ខេត្ដក្រចេះ ៖ មានសេចក្តីរាយការណ៍ថានៅចំណុចភូមិអូរត្រូន ឃុំក្បាលដំរី ស្រុកសំបូរ ខេត្តក្រចេះមានកម្មករយួនខុសច្បាប់កំពុងលួចធ្វើសកម្មភាពជីករុករករ៉ែមាសយ៉ាងអណាធិបតេយ្យមានរណ្តៅរ៉ែមាសប្រមាណជាង១០កន្លែងដោយមិនឃើញមានសមត្តកិច្ចមកពិនិត្យហាមឃាត់ឡើយ!ប្រជាពលរដ្ឋរស់នៅតំបន់នោះបានឲ្យដឹងថា រណ្តៅរ៉ែមាស ជាច្រើនកន្លែងដែលបានធ្វើសកម្មភាព ជីករុករករ៉ែមាស ក្នុងនោះមាន រណ្តៅខ្នាតធំៗចំនួន១១រណ្តៅដែលបានបំពាក់គ្រឿងម៉ាស៊ីន រួមនិង សំភារៈប្រើប្រាស់នៅធ្វើសកម្មភាពរាល់ថ្ងៃ ។
ពួកគាត់បន្តរថា នៅក្នុងសកម្មភាពជីករុករករ៉ែមាសនៅចំណុចខាងលើ មានការប្រើប្រាស់នូវសារធាតុគីម៉ី និងមានគ្រាប់រំសេវសម្រាប់បំផ្ទុះ ដើម្បីបំបែកថ្មរក្នុងរណ្តៅរ៉ែ មិនតែប៉ុណ្ណោះមានទាំងជនជាតិវៀត ណាមជាច្រើននាក់មករស់ខុសច្បាប់នៅតំបន់នោះ ហើយកំពង់ធ្វើ សកម្មភាពដោយមានបំពាក់គ្រឿងម៉ាស៊ីនថ្មីៗទំនើបៗថែមទៀតផង ។
ប៉ុន្តែគេមិន ដែលឃើញមានវត្តមានមន្ត្រីជំនាញឬអាជ្ញាធរមានសមត្តកិច្ចមកហាមឃាំត់អ្វទេដែលគេជឿថាមានការឃុបឃឺតគ្នាដោយរលូនទៅហើយ។ករណីមានជនជាតិយួនមករុករករ៉ែមាសក្នុងត្រង់ត្រាយធំនេះប្រជាពលរដ្ឋនិយាយថា៖ មានមេខ្សល់ជនជាតិខ្មែរ២នាក់ប្តីប្រពន្ឋ ឈ្មោះ គា ឈ្មោះ ចែរូន ជាអ្នកនាំជនជាតិវៀតណាមដែលជាអ្នកជំនាញនៅក្នុងការកែឆ្នៃជីក រុករកមាស មកស្នាក់នៅខុសច្បាប់ដោយមានការសម្របសម្រួល បើក ដៃពីសំណាក់មន្ត្រីជំនាញនៃមន្ទីរ៉ែ និងថាមពលខេត្តក្រចេះ រួមនិងមន្ត្រី ជំនាញ ពាក់ពន្ឋ័ផងដែរ ។
គួរំលឹកថាមួយរយៈកាលកន្លងទៅថ្មីៗនេះ សកម្មភាពជីករុករក រ៉ែមាសនៅតំបន់នោះ ហាក់មានសភាពស្ងប់ស្ងាត់ បន្ទាប់ពីមានហេតុ ការណ៍បាក់រណ្តៅរ៉ែមាស ចំនួន២ទីតាំងបង្ករឲ្យមនុស្សស្លាប់ជាបន្តរបន្ទាប់ កាលពីខែកញ្ញាកន្លងទៅនេះ ត្រូវបានស្ថាបន័ឯកយ្យកា ចេញលិខិតបិទអាជីវកម្ម តែបច្ចុប្បន្ននេះត្រូវបានចាប់ផ្តើមដំណើរ កាឡើងវីញយ៉ាងរលូនដោយមានកាសម្របសម្រួលបបើកផ្លូវពីសំណាក់មន្ត្រីពាក់ពន្ឋ័ ។
ករណីនេះ លោក ខាន់ ប៊ុនសេង អនុប្រធានមន្ទីរការងារខេត្តក្រចេះបានឲ្យ ដឹងថា លោកមិនបានទទួលពត៌មានរឿងយួនចូលមករុករករ៉ែនេះទេតែលោក ថាបើមានដូចការលើកឡើងបែបនេះ មានន័យថាវាខុសច្បាប់ ហើយពីព្រោះកាលណាបើក្រុមហ៊ុនឯកជនក៍ដោយ បើគាត់ទទួលជនបរទេសមកស្នាក់នៅបម្រើការងារក្នុងអង្គភាពខ្លួនគឺត្រូវមកសុំចុះបញ្ជីឬមានលិខិតអនុញ្ញាតត្រឹមត្រូវ ទើបស្របច្បាប់។ ចំណែកលោក សុខ គីរីរត្ន ប្រធានមន្ទីរ៉ែថាមពលខេត្តក្រចេះ ក៍មិនអាចសុំការបញ្ជាក់បានដែរ ដោយសារទូរសព្ទ័ខលចូលដាក់ជាប់រវល់ ។
លោក កែវ សុជាតិ ព្រះរាជអាជ្ញារងអមសាលាដំបូងខេត្តក្រចេះ ឆ្លើយតបយ៉ាងខ្លីថា លោកកំពង់ជាប់រវល់នៅប្រទេសថៃ ។ ដោយឡែកលោក ជា សុភក្រ័ ព្រះរាជអាជ្ញារងដែលធ្លាប់បាន ចុះដល់គោលដៅខាងលើ បានបញ្ជាក់ប្រាប់ឲ្យ ដឹងថា លោកមិនទាន់បានទទួលពត៌មាននេះទេ។ ដោយសារឥឡូវលោកព្រះរាជ អាជ្ញារគាត់អត់នៅ ចាំគាត់ត្រឡប់មកវីញលោកនិងសុំគោលការណ៍ ចុះពិនិត្យមើលជាក់ស្តែង នឹងបន្តទៀត?!៕
