ខេត្តបាត់ដំបង ៖ ពិធីសម្ពោធិដាក់ឲ្យប្រើប្រាស់ជាផ្លូវការ អាគារសាលប្រជុំសាលាស្រុកព្រមទាំងសមិទ្ធិ ផលនានា និងសំណេះសំណាលជាមួយមន្ត្រីរាជការ ស្រុកបាណន់ ខេត្តបាត់ដំបង បាន ប្រព្រឹត្តទៅកាលពីថ្ងៃទី២២ ខែវិច្ឆិកា ក្រោមអធិបតីភាពសម្តេចក្រឡាហោម ស ខេង នាយក រដ្ឋមន្ត្រីស្តីទី នៃព្រះរាជាណាចក្រកម្ពុជា។
ក្នុងរបាយការណ៍របស់លោក ឈាន តឿន ប្រធានក្រុមប្រឹក្សាស្រុកបានគូសបញ្ជាក់ពី សកម្មភាព នៃការអភិវឌ្ឍន៍ របស់រាជរដ្ឋាភិបាល ក៏ដូចជាអាជ្ញាធរ គ្រប់លំដាប់ថ្នាក់ ពិសេស ក្រុមការងារថ្នាក់ជាតិ រួមជាមួយមូលនិធិស្រុក ឃុំ ឆ្នាំ២០១៥ សម្រេចលទ្ធផលច្រើន ជូនដល់ ប្រជាពលរដ្ឋក្នុងមូលដ្ឋាន មានដូចជាប្រព័ន្ធផ្លូវក្រាលគ្រួសក្រហម ផ្លូវចាក់ដីជាច្រើនខ្សែររាប់ រយគីឡូម៉ែត្រខ្វាត់ខ្វែងតភ្ជាប់ពីស្រុកទៅឃុំ ពីឃុំមួយទៅ ឃុំមួយ ពីភូមិមួយទៅភូមិមួយ ក្នុង គោលដៅកាត់បន្ថយភាពក្រីក្រ លើកកំពស់ជីវភាពរស់នៅ របស់ប្រជាពលរដ្ឋឲ្យកាន់តែមាន ភាពល្អប្រសើរ មានផ្លូវគឺមានសង្ឃឹម។ ក្រៅពីនោះក៏នៅមានសមិទ្ធិផលជាច្រើនទៀត ក្រោម ការខិតខំប្រឹងប្រែងយ៉ាងសកម្ម របស់ក្រុមការងារថ្នាក់ជាតិសម្រេចបាន មានសាលារៀនជីក ស្រះ អណ្តូងស្នប់ទឹកស្អាត ធ្វើរបងសាលារៀន ខ្លោងទ្វារវត្តចាក់ដី បំពេញទីធ្លាសាលាជាដើម ដែលជាសេចក្តីត្រូវការាចំបាច់របស់ប្រជាពលរដ្ឋក្នុងមូលដ្ឋាន។
ដោយឡែក អាគារសាលប្រជុំក្រុមការងារថ្នាក់ជាតិ ដែលមានទំហំ ១៩.៥០ x ២៦.៨០ម ចំណាយថវិការសរុបអស់ជាង១២ម៉ឺនដុល្លារ អាគាររដ្ឋបាល អធិការដ្ឋាននគរបាលស្រុក អស់ ថវិការជាង២ម៉ឺន៣ពាន់ដុល្លារ អាគារបឋមសិក្សាពាក់ស្បែក ៤ជូនឃុំស្នឹង អាគារវិទ្យាល័យ សម្តេច ហ៊ុន សែន ភ្នំសំពៅ សរុបថវិការទាំងអស់ជាង ១២ ម៉ឺនដុល្លារ។ ហើយក៏នៅមានការ ងារ មូលនិធិសម្តេចក្រឡាហោមជួយដល់មរណៈជន ស្ត្រីសម្រាលកូននិងការផ្តល់អាហា រូបករណ៍ដល់និស្សិតក្រីក្រជាច្រើនទៀតផងដែរ។
ក្នុងប្រសាសន៍សំណេះសំណាល សម្តេចក្រឡាហោម ស ខេង អបអរសាទរចំពោះ សមិទ្ធិផល ដែលអាជ្ញាធរក្រុមការងារថ្នាក់ជាតិសម្រេចបាននាពេលនេះ។ឯកឧត្តមបានវាយ តម្លៃខ្ពស់ចំពោះការអនុវត្តបានយ៉ាងល្អការអនុវត្តគោនយោបាយភូមិ ឃុំ មានសុវត្ថិភាព ដោយ ធានាបានយ៉ាងភាពសុខសាន្ត ធ្វើឲ្យប្រជាពលរដ្ឋមានភាពកក់ក្តៅ និងកាន់តែមានជំនឿមក លើសមត្ថភាពនិងកាន់តែមានជំនឿមកលើការដឹកនាំរបស់រាជរដ្ឋាភិបាលយើង មួយកំរិតថែម ទៀត។
ពិធីនេះត្រូវបានបញ្ចប់ ក្រោយពីគណអធិបតី កាត់ខ្សែបូ បើកឲ្យប្រើប្រាស់ជាផ្លូវការរួច មក ៕
