ភ្នំពេញ ៖ នាយចឺម ដែលមានឈ្មោះដើមថា សុខ មេសាក្មួយប្រុសនាយក្រូចនិងនាងអ៊ីតដែលដើរចេញពីកន្លែងដែលខ្លួនបានកសាងកេរ្តិឈ្មោះតាំងពីកុមារភាពក្នុង អាជីពកំប្លែង នៅ CTN ថ្មីៗនេះបានអះអាងដោយភាពក្រអឺតគ្រទមថាយ៉ាងយូ១ឆ្នាំខ្លួននឹងឈរទីតតាំងលោកខេមរៈសេរីមន្តអតីតារាចម្រៀងរៀមច្បងក្នុងផលិតកម្មសាន់ដេរ។
កាលពីពេលថ្មីៗនេះ តារាចម្រៀងថ្មីនសផលិតកម្មសាន់ដេ រូបនេះ បានថ្លែងប្រាប់កាសែតដោយមានជំនឿចិត្តយ៉ាងមុតមាំថា គេប្រាកដជាអាចគ្រប់គ្រងតំណែងខេមរៈសិរីមន្ដ ដែលនៅទំនេរនោះបានសម្រេច ហើយមិនយូរទេ គេនឹងដើរទាន់សិរីមន្ដ ជាមិនខាន។”ខ្ញុំគិតថា បើខ្ញុំនៅតែមានការគាំទ្រដូចពេលនេះតទៅទៀត គឺត្រឹមតែ១ឆ្នាំទៀតប៉ុណ្ណោះ ខ្ញុំនឹងតាមទាន់ស្មើគ្នាជាមួយលោកខេមរៈ សិរីមន្ដ ជាមិនខានបង!។ រាល់ថ្ងៃពេលខ្ញុំចុះទៅច្រៀងតាមខេត្ត គឺមានបងប្អូនគាំទ្រខ្ញុំច្រើនណាស់ គឺខ្ញុំស្ទើរតែមិនជឿខ្លួនឯងផង ព្រោះមើលទៅការគាំទ្រនោះ ប្រៀបដូចខ្ញុំជា Super Star ម្នាក់អីចឹង។ បទចម្រៀងខ្ញុំចេញមក មានការគាំទ្រច្រើនតែម្ដង ហើយខ្ញុំសប្បាយចិត្តណាស់ដែលឆ្នាំនេះ គឺទទួលបានការច្រៀង Concert ធំៗ ទាក់ទងមកច្រើនណាស់”។
ក្រោយពីលោកខេមរៈសេរីមន្តត្រូវបានដេញចេញពីផលិតកម្មសាន់ដេរទាំងបងប្អូន៣នាក់(ខេរៈស្រីពៅនិនខេមរៈភារុណ)ជំនួសវិញដោយនាយចើមធ្វើឲ្យមានមន្ទិលសង្ស័យរបស់ទស្សនិកជនថា៖ ក្នុងចំណោមអ្នកចម្រៀងប្រុស៣រូប នាំមុខគេរបស់សាន់ដេ មានឆាយ វីរៈយុទ្ធ, ខាន់ ជេមស៍ និងនាយចឺម មិនដឹងអ្នកណាអាចលេចធ្លោ?។អាឡូវនាយចើមនិយាយថាគេត្រូវការពេលវេលាតែត្រឹម១ឆ្នាំទៀត គឺគ្រប់គ្រាន់ល្មមតាមស្មើកំណត់ត្រារបស់ខេមរៈសិរីមន្ដ ដែរ ព្រោះពេលនេះ នាយចឺម មិនមែនជាអ្នកកំប្លែងទៀតឡើយ គឺលោកចឺម ជាតារាចម្រៀងរបស់សាន់ដេ ដែលសាមីខ្លួនថានឹងល្បីល្បាញខ្លាំងនៅឆ្នាំ២០១៨ ដូចខេមរៈ សិរីមន្ដ ដែរ។
លោកសុខ មេសាហៅនាយចើម បន្ថែមថា ”មូលហេតុដែលខ្ញុំចាកចេញពីក្រុមកំប្លែងរបស់ CTN ដែលជាទ្រនំធ្លាប់ផ្ដល់កំណើតដល់រូបខ្ញុំនោះ ព្រោះតែមួយរយៈចុងក្រោយនេះ ខ្ញុំនៅពេលដែលតែងខ្លួនគូមុខមាត់ស្លៀកពាក់ជាអ្នកកំប្លែង ចេះតែមានអារម្មណ៍ថាអៀនៗខ្លួនឯង ព្រោះថាពេលដែលខ្ញុំស្លៀកពាក់ឡើងច្រៀង ធ្វើខ្លួនស្អាតសង្ហារ ឡូយណាស់… (សើច)។ ខ្ញុំអៀនៗមែនចុងក្រោយនេះ ។
លោកតាវិចទ័រ ដែលជាអ្នកគ្រប់គ្រងក្រុមកំប្លែង CTN ប្រៀបបានដូចជាឪពុករបស់ខ្ញុំនោះថា គួរតែបែងចែកឲ្យដាច់ថា គួរច្រៀង ឬលេងកំប្លែង។ ចំណែកលោកថៅកែផលិតកម្មសាន់ដេ គាត់មិនបង្ខំឲ្យខ្ញុំបោះបង់អាជីពកំប្លែងទេ គ្រាន់តែថា តើអាចបែងចែកឲ្យដាច់បានទេ រវាងកំប្លែង និងចម្រៀង? ពូខ្ញុំ (នាយក្រូច) មីងខ្ញុំ (អ៊ីត) អីគាត់ថាចង់ឲ្យច្រៀងដាច់អីចឹង ខ្ញុំក៏សម្រេចចិត្តផ្អាកមួយរយៈសិនទៅ។ ប៉ុន្ដែខាង CTN គាត់នឹងបើកទ្វារ២៤ម៉ោងសម្រាប់ខ្ញុំ ដែលខ្ញុំអាចចូលវិញពេលណាក៏បានដែរឲ្យតែខ្ញុំចង់។
តាមពិតទៅ ការលេងកំប្លែងបានលុយតិចដែរហ្នឹង មិនបានប៉ុន្មានទេ មិនដូចច្រៀងទេ អីចឹងខ្ញុំក៏មកពង្រឹងខាងចម្រៀងឲ្យបានល្អជាងនេះទៀត ហើយយើងសិក្សារនៅលើទីផ្សារដែរថា នឹងមានការគាំទ្រកម្រិតណាពេលដែលខ្ញុំឈប់កំប្លែងមកច្រៀងដាច់នាពេលនេះ គឺខ្ញុំនឹងប្រឹងបញ្ចេញសមត្ថភាពដែលមានឲ្យអស់”។
សូមបញ្ជាក់ថា៖ពេលនេះ នាយចឺម ធ្លាប់ច្រៀង១កម្មវិធី ស៊ីថ្លៃ៧០០ដុល្លារ ហើយបទចម្រៀងដែលរូបគេទទួលបានការគាំទ្រច្រើន មានដូចជាបទ ”ពុកអើយម៉ែអើយ នាងការចោលខ្ញុំហើយ”, ”រាត្រីឯកា”, ”អារហាម”, ”លួចស្រលាញ់សុខ ពិសី”, ”នឹកអូនឡើងសរសៃប្រសាទ”, ”ក្បត់បងទៅ បងអង្វរ”, ”អាប្ដីប្រមឹក”, ”នរក១៨ជាន់” ជាដើម។ក្រៅពីទទួលបានចំណូលខ្ពស់នាយចើមក៏រកបានស្រីស្រស់ៗជាបន្តបន្ទាប់មកឱបផងដែរ។ជាក់ស្តែងបន្ទាប់ពីបោះចោលហ្វ្រេស៊ីលេខ១(Freshie Girl) កញ្ញពុធ ស្រីខួច នាយចើមរកបានស្រីថ្មីមួយទៀតមកអោបគឺកញ្ញអៀម៉ូលី។
