីស្នើសុំឲវិទ្យុ អាស៊ីសេរីចុះ ផ្សាយនៅខ្លឹមសារដូចតទៅ:
យើងខ្ងុំជាអាជីវករក្នុងខេត្តព្រះវិហារ (លោកប្រធានបានជ្រាបរួចមកហើយ)អំពីការប្តឹងតវ៉ារបស់មន្ទីរថ្នាក់ក្រោម ក្នុងមន្ទីរកសិកម្ម) តែនេះជាសេចក្តីរាយការណ៌បន្ថែម មួយទៀតអំពីចំនុចពុករលួយធ្វើឲរាស្រ្តក្តៅក្រហាយព្រោះតែប្រធានមន្ទីរបាន ឃុបឃិត ជាមួយការិយាល័យផលិតកម្ម និងបសុព្យាបាល(ហៅថា ពេទ្យសត្វខេត្ត) សំងំគៀប សង្កត់ ក រាស្រ្តយកប្រាក់ពីអាជីវករ ដែលប្រកបរបរលក់ និងដឹកជញ្ជូនសត្វ(ជ្រូក គោ ក្របី )យ៉ាងថោកទាប ។ កក្តានេះគឺជាការជំរុញតំលៃទីផ្សារសត្វកាន់តែកើនឡើងជាលំដាប់ ប៉ះពាល់ជីវភាពប្រជារាស្រ្តយ៉ាងធ្ងន់ធ្ងរ អ្នកខ្លះពុំមានលទ្ឋភាពទិញសាច់បរិភោគបាន ព្រមទាំងមន្ត្រីមិនបានត្រួតពិនិត្យគុណភាពសាច់សត្វតាមបចេ្ចកទេសឲ បានត្រឹមត្រូវទៀតផង ពោលគឺសាច់អត់មានអូសត្រាក៏អាចដាក់លក់ក្នុងទីផ្សារបានដែរ (សាច់អត់មានអូសត្រាគឺជាសាច់សត្វឈឺស្លាប់) ជាហេតុបណ្តាលឲ្យ ប៉ះពាល់ដល់សុខភាពមនុស្សយ៉ាងខ្លាំងគឺពេទ្យសត្វដឹងតែពីយកលុយ និងយកសាច់ស៊ី ។
ខាងក្រោមនេះជាចំនុចសំខាន់ៗដែលពេទ្យសត្វខេត្ត និងប្រធានមន្ទីរឃុបឃិត គៀប ក រាស្រ្ត
១-អាជីវករ(រាប់រយនាក់)សុំច្បាប់អនុញ្ញាតិធ្វើអាជីវកម្មកាប់សត្វលក់ត្រូវបង់ លុយចំនួន ចាប់ពី៣០០០០០រៀល ទៅ ៤០០០០០ រៀល ក្នុងមួយនាក់ក្នុងមួយឆ្នាំ(មិនទាន់គិតថ្លៃរត់ ការផ្សេងៗទៀត) ។
២-អាជីវករកាប់សត្វនៅឃាតដ្ឋានសត្វ(ហៅថា កុងស៊ី)ក្នុងមួយក្បាលត្រូវបង់ឲប៉ូលីស ១០០០រៀល មេឃុំចំនួន ៣០០០ រៀល ម្ចាស់កុងស៊ី៨០០០រៀល(មានចំណែកពន្ឋដាផង) និងថ្លៃពន្ឋអាករ១៥០០រៀល ពេទ្យសត្វប្រមូលរៀងរាល់ព្រឹក ។ ថ្លៃ ពន្ឋអាករនេះពេទ្យសត្វបង់ចំណូលចូលរដ្ឋតែ៨ទៅ៩ក្បាលតែប៉ុណ្ណោះ នៃចំនួនសត្វដែលបានកាប់ក្នុងមួយថ្ងៃៗប្រមាណ ៤០ ក្បាលទូទាំងខេត្ត ។
អាជីវករដឹកសត្វ(គោ ក្របី )ចេញពីខេត្តព្រះវិហារក្នុងមួយឡានត្រូវបង់លុយថ្លៃ ហត្ថលេខាលោកវ៉េង ហុងលីម ២៥០០០០ រៀល ថ្លៃហត្ថលេខាលោកពឹង ទ្រីដា ២០០០០០រៀល ថ្លៃត្រួតពិនិត្យពេលសត្វឡើងឡាន៤០០០០រៀល ថ្លៃទឹកប៊ិចមន្ត្រីសរ សេរ ច្បាប់អនុញ្ញាត ៤០០០០រៀល ថ្លៃទឹកប៊ិចមន្រ្តីសរសេរបណ្ណ័ទទួលចំណូល១០០០០រៀល និង២០០០០រៀលថ្លៃទឹក ត្រា។ ទាំងនេះមិនទាន់គិតពីការចំណាយទៅលើប៉ូលីសយាមតាមផ្លូវ និងសេវាកម្ម ផ្សេងៗទៀតដែលសរុបចំណាយ ទាំងអស់ ប្រមាណ៣០០០០០០រៀលទើបដល់គោដៅ។
(ក្នុងមួយខែៗឡានដឹកគោ ក្របីចេញពីខេត្តព្រះវិហារប្រមាណពី៤០ទៅ៦០ឡាន)។
សូមមេត្តាលោកប្រធានចាត់វិធានការណ៌ជាបន្ទាន់ចំពោះមន្ត្រីពុករលួយគៀប កររាស្រ្ត ធ្វើឲសន្លឹកឆ្នោតគណបក្ស ប្រជាជន កម្ពុជាធ្លាក់ចុះយ៉ាងគហុគក្នុងការដោះឆ្នោត តំណាងរាស្រ្តអាណត្តិទី៥នេះ និងបាត់បង់ចំណូលថវិការដ្ឋជាច្រើន ។
សូមលោកប្រធានទទួលនូវការគោរពពីយើងខ្ងុំ ។
នេះជាការពិត ពីអាជីវករ។ ហើយចុងឆ្នាំនេះត្រូវរកលុយបង់ថ្លៃច្បាប់មួយសន្លឹកទៀត ។
លោក ឡោ ចាន់ អ្នកសំរបសំរួលអង្គការអាដហុកខេត្តព្រះវិហារបានមានប្រ សាសន៌ថា ពាក់ពន្ឋ័ករណីមានមនុស្សដាក់លិខិតបកអាក្រាតអំពើពុករលួ យរបស់ខាង មន្ទីរកសិកម្មខេត្តព្រះវិហារក៏ដូចជាមន្រ្តីពាក់ពន្ឋ័មួយចំនួននោះលោកនឹងចាប់ ផ្តើមធ្វើការស៊ើបអង្កេតឲបានច្បាស់លាស់មុននឹងឈានដល់ដាក់របាយការណ៌ ទៅក្រសួងពាក់ ពន្ឋ័ក៏ដូចជាអង្គភាពប្រឆាំងអំពើពុករលួយនោះ ប៉ុន្តែលោកស្នើសុំឲជនដែលបានដាក់ លិខិតមួយច្បាប់មកខាងអង្គការលោកសូមទាក់ទងផ្ទាល់ដើម្បីងាយស្រួលក្នុងការធ្វើ ការងារនេះ ហើយបើអ្នកនោះមិនបានទំនាក់ទំនងផ្ទាល់នោះទេ នោះលោកពិបាកនឹង ធ្វើការងារនេះណាស់ ព្រោះតែបាត់ប្រភពពត៌មានជាបន្តទៀត។
លោក ឡោ ចាន់ មានប្រសាសន៌បន្ថែមថា ហើយគ្មានភស្តុតាងជាសំអាងច្បាស់លាស់នោះទេនោះ លោកពិបាកនឹងធ្វើការណាស់ ដូចនេះលោកស្នើសូមឲអ្នកនោះមេត្តាមកជួបលោក ហើយលោកនឹងរក្សាភាពសំងាត់ជូនអ្នកនោះដែរ ។ ករណីនេះ គួរតែលោករដ្ឋមន្រ្តីក្រសួងកសិកម្ម រុក្ខា ប្រមាញ់ និងនេសាទ អ៊ុក រ៉ាប៊ុន បើកការស៊ើបអង្កេត ដើម្បីលាងជម្រះសំអាតនូវភាពស្អុយរលួយ របស់មន្ទីរកសិកម្មខេត្តព្រះវិហារនេះ ៕
