កំពង់ឆ្នាំង៖នាយឧត្តមសេនីយ៍សន្តិបណ្ឌិត សុខ ផល អគ្គនាយកអន្តោប្រវេសន៍ នៃក្រសួងមហាផ្ទៃ បានចុះពិនិត្យសកម្មភាពរបស់មន្ត្រីនគរបាល ក្រសួងមហាផ្ទៃ និងមន្ត្រីនគរបាលនៃស្នងការដ្ឋាននគរបាលខេត្ត កំពង់ឆ្នាំង ក្នុងការដំណើរការពិនិត្យ ចុះបញ្ជីនិងការដកហូតឯកសាររដ្ឋបាលកម្ពុជា មិនប្រក្រតីដែលជាជនបរទេស កំពុងកាន់កាប់ប្រើប្រាស់រស់នៅបច្ចុប្បន្ន ក្នុងទឹកដីខេត្តកំពង់ឆ្នាំកាលពីព្រឹកថ្ងៃទី២៦ ខែវិច្ឆិការ ឆ្នាំ២០១៧។-ក្នុងការចុះពិនិត្យ នាយឧត្តមសេនីយ៍សន្តិបណ្ឌិត សុខ ផល អគ្គនាយកអន្តោប្រវេសន៍ នៃក្រសួងមហាផ្ទៃ បានបញ្ជាក់ប្រាប់ជនជាតិវៀតណាម ដែលបានយកឯកសារមកឲ្យមន្ត្រីនគរបាលធ្វើការត្រួតពិនិត្យនោះដោយបានបញ្ជាក់ថា ការត្រួតពិនត្យ និងការដកហូត ឯកសាររដ្ឋបាលកម្ពុជា មួយចំនួនដែលមានភាពមិនប្រក្រតី របស់ជនបរទេស ដែលកំពុងកាន់កាប់និងប្រើប្រាស់សព្វថ្ងៃនោះគឺធ្វើទូទាំងប្រទេស ដោយយោងអនុក្រិត្រ លេខ ១២៩ អនក្រ ប្រក ចុះថ្ងៃទី១៥ ខែសីហា ឆ្នាំ២០១៧ ដើម្បីងាយស្រួលក្នុងការគ្រប់គ្រងនូវជនបទេសទាំងអស់ដែលបានមករស់នៅក្នុងទឹកដីកម្ពុជាសព្វថ្ងៃ ។
លោកប៉ាន់ឡៃឃាងប្រធានការិយាល័ជនអន្តោប្រវេស៍នៃស្នងការនគបាលខេត្តកំពង់ឆ្នាំងបានអោយដឹងថា៖-ការចុះពិនិត្យឯកសាររដ្ឋាបាលនេះ ដោយយោងអនុក្រិត្រ លេខ ១២៩ អនក្រ ប្រក ចុះថ្ងៃទី១៥ ខែសីហា ឆ្នាំ២០១៧ ស្តីពីការលុបចោលនិងការដកហូតឯកសាររដ្ឋបាលកម្ពុជា មិនប្រក្រតីដែលជនបរទេស កំពុងកាន់កាប់និងប្រើប្រាស់សព្វថ្ងៃ ។
លោក ប៉ាល់ សូត្រ ស្នងការរង ទទួលបន្ទុកគ្រប់គ្រងជនបរទេស នៃស្នងការដ្ឋាននគរបាលខេត្តកំពង់ឆ្នាំង បានឲ្យដឹងថា៖ ការអនុវត្តន៍ ចំពោះជនបរទេស ដែលមានឯកសារមិនប្រក្រតី មានដូចជា(សៀវភៅស្នាក់នៅ សៀវភៅគ្រួសារ អត្តសញ្ណាញប័ណ្ណសញ្ជាតិខ្មែរ សំបុត្រកំណើត សេចក្តីចំលងសំបុត្រកំណើត សំបុត្រអាពាហ៍ពិពាហ៍ លិខិតឆ្លងដែន ) ឯកសារទាំងនេះនិងត្រូវដកហូតវិញ បន្ទាប់មកបានអោយដាក់ពាក្យសុំ ជាជនអន្តោប្រវេសន៍ និងបំពេញសំណុំបែបបទមួយចំនួនថែមទៀត ដើម្បីបានក្លាយជាជនអន្តោប្រទេសន៍ស្រប់ច្បាប់របស់ប្រទេសកម្ពុជា ។ ក្រោយពីក្លាយជាជនអន្តោប្រទេសន៍ស្រប់ច្បាប់របស់ប្រទេសកម្ពុជាហើយអ្នកទាំងនោះត្រូវបង់ពន្ធអាករ រយះពេល០៧ឆ្នាំ បន្ទាប់មកទើបអាចដាក់ពាក្យសុំចូលសញ្ញាតិកម្ពុជា ។
លោក ប៉ាន់ ឡៃឃាង នាយការិយាល័យគ្រប់គ្រងជនបរទេស នៃស្នងការដ្ឋាននគរបាលខេត្តកំពង់ឆ្នាំង បានបញ្ជាក់ប្រាប់អ្នកយកព័ត៌មានយើងថា ៖សម្រាប់ខេត្តកំពង់ឆ្នាំង មានជនជាតិវៀតណាមចំនួន ២៣៩៣គ្រួសារ ស្មើនិង១០០៨៧នាក់ ក្នុងរយៈពេលដំណើរការចុះត្រួតពិនិត្យនេះ បានធ្វើការដកហូតឯកសារមិនប្រកក្រតីបានចំនួន ១៧៣៣ច្បាប់ ក្នុងនោះមាន(សៀវភៅក៤ សំបុត្រកំណើត សំបុត្រអាពាហ៍ពិពាហ៍ អត្តសញ្ណាញប័ណ្ណសញ្ជាតិខ្មែរ)ផងដែរ។លោកបានបញ្ជាក់អោយដឹងផងដែរថា ការចុះត្រួតពិនិត្យឯកសាររដ្ឋបាលនេះលោកនឹងបន្តធ្វើរហូតដល់អស់ជនបរទេសដែលមានក្នុងបញ្ជីឈ្មោះ៕
——————–