ប្រភពពីប្រជាពលរដ្ឋដែលរស់នៅទីនោះបានប្រាប់អ្នកឆ្លើយឆ្លងព័ត៌មានអោយដឹងថាក្នុងមួយថ្ងៃគេសង្កេតឃើញមានគោយន្តកន្ត្រៃនិងគោយន្តឆ្នៃរបស់ជនជាតិវៀតណាមចូលមកដឹកជញ្ជូនឈើប្រណីតចេញពីព្រុំដែនប្រទេសកម្ពុជាត្រង់ចំណុចប៉ុស្ត៍៤នឹងប៉ុស្ត៍៥ដែលគ្រប់គ្រងដោយលោក ផល សំណាងនិងលោកនៀវ សារុនដោយក្នុងមួយថ្ងៃមិនក្រោមពីរ៤០ទៅ៥០គ្រឿងឡើយ ដោយឈើទាំងនោះត្រូវបានជនខិលខូចមួយចំនួនអារផ្តួលជ្រៀកជាបួនជ្រុង មានដូចជាធ្នង់បេង នាងនួនហើយឈើទាំងនោះសុទ្ធសឹងតែកាត់រំលំនៅក្នុងព្រៃការពារ ដែលស្ថិតនៅក្នុងស្រុកពេជ្រាដាខេត្តមណ្ឌលគិរី ហើយប្រជាពលរដ្ឋនាំគ្នាលើកឡើងថា ហេតុអ្វីមន្ត្រីជំនាញឬមន្ត្រីពាក់ព័ន្ធក្នុងខេត្ត មិនដែលមានចំណាត់ការអ្វីសោះទៅលើមន្ត្រីរបស់ខ្លួនដែលប្រចាំការនៅទីនោះ ឬមួយជំនាញទាំងនោះដាក់កូនចៅដើម្បីតែទទួលសំណែនរបស់គេទេដឹង បានជាមិនធ្វើការបង្ក្រាបទុកអោយជនជាតិវៀតណាមទាំងអស់នោះបំផ្លាញព្រៃឈើក្នុងស្រុកខ្មែរអស់ទើបបង្ក្រាប ?។
ប្រភពដដែលអោយដឹងថា ការដឹកជញ្ជូលប្រណីតចេញទៅប្រទេសវៀតណាមបានយ៉ាងរលូនបែបនេះដោយសារតែមានមនុស្សមានអំណាចម្នាក់នៅពីក្រោយព្រមទាំងរត់ការអោយជំនាញគ្រប់ស្ថាប័នទាំងអស់ដែលមានតួនាទីបង្ក្រាប
ពាក់ព័ន្ធនឹងការចោទប្រកាន់ខាងលើអ្នកឆ្លើយឆ្លងព័ត៍មានមិនអាចសុំការបំភ្លឺពីលោក ផល សំណាង បានទេថ្ងៃនេះ ចំនែកលោកនៀវ សារុន ក៍មិនអាចសុំការពន្យល់បានដែរថ្ងៃនេះដោយសារតែពុំស្គាល់លេខទូរស័ព្ទ ៕
