ភ្នំពេញ៖ ដើម្បីពង្រឹងទំនាក់ទំនងរបស់ថ្នាក់ដឹកនាំ និង លើកកំពស់គុណភាពកម្រិតអប់រំឥស្លាម ទូទាំងប្រទេស លោអូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រី បាន ជំរុញ ឲ្យលោក គ្រូ អ្នកគ្រូ រាជធានី ខេត្ត /ក្រុង និងតំណាង លោកគ្រូជើងចាស់ ខ្មែរឥស្លាមគ្រប់ខេត្ត/ក្រុង ស្រុក ទូទាំងប្រទេសមកទទួលអនុសាសន៍ និងទទួលនូវបទពិសោធន៏ល្អៗ ដើម្បីពង្រឹងកម្រិតអប់រំ នៅមូលដ្ឋានសហគមន៏ខ្មែរឥស្លាមព្រោះពួកគាត់ភាគច្រើនជាគ្រូដែរ តែនៅមានកម្រិត ដើម្បីយកបទពិសោធន៏ទាំងនេះទៅបង្ហាត់បង្រៀនបន្ដ ឲ្យមានគុណភាព និងមានប្រសិទ្ធភាពខ្ពស់នៅមូលដ្ឋាន ។
ពិធីនេះធ្វើឡើងនៅរសៀលថ្ងៃទី២៣ ខែវិច្ឆិកា ឆ្នាំ២០១៧ នៅស្នាក់ការគណៈដឹកនាំជាន់ខ្ពស់នៃសាសនា ឥស្លាមកម្ពុជា ពិធីនេះក៏មានការចូលរួម លោក សុះ កំរ៉ី ចាងហ្វាងគណៈដឹកនាំជាន់ខ្ពស់នៃសាសនាឥស្លាមកម្ពុជា លោក ហ្សាការីយ៉ា អាដាម រដ្ឋមន្ត្រីប្រតិភូអមនាយករដ្ឋមន្ត្រី លោក ណុះ ស្លេះ អនុរដ្ឋលេខាធិការក្រសួងអប់រំយុវជន និងកីឡា។
លោក អូស្មាន ហាស្សាន់ បានបន្តថា៖ សូមថ្នាក់ដឹកនាំតាមខេត្តនិងតំណាងគ្រូៗជាអ្នកជំនួយចាត់ចែងកិច្ចការអប់រំមកពីបណ្តាខេត្ត ស្រុក មេត្តាបង្កើនការលះបង់ពេលវេលា ដើម្បីពង្រឹង កិច្ចការអប់រំឥស្លាមកាន់តែមានប្រសិទ្ឋភាព ព្រោះថ្នាក់លើ ពឹងផ្អែកយ៉ាងខ្លាំងទៅលើ លោកអ្នកទាំង អស់គ្នាដែលនៅមូលដ្ឋាននេះហើយ។
តាមពិតទោះបីពីដើមមក ទម្រាំបានមកលទ្ឋផលប៉ុណ្ណេះ គឺថា បន្ទាប់ពីកិច្ចខិតខំប្រឹងប្រែងរបស់រាជរដ្ឋាភិបាល និងក្រសួងអប់រំ គឺថ្នាក់ដឹកនាំឥស្លាមដែលមានគណៈអ៊ីម៉ាំខេត្ត ស្រុក បានជួយសហការលើភារកិច្ចនេះយ៉ាងច្រេីន តែទោះយ៉ាងណា ជំនួសមុខអោយរាជរដ្ឋាភិបាលនិង ក្រសួង ក៏សូមជម្រុញ អោយអស់លោកបន្តកិច្ចសហការលើភារកិច្ខមួយនេះ ដើម្បីប្រព្រឹត្តិបានរលូន និង ឈានទៅដល់កម្រិតអប់រំតាមមមូលដ្ឋានដែលមានគុណភាព។
លោកក៏បានផ្តាំផ្ញើផងដែរថា៖ ដើម្បីអោយកិច្ចការអន់រំនេះ កាន់តែមានប្រសិទ្ឋភាព និង គោរពតាមលក្ខណ្ឌមន្ត្រីរបស់ក្រសួង សូមអ្នកតំណាងតាមមូលដ្ឋាន ជាពិសេសគណៈអ៊ីម៉ាំ ខេត្ត ស្រុក សូមធ្វើការទំនាក់ទំនងអោយជាប់លាប់ជាមួយមន្ទីរទាំងពីរតាមខេត្ត ស្រុក ក្នុងនោះគឺមន្ទីរអប់រំយុវជន និងកីឡា និងមន្ទីរមុខងារសាធារណៈ ដើម្បីទទួលបានពត័មានល្អៗ សម្រាប់ធ្វើការផ្សព្វផ្សាយបន្តទៅកាន់គ្រូៗដែលជាមន្ត្រីរាជការកំពុងបំពេញភារកិច្ចតាមសាលារៀននានាក្នុងមូលដ្ឋាន ៕
