ភ្នំពេញ ៖ អ្នកសារព័ត៌មានម្នាក់ បានរងនូវការគម្រាមកំហែង និងចាប់បោកទូរស័ព្ទចោល រួមនិងដកអាយឌីពីសន្តិសុខ ខណៈអ្នកសារព័ត៌មានរូបនេះ បានចុះយកព័ត៌មានករណីបាញ់ជាច្រើនគ្រាប់ បង្កឲ្យឌីជេចាក់ភ្លេងម្នាក់រងរបួសជើងស្តាំ ។ ជនសង្ស័យម្នាកជាបក្ខពួកត្រូវបានម្នាក់ យកទៅសាកសួរផងដែរ កាលវេលាម៉ោង ៦ព្រឹក ថ្ងៃទី២៩ ខែវិច្ឆិកា ឆ្នាំ២០១៧នៅក្នុងមជ្ឈមណ្ឌល រ៉ុក តាមបណ្ដោយ ផ្លូវព្រះមុនីវង្ស ក្នុងសង្កាត់ ទន្លេបាសាក់ ខណ្ឌចំការមន រាជធានីភ្នំពេញ។
សមត្តកិច្ចឲ្យដឹងថា ជនរងគ្រោះ ឈ្មោះ បៀ សំអឿន ភេទប្រុស អាយុ៣៣ឆ្នាំ មុខរបរ DJ បប្រចាំមជ្ឈ មណ្ឌល កម្សាន្ត រ៉ុក។ ចំណែកជនដៃដល់កំពុងរត់គេចខ្លួនមានឈ្មោះ ឌុច សុវណ្ណារ៉េត ហៅ កែវ ភារុណ ជាកូនប្រុស របស់លោក ឌុច សុវណ្ណារី រដ្ឋលេខាធិការ នៃក្រសួងទំនាក់ទំនង រដ្ឋសភា-ព្រឹទ្ធសភា និងអធិការកិច្ច ។ មន្ត្រីអាវុធហត្ថ និយាយថា ក្នុងករណីនេះ ជនល្មើស បានរត់គេចខ្លួន ក្រោយបាញ់៤គ្រាប់ ហើយសមត្ថកិច្ច បានរកឃើញ កាំភ្លើងខ្លី ១ដើម ម៉ាកកា៥៩ នៅកន្លែងកើតហេតុ។
ប្រភពទួលស្គាល់ថា មានករណី ផ្ទុះអាវុធមែន តែមិនទាន់ដឹងថា ជាករណីគំនុំ ឬករណីទំនាស់គ្នានោះទេ ហើយចនរងគ្រោះត្រូវរបួស ត្រង់ជើងមួយគ្រាប់ និងគូទមួយគ្រាប់ ត្រូវបានបញ្ជូន ទៅមនី្ទរពេទ្យ មិត្តភាពខ្មែរ សូវៀត ដើម្បីព្យាបាលភ្លាមៗផងដែរ។ ប្រភពបន្តថា កម្លាំងអាវុធហត្ថថ ខណ្ឌចំការមន បានឃាត់ខ្លួន មនុស្សម្នាក់ ចេញពីក្នុង មជ្ឈមណ្ឌលកម្សាន្ត រ៉ុក យកមកកាន់ មូលដ្ឋានអាវុធហត្ថ ដើម្បីសាកសួរនាំ តែអាវុធហត្ថ បញ្ជាក់ថា បុរសដែល ឃាត់នោះ មិនជាប់ ពាក់ព័ន្ធឡើយ គ្រាន់តែហៅ មកសាកសួរនាំ ក្នុងនាមសាក្សី ។
ដោយឡែក លោក ជុន សុឃា អ្នកយកព័ត៌មានអង្គភាព BBN-TV បានឱ្យដឹងថា នៅវេលាព្រលឹមស្រាងៗថ្ងៃទី២៩ ខែវិច្ឆិកានេះ លោកបានទទួលដំណឹងថា មានករណីបាញ់ជាច្រើនគ្រាប់ នៅមជ្ឈមណ្ឌល កំសាន្ត Rock ប៉ុន្តែមិនដឹងមានមនុស្សរបួស ឬស្លាប់នោះទេ ។ពេលលោកទៅដល់នៅវេលាម៉ោង៦និង២០នាទី ដោយឈរសាកសួរព័ត៌មាន នៅកន្លែងចតឡានម៉ូតូ របស់មជ្ឈមណ្ឌលកំសាន្ត Rock ដោយមានកម្លាំងកងរាជ អាវុធ ហត្ថជាច្រើននាក់ កំពុងចុះប្រតិបត្តិការនៅកន្លែងកើតហេតុនេះដែរ ។
ពេលនោះស្រាប់តែមានបុរសម្នាក់ស្លៀកពាក់ស៊ីវិល មានកាំភ្លើងខ្លីសៀតនៅចង្កេះ បានដើរមក សម្លុតគំរាមកំហែងយកទូរស័ព្ទអ្នកសារ ព័ត៌មានបោកកម្ទេចចោលតែម្តង ។ ជននោះប្រាប់ថា ខ្លួនជាមេប៉េអឹម ប៉ុន្តែមិនប្រាប់ឈ្មោះនោះទេ ដោយនិយាយខ្លាំងៗថា ហៅមេលោកឯងមកជួបខ្ញុំ ចង់ប្តឹងដល់ណាក៏បាន ឬមិនស្គាល់ម្ចាស់ Rock ជានរណា?
ក្រៅពី សម្លុតគំរាមកំហែងយកទូរស័ព្ទអ្នក សារ ព័ត៌មានបោកកម្ទេចចោលហើយ ជននោះបានចាប់ដកអាយឌីរបស់ អ្នកសារព័ត៌មានដែលទុកគ្រាន់ដំណឹងគ្រោះថ្នាក់ចរាចរ យកទៅបាត់ ដោយបញ្ជាក់ខ្លីថា បើចង់បានវិញ ឱ្យមេលោកឯងទៅយកនៅប៉េអឹមខណ្ឌចំការមន ។
សូមបញ្ជាក់ដែរថានៅក្នុងមជ្ឈមណ្ឌលរ៉ុក ដែលគេដឹងថា ជាកម្មសិទ្ធិរបស់ឧកញ៉ា គិត ធាង បងប្រុសឧកញ៉ា គិត ម៉េង ប្រធានក្រុមហ៊ុនរ៉ូយ៉ាល់គ្រុបនេះ មានរឿងអាស្រូវបាញ់បោះសេរី និងមានមនុស្សស្លាប់នាពេលថ្មីៗដោយសារការប្រើប្រាសគ្រឿងញៀនហួសកំរឹតពេលចូលរាំកំសាន្តតែមិនត្រូវបានអាជ្ញាធរមានសមត្តកិច្ចរាជធានិភ្នំពេញមានចំណាត់ការសោះឡើយ បើទោះបីជាគេបានឃើញមានសមត្តកិច្ចខណ្ឌចមការមនចុះពិនិត្យដល់កន្លែងក្រោយពេលកើតហេតុក៏ដោយ ។ គឺខុសពីក្លឹបកំសាន្ត ឬផ្ទះសំណាក់តូចតាច ប្រសិនបើមានរឿងបាញ់បោះ ឬប្រើប្រាស់គ្រឿងញៀន គឺត្រូវបានបិទភ្លាម ៕