(កំពង់ធំ)៖ប្រជាពរដ្ឋបានអោយដឹងថាកាលពីថ្ងៃទី១៣/វិច្ឆិកា/,២០១៧ថ្នាក់ដឹកនាំជលផលដឹកនាំដោយលោកណៅ ធួកអនុរដ្ឋលេខាធិការក្រសួងកសិកម្ម រុក្ខាប្រម៉ាញ់និងនេសាទបានដឹកនាំកម្លាំងមន្ត្រីជលផលក្រោមឱវាទដែលមានលោកប៉ែន វណ្ណរឹទ្ធ នាយខណ្ឌរដ្ឋបាលជលផលខេត្តកំពង់ធំ លោកយ៉ាន់ វិសាក់(ហៅសែ)នាយផ្នែកផាត់សណ្ដាយ លោកព្រុំសុខឿននាយសង្កាត់កំពង់ស្វាយ លោកហួន ផលនាយសង្កាត់ពាមបាងនិងមន្ត្រីជាលផលក្រោមឱវាទជាច្រើនទៀតចុះបង្ក្រាបបទល្មើសនេសាទនៅតំបន់បឹងទ្លេសាប។ ប៉ុន្តែប្រជាពលរដ្ឋបានមើលឃើញថាការដឹកនាំចុះបង្ក្រាបហាក់ដឹកនាំចុះដើរកំសាន្តលេងឬធ្វើអោយតែល្អមើល រួចធ្វើរបាយការណ៍ភូត កុហក់ឯកឧត្តមវ៉េង សាខុនរដ្ឋមន្ត្រីក្រសួងកសិកម្មនិងសម្ដេចក្រឡាហោម ស ខេងឧបនាយករដ្ឋមន្ត្រី រដ្ឋក្រសួងមហាផ្ទៃ ដែលជាប្រធានគណៈកម្មការបង្ក្រាបបទល្មើសថ្នាក់ជាតិតែប៉ុណ្ណោះ។
ព្រោះនៅ ពេលយប់ក្រុមអ្នកដាក់ឆ្នុកបានចេញធ្វើសកម្មភាពព្រោងព្រាត ដែលបានដាក់ឆ្នុករាយបណ្ដាក់គ្នាដដែល អមដោយអំពូលស្នេហ៍ពណ៏ខៀវ ភ្លឺព្រោងព្រាតសម្រាប់ទាក់ទាញត្រីអោយចូលក្នុងឆ្នុកមិនចាញ់ភ្លើងនៅទីក្រុងភ្នំពេញនាពេលរាត្រីនោះទេ។មន្ត្រីមូលដ្ឋានបានប្រាប់អ្នក អោយដឹងថា ៖សកម្មភាពដាក់ឆ្នុកគឺបានកើតមានចាប់ពីចំណុចភូមិបាឡត បាវ៉ើយ ដូស្ដើង អន្លុងតាអោន ពាមបាង ពាមកងម៉ី ក្នុងទឹកដីឃុំពាមបាងស្រុកស្ទោងខេត្តយកំពង់ធំ និងចំណុចចាប់ពី ពេជចក្រី វាលហាល បឹងពាមប្រលូងរហូតដល់មាត់ខ្លា ក្នុងទឹកដីឃុំអន្លុងសំណរ ស្រុកជីក្រែង ខេត្តសៀមរៀប ដែលមានឆ្នុកប្រមាណមិនក្រោម ពីជាង៦០០នោះឡើយ ។
ករណីនេះត្រូវបានមន្ត្រីក្រោមឱវាទដែលមិនបានទទួលផលទម្លាយព័ត៌មានអោយដឹងថា គឺមន្ត្រីថ្នាក់មេៗដូចជានាយផ្នែក នាយសង្កាត់បានប្រមូយកលុយអស់ហើយតាមរយៈមេសហគមន៍តាមភូមិនីមួយៗ ដែលក្នុងឆ្នុកមួយៗម្ចាស់ឆ្នុកត្រូវបង់លុយអោយសហគមន៍ចាប់ពី១លានកន្លះ ទី២លានរៀល ហើយក្នុងមួយម្ចាស់ៗ មានឆ្នុកចាប់ពី៣ ទៅ៥ឆ្នុក មានអ្នកខ្លះមានឆ្នុករហូតជិត១០ឆ្នុកឯណោះបើសារុបទឹកលុយ ប្រមាណមិនក្រោមរាប់សិបម៉ឺនដុល្លានោះទេ។
ប្រភពខាងលើបានអោយនិយាយថា កាលពីរដូវស្សាឆ្នាំកន្លងទៅគឺឆ្នាំ២០១៦លោកយ៉ាន់ វិសាក់(ហៅសែ)នាយផ្នែកជលផលផាត់សណ្ដាយប្រមូលយកលុយពីអ្នកដាក់ឆ្នុកបានលុយមិនក្រោមប្រមាណជាង៣០ម៉ឺនដុល្លានោះទេដោយមានឈ្មោះសេង ហ៊ុង(ហៅហ៊ុងក្បាលដែក)មានផ្ទះបណ្ដែតទឹកនៅភូមិមាត់ខ្លា ឃុំអន្លុងសំណ ស្រុកជីក្រែង និងត្រូវជាកូនធម៏របស់លោកណៅ ធួក កាលពីគាត់នៅជានាយករដ្ឋបាលជលផលនៅឡើយ ជាដើរប្រមូលលុយពីអ្នកដាក់ឆ្នុកយកអោយឈ្មោះយ៉ាន់វិសាក់(ហៅសែ)នេះ ។
បើម្ចាស់ឆ្នុកណាមិនព្រមបង់លុយអោយឈ្មោះហ៊ុងនោះទេគេនិងជួលប៉ូលីស ប៉េអឹម នៅតំបន់នោះអោយដើរចាប់ដកយកអាគុយនិងដកហូតយកឆ្នុកនិងគម្រាមចាប់ដាក់គុគថែមទៀតផង។ប្រភបានបញ្ជាក់បន្ថែមថានៅរដូវវស្សាឆ្នាំ២០១៧នេះរូបភាពប្រមូលលុយពីអ្នកដាក់ឆ្នុកក៏មិនខុសប្លែកពីឆ្នាំមុនគឺឆ្នាំ២០១៦នោះដែរ គឺដូចគ្នា ដោយ ឆ្នាំមុន២០១៦ឈ្មោះសេង ហ៊ុង(ហៅ ហ៊ុងក្បាលដែក)ប្រមូលលុយពីអ្នកដាក់ឆ្នុកតាមរយៈប្រធានសហគមន៍តាមភូមិនីមួយៗយកអោយឈ្មោះយ៉ាន់វិសាក់(ហៅសែ)នាយផ្នែកជលផលផាត់សណ្ដាយដែលគេទៅដេកចាំយកលុយនៅខេត្តសៀមរៀបចែកគ្នាម្នាក់ៗបានរាប់ម៉ឺដុល្លា ឯណោះ។
បើចឹងតើថ្នាក់ប្រធានមន្ទីរកសិកម្ម ប្រធានមន្ទីបរិស្ថាននិងនាយខ័ណ្ឌជលផលបានប៉ុន្មានដែរ ក្នុងម្នាក់ៗ។ករណីនេះប្រជាពលរដ្ឋ បានឆ្ងល់ហើយសួរថាតើអភិបាលខេត្តកំពង់ធំ ឯកឧត្តមសុខ លូ និងអភិបាលខេត្តសៀមរៀប ឯកឧត្តម ឃឹម ប៊ុនសុង មានជាប់ពាក់ព័ន្ធក្នុងករណីលុយប្រមូលពីអ្នកដាក់ឆ្នុករាប់ម៉ឺនដុល្លានេះដែរឬទេបានជាបណ្ដែតបណ្ដោយអោយមានបទល្មើសនេសាទកើតមានលើទឹកដីដែលខ្លួនគ្រប់គ្រងបែបនេះ??? ៕