រតនៈគីរី ៖ ដោយសារតែឈ្មួញគ្រាក់ៗធំៗថ្នាក់ឧកញ៉ានៅនៅតែមានសិទ្ធក្នុងការជួញឈើប្រណិតក្នុងអាណាចក្រណៅភូមិភាគឥសាន្តក្រោមលេសមានអាជ្ញាបណ្ណ័ដោយគ្មានការទប់ស្កាត់ នៅដើមរដូវប្រាំងនេះគេបានឃើញបទល្មើសដឹកជញ្ជូនឈើប្រណិតយ៉ាងអាណាធិបតេយ្យតាមម៉ូតូ និងរថយន្តឡង់គ្រីស័រកាត់ទ្រុងកើតឡើងវិញនៅក្នុងអាណាចក្រខេត្តរតនៈគិរីពិសេសនៅឃុំញ៉ាង ស្រុកអណ្តូងមាសដែលគេជឿថាក្រៅពីមន្ត្រីជំនាញអាជ្ញាធរមូលដ្ឋាន គឺពិតជាមានចំណែកទទួលបានលាភសក្ការៈពីបទល្មើស។ជាក់ស្តែងជារៀងរាល់ថ្ងៃគេសង្កេតឃើញថាមានបទល្មើសដែឡដឹកឈើប្រណិតដោយខុសច្បាប់តាមរយៈម៉ូតូមានរាប់រយគ្រឿងក្នុង១ថ្ងៃៗ រួមនិងរថយន្តប្រភេទឡង់គ្រីស័រកាត់ទ្រុងជាច្រើនគ្រឿងផ្សេងទៀតកាត់មុខសមត្តកិច្ចតាមដងផ្លូវដោយរលូន។
ដោយសារភូមិសាស្ត្រឃុំញ៉ាងក្នុងស្រុកអណ្តូងមាសនេះជាតំបន់ដែលនៅឆ្ងាយដាច់ស្រយាលជាងគេពីទីរួមខេត្តរតនគិរី ដែលមួយភាគនៃឃុំញ៉ាងនេះដាក់ទៅនិងតំបន់កន្ទុយនាគជាតំបន់សមត្ថកិច្ចខហើយអ្នកយកពត៌មានពិបាកនិងទៅយកពត៌មាននៅទីនោះប្រជាពលរដ្ឋដែលបានឃើញហេតុការណ៍បានអោយដឹងថា៖ក្រុមដឹកតាមរថយន្តអាននឹងមានមេឈ្មួញធំៗ២-៣ក្រុមជាអ្នករត់ការតាមផ្លូវនៅតំបន់នោះ ដែលមានសមត្ថកិច្ចជិត១០ស្ថាប័ន រួមទាំងនគរបាលប្រឆាំងបទល្មើសសេដ្ឋកិច្ចខេត្ត និងក្រសួងក៏មានឈរជើងនៅទីនោះផងដែរ។
ពួកក្រុមម៉ូតូឡានទាំងអស់នោះដឹកចេញពីតំបន់ព្រៃភូមិមុយ ព្រៃភូមិតាំងជិ ព្រៃភូមិតាំងស៊េ និងមួយផ្នែកចេញពីស្រុកតាវែងឆ្លងកាត់ អណ្តូងមាស ញ៉ាង ចូលយកទៅលក់នៅវៀតណាមតាមច្រករបៀងតូចៗដូចជាច្រកតាឡាវ ច្រកអូរសាជី ច្រកអូរពាមសៀវ…។ល។ដោយរលូន។សូមបញ្ជាក់ថានៅក្នុងអាណាចក្រខេត្តំណ្ដលគីរីនេះឈ្មួញល្បីឈ្មោះដែលបាននិងកំពុងថ្វើសកម្មភាពដឹកជញ្ជូននាំចេញឈើទៅស្រុកយួនមានជាអាអាទិ៍ម្សៀហូជីវ៉ៃដេលមានខ្នងបង្អែកជាសមត្តកិច្ចនិងថ្មីៗនេះមានឧកញ៉ាទ្រីភាពផងដែរ។
សមត្ថកិច្ចតូចតាចក្នុងស្រុកវ៉ើនសៃ រតនគិរី បានឲ្យដឹងថាមួយរយៈកន្លងទៅនេះឈ្មួញជាច្រើននាក់ រួមទាំងមេការរបស់ឧកញ៉ា ទ្រី ភាព ឈ្មោះលោក សាល កំពុងសម្រុកដឹកឈើតាមរថយន្តធំៗចេញពីស្រុកវ៉ើនសៃ យ៉ាងអនាធិបតេយ្យ។ ឈ្មួញខ្លះបានអះអាងថាឈើដែលពួកគេដឹកចេញបច្ចុប្បន្នគឺជាឈើចាស់ និងមានច្បាប់អនុញ្ញាតត្រឹមត្រូវ ក៏ប៉ុន្តែជាក់ស្ដែងឈើទាំងនោះទើបនឹងកាប់រំលំអារច្រៀកថ្មីៗក្នុងព្រៃការពារ ព្រៃសហគមន៍ និងព្រៃអភិរក្ស។ រយៈពេលប៉ុន្មានថ្ងៃកន្លងទៅនេះឈ្មួញបានប្រើរថយន្តយីឌុបធំៗចំណុះរាប់សិបតោនដឹកឈើចេញទៅស្រុកយួនតាមច្រកទ្វារអន្តរជាតិអូរយ៉ាដាវ ដោយមានការសម្របសម្រួលពីសមត្ថកិច្ចលើផ្លូវជាតិលេខ៧៨ និងសមត្ថកិច្ចនៅច្រកព្រំដែនយ៉ាងរលូនតែម្តង។
