ភ្នំពេញ ៖ គណបក្សសម្ព័ន្ធដើម្បីប្រជាធិបតេយ្យ ដែលជាគណបក្សមួយក្នុងចំណោមគណបក្សចំនួន៦ ដែលគជបកោះហៅឲ្យបញ្ចូនបញ្ជីរឈ្មោះ ដើម្បីទទួលយកជ័យភណ្ឌ័កៅអីរដ្ឋភាដែលវ៉ៃដណ្តើមបានពីគណបក្សសង្គ្រោះជាតិ នៅថ្ងៃទី២០វិច្ឆិកានេះ បានប្រកាសថា ខ្លួនមិនទទួលយកអាសនៈណាមួយដែលផ្តល់ដោយគណៈកម្មាធិការជាតិរៀបចំការបោះឆ្នោតនោះឡើយ។
ទោះបីក្នុងលិខិតផ្លូវការ គណបក្សលោកខឹមវាសនា មិនបញ្ជាក់ពីមូលហេតុអីបានខ្លួនខ្ពោះយកកៅសភាមែន ប៉ុន្តែ លោកខឹម វាសនា កាលមុន ធ្លាប់បានគូសបញ្ជាក់ថា៖ លោកមិនឲ្យតម្លៃទៅលើអាសនៈទាំងនោះ។ លោកខឹម វាសនា លើកឡើងថា ពលរដ្ឋជាអ្នកបោះឆ្នោតទាំងនោះគ្មានតំលៃបន្តិចណាសោះដែលសក្តិសមនឹងលោកធ្វើតំណាងឲ្យពួកគាត់។
សូមបញ្ជាក់ថា គណបក្សនយោបាយទាំង៦ដែលមានសិទ្ធិទទួលបានកៅអីសភារបស់គណបក្សសង្គ្រោះជាតិនោះ រួមមានគណបក្សហ្វ៊ុនស៊ិនប៉ិចបច្ចុប្បន្នសម្តេចក្រុមព្រះនរោត្តមរណរិទ្ធជាប្រធាន។
គណបក្សសម្ព័ន្ធដើម្បីប្រជាធិបតេយ្យ គណបក្សខ្មែរអភិវឌ្ឍសេដ្ឋកិច្ចមានលោកហួនរាជចំរើនជាំប្រធាន គណបក្សខ្មែរឈប់ក្រមានលោកក្រវ៉ាញដារ៉នអនិកជនខ្មែរអាមេរិកជាប្រធាន។ គណបក្សសញ្ជាតិកម្ពុជា និងគណបក្សសាធារណរដ្ឋប្រជាធិបតេយ្យ។ គណបក្សនយោបាយទាំងនេះ សុទ្ធតែបានចូលរួមការប្រកួតប្រជែងការបោះឆ្នោតជ្រើសរើសតំណាងរាស្ត្រនៅក្នុងឆ្នាំ២០១៣ តែមិនបានទទួលការគាំទ្រពីប្រជាពលរដ្ឋគ្រប់មួយកៅអីឡើយ។
អាសនៈរបស់បក្សសង្គ្រោះជាតិ ទាំង ៥៥ បើចែកទៅឲ្យគណបក្សផ្សេង ក្នុងនោះគណបក្សហ្វ៊ុនស៊ិនប៉ិច អាចទទួលបាន ៤១ អាសនៈ គណបក្សសម្ព័ន្ធដើម្បីប្រជាធិបតេយ្យ (LDP) អាចទទួលបាន ៦ អាសនៈគណបក្សខ្មែរឈប់ក្រអាចទទួលបាន ៥ អាសនៈ គណបក្សសញ្ជាតិកម្ពុជា ២ អាសនៈ និងគណបក្សខ្មែរអភិវឌ្ឍន៍សេដ្ឋកិច្ច ១ អាសនៈ។
កាលមុនលោក ស៊ិន វណ្ណារិទ្ធ អគ្គលេខាធិការគណបក្សខ្មែរឈប់ក្រ (KAPP) និយាយ ថាគណបក្សរបស់លោកនឹងធ្វើពហិការ កៅអីតំណាងរាស្ត្រ របស់គណបក្សសង្គ្រោះជាតិដែលគេបែងចែកឲ្យ ប្រសិនបើគណបក្សប្រឆាំងមួយនេះត្រូវបានគេរំលាយមែននោះ។ «ចំពោះគណបក្សខ្មែរឈប់ក្រ មិនមែនធ្វើនយោបាយដើម្បីចង់បានកៅអី ២ ឬ ៣ ហ្នឹងទេគឺថាយើងធ្វើដើម្បីចង់ឲ្យប្រទេសជាតិរបស់យើង [រីកចម្រើន] ។ មានមេដឹកនាំមួយដែលគោរពលទ្ធិប្រជាធិបតេយ្យដូចសហរដ្ឋអាមេរិកជាប្រទេសមួយដែលមានការរីកចម្រើនពិតប្រាកដ បើយើងបានកៅអី ២ ឬ ៣ ហ្នឹង តែប្រជាពលរដ្ឋអត់មានសិទ្ធិ មានសេរីភាព មានការជិះជាន់ មានការគាបសង្កត់ គឺកៅអីហ្នឹងអត់ប្រយោជន៍ទេ»។
ក្នុងចំណោមគណបក្សទាំង៦នេះគណបក្សដែលបានប្រកាសទទួលយកអាសនៈរបស់គណបក្សសង្គ្រោះជាតិតាំងតែពីមុនគណបក្សសង្គ្រោះមិនទាន់ ត្រូវបានរំលាយនោះមាន៖ បីនោះរួមមាន គណបក្សរាជានិយមហ្វ៊ុនស៊ិនប៉ិចរបស់សម្តេចក្រុមព្រះនរោត្តម រណឫទ្ធិ ដែលជាអ្នកប្តឹងរំលាយ ។តែបញ្ហានៅឈឹក្បាលរបស់គជបគឺកាលនោះមានម្ចាស់ក្សត្រីអារុណជាប្រធានបក្សហើយលោកញឹកប៊ុនឆៃជាអគ្គលេខាធិការបក្សចឹងមនុស្សជំនាន់នោះជាមនុស្សរបស់លោកញឹកប៊ុនឆៃ។តែអាឡូវសម្តេចក្រុមព្រះលោកព្រមដែរអត់?។ឯគណបក្សសញ្ជាតិកម្ពុជា និង គណបក្សខ្មែរអភិវឌ្ឍសេដ្ឋកិច្ចដេកចាំតែទទួលយកទេ។
គណបក្សខ្មែរឈប់ក្រវិញ ប្រាប់កាសែតថា គណៈកម្មាធិការអចិន្ត្រៃយ៍គណបក្សនេះ កំពុងតែប្រជុំគ្នានៅឡើយ ពោលនៅមិនទាន់ដឹងថាប្តូរជំហរយ៉ាងណាទេ ខណៈកាលពីមុនមក ។ ដូចគ្នាដែរគណបក្សសាធារណរដ្ឋប្រជាធិបតេយ្យវិញ លោកចាន់ យ៉េត ប្រធានស្តីទីគណបក្សនេះ ក៏នៅប្រជុំ ពិភាក្សាជាមួយគណៈកម្មាធិការនាយកសិន ។ គណបក្សនឹងប្រកាសឲ្យដឹងនៅអំឡុងសប្តាហ៍ក្រោយនេះ។
សូមបញ្ជាក់ថាកៅអីសភាជ័យភណ្ឌ័បានពីគណបក្សសង្គ្រោះជាតិនោះបើចែកហើយនៅសល់ទៀតគណបក្សប្រជាជននឹងប្រមូលយកទាំងអស់៕
