កំពង់ឆ្នាំង៖ ឈើធ្នង់ធំៗរាប់សិបដើមនៅព្រឹកថ្ងៃទី ០៤ ធ្នូ ឆ្នាំ ២០១៧ ត្រូវបានប្រជាពលរដ្ឋ ឃើញគេដឹកតាមរថយន្ដយកទៅលាក់ស្តុបទុក នៅក្នុងដីចំការមួយកន្លែង ស្ថិតនៅ ក្នុងភូមិ គោកបន្ទាយ ឃុំគោកបន្ទាយ ស្រុក រលាប្អៀរ ខេត្ដកំពង់ឆ្នាំងរបស់លោកកែ រិទ្ធី អនុប្រធាន មន្ទីរកសិកម្ម ខេត្តកំពង់ឆ្នាំង ដែលគេសង្ស័យថា ជាឈើកាប់មកខុសច្បាប់ របស់ឈ្មួញឈើម្នាក់ឈ្មោះ ធុល ដែលមានបងថ្លៃជា ចៅហ្វាយខេត្ត ។
ករណីនេះ ប្រជាពលរដ្ឋ ស្នើសុំឲ្យលោក ព្រះរាជអាជ្ញា ខេត្ត និងសមត្ថកិច្ចចំរុះខេត្តចុះ ត្រួតពិនិត្យជាបន្ទាន់ផង ដើម្បីចាត់ការ មន្ត្រីខិលខូចនិង ឈ្មួយទុច្ចរិត ដែលឃុន ឃិត គ្នា បំផ្លាញព្រៃឈើរបស់ជាតិ ។
ទាក់ទង និងរឿងនេះលោក កែ រិទ្ធី បានបញ្ជាក់ឲ្យដឹងថា ៖ ជាឈើ របស់ឈ្មោះ ធុល ជាប្អូនថ្លៃចៅហ្វាយ ខេត្ត ដែលគេមានច្បាប់កាប់មកពី ស្រុកកំពង់លែងចំនួន៥៤ ដើម ចំណែកលោក គ្រាន់តែ ជួលដីចំការអោយគេទុក ឈើ តែប៉ុណ្ណោះតាំងពីក្រោយ ថ្ងៃបុណ្យភ្ជុំបិណ្ឌមកនឹងបើចង់ ដឹងច្បាស់សួរលោក ធុល ម្ចាស់ឈើទៅ ។
ពាក់ពន្ធ័ នឹងរឿងនេះលោកងិន ហ៊ុនប្រធានមន្ទីរកសិកម្ម ខេត្តបាននិយាយថា៖ ក្នុងនាមយើងជាមន្ត្រីអនុវត្តន៍ច្បាប់ បង្ក្រាបបទល្មើសព្រៃឈើមិនគួរជួលដីអោយគេទុកឈើ ដូច្នេះឡើយទោះបីឈើមានច្បាប់ ឬអត់ច្បាប់ក៏ដោយក៏ មិន ត្រឹមត្រូវដែរ ។
លោក កែ រិទ្ធី ឆ្លើយបែបនេះមិនត្រឹមត្រូវឡើយ ប្រសិនបើឈើនោះកាប់មកខុសច្បាប់វិញនោះ លោកកែ រិទ្ធី ក៏ត្រូវមានទោស ដូចគ្នាជាមួយ ជនល្មើសជាម្ចាស់ឈើ ដែរ ។ រឿងនេះ លោកនឹង ចាត់តាំងជំនាញអោយចុះ ត្រួតពិនិត្យនិងស្រាវជ្រាវអោយបានច្បាស់ដើម្បី ចាត់ការ តាមផ្លូវ ច្បាប់ ។
ដោយឡែក លោក ថោង វីរ៉ា វុឌ្ឍី នាយខណ្ឌ័រដ្ឋបាល ព្រៃឈើ កំពង់ឆ្នាំងវិញបានបញ្ជាក់ឲ្យដឹងថា៖ លោកធុល មានច្បាប់ ពីខេត្តដឹកឈើចំនួន៥៤ ដើមរបស់ប្រជាពលរដ្ឋ ស្រុក កំពង់លែងដែលសុំ កាប់ឈើធ្នង់ នៅតាមផ្ទះលក់ អោយ ឈ្មួញដើម្បីដោះស្រាយជីវភាព ។ ដូច្នេះការកាប់ ឈើនិង ដឹកឈើ គឺមានការត្រួតពិនិត្យ ត្រឹមត្រូវ និង គូស ដៅ ជ្បាស់ ណាស់ ពី លោក អភិបាលស្រុក កំពង់លែង ដែល លោក អភិបាលខេត្តបានប្រគល់តួនាទីអោយ ដូច្នេះ ឈើ ខាងលើនេះ មិនគួជា ឈើខុសច្បាប់ឡើយ ប៉ុន្តែ យ៉ាងណាលោក ក៏ត្រូវសួរនាំកូនចៅជាអ្នកធ្វើរឿង នឹង សិន ។
ចំណែកលោក សំ ចាន់ថន អភិបាលស្រុកកំពង់លែង វិញ នៅម៉ោង២ និង៥០ នាទីរសៀល ថ្ងៃទី០៣ ធ្នូ បាន ឆ្លើយ តាមទូរសព្ទ័ថា៖ លោកជាប់ ប្រជុំសុំទោសចាំប្រជុំរួច ចាំសួរលោកចុះ ។ ចំពោះលោក ធុល ជាម្ចាស់ឈើ វិញ យើងទូរសព្ទ័ចូលជាច្រើនលើកដែរ ដើម្បីសួរនាំតែលោក មិន លើកទទួល នោះឡើយ ។
នៅក្នុង រឿងនេះមានប្រជាពលរដ្ឋ បានឃើញរថយន្ដដឹកជញ្ជូនឈើទាំងនោះទៅលាក់ទុក ក្នុងចំការនោះ បាន និយាយថា៖ មុននឹង ខេត្តអនុញ្ញាតអោយ ប្រជាពលរដ្ឋ ស្រុកកំពង់លែង កាប់ឈើ តាមដីក្នុងភូមិលក់អោយ ឈ្មួញលោក អភិបាលខេត្ត បានអោយលោកប្រធានមន្ទីរកសិកម្ម ចុះពិនិត្យករណីរឿងនេះដែរ តែស្ងាត់ឈឹង ។
ដោយឡែក ប្រជាពលរដ្ឋនៅក្នុង ភូមិ គោកបន្ទាយ បានអោយដឹងថា ឈើធ្នង់នេះ ត្រូវបានគេដឹកមកទុករាប់រយ ដើម និងបាន អារជ្រៀកដឹកយកទៅលក់២ ដងមកហើយ ដែល ពីមុនគេបាន ដឹក មកអារជ្រៀក នៅទ្វារទឹក៥ទៅ ៦ ថ្ងៃ ដែរ ពេលនេះ បើមិនត្រូវពិនិត្យទេអោយបានច្បាស់លាស់នោះទេ គឺច្បាប់ដឹកឈើ ធ្នង់តែ៥៤ដើម គឺ មិនដឹង ឆ្នាំណាដឹក អស់នោះឡើយ ។ រឿងនេះមានតែ លោក ព្រះរាជអាជ្ញ ដឹកនាំសមត្ថកិច្ចចំរុះ ចុះមកពិនិត្យ និង ចាត់ការ តែប៉ុណ្ណោះសមត្ថកិច្ចល្មមៗ មិនហ៊ានធ្វើឡើយ គឺ ព្រោះតែម្ចាស់ឈើ គឺជាប្អូនថ្លៃលោក អភិបាលខេត្ត កំពង់ឆ្នាំង ៕
