ភ្នំពេញ៖ ប្រទេសកម្ពុជា និងវៀតណាមគ្រោងពង្រីកទំហំ ពាណិជ្ជកម្ម ឲ្យដល់៥០០០លានដុល្លារ អាមេរិក ខណៈរយៈ ១០ខែឆ្នាំ២០១៧នេះទំហំពាណិជ្ជកម្មប្រទេសទាំងពីរបាន កើនដល់ទឹកប្រាក់ប្រមាណជាង៣ពាន់លានដុល្លារអាមេរិក ។ នេះបើតាមការបញ្ជាក់ឲ្យដឹងពី លោកដូ វឹកហឹង អនុ ប្រធាន នាយកដ្ឋានទីផ្សារអាស៊ី- អាហ្វ្រិកនៃក្រសួង ឧស្សាហកម្ម និងពាណិជ្ជកម្ម នៅក្នុងវេទិការពាណិជ្ជកម្ម និងវិនិយោគវៀតណាម និងប្រទេសកម្ពុជា កាលពីថ្ងៃទី ២០ វិច្ឆិកា ឆ្នាំ២០១៧នៅសណ្ឋាគារភ្នំពេញ ។
លោក ដូ វឹកហឹង បានបញ្ជាក់ថា៖ ទំហំពាណិជ្ជកម្ម នៅកម្ពុជា វៀតណាម មកដល់បច្ចុប្បន្ននេះ មានគម្រោង ចំនួន១៩០ ដែលបានធ្វើ វិនិយោគនៅកម្ពុជាដោយមាន ទឹកប្រាក់ចំនួនជិត៣ពាន់លានដុល្លារ អាមេរិក ។
លោកបានបន្តថា៖ ក្រោយសកម្មភាពវិនិយោគប្រកប អាជីវកម្ម របស់សហគ្រាសវៀតណាមប្រចាំកម្ពុជាទទួល បានការវាយតម្លៃយ៉ាងខ្ពស់ពីថ្នាក់ដឹកនាំរបស់កម្ពុជាដោយ បានរួមចំណែកយ៉ាងសកម្ម ក្នុងការអភិវឌ្ឍកម្ពុជានាពេល កន្លងមក នេះ ។
លោកបន្តថា៖ ចំណែកការ វិនិយោគពីកម្ពុជាទៅកាន់ វៀតណាម វិញក៏មានការកើនឡើងផងដែរដោយមាន គម្រោង ចំនួន១៨ក្នុងទឹកប្រាក់ចំនួន៥៨លានដុល្លារ អាមេរិក ។ ទំហំពាណិជ្ជកម្ម ទ្វេរភាគីនេះក៏បានសម្រេចជា មធ្យម ប្រមាណ៣ ពាន់ ដុល្លារអាមេរិកក្នុងមួយឆ្នាំ ។
លោកហូ ស៊ីយ៉ុង ប្រធាននាយកដ្ឋាននាំចេញ-នាំចូល នៃ ក្រសួងពាណិជ្ជកម្ម កម្ពុជាលើកឡើងថា៖ ទំហំពាណិជ្ជកម្ម ទ្វេភាគី នៃ ប្រទេសទាំងពីរដែលកើនឡើងជាលំដាប់ នេះដោយសារកិច្ច សហប្រតិបត្តិការល្អរវាងរដ្ឋាភិបាល និង វិស័យឯកជន នៃប្រទេសទាំងពីរ ។លើសពីនេះទៀត ក្រោម ការដឹកនាំដ៏ល្អរបស់ប្រមុខរាជរដ្ឋាភិបាលសម្តេច នាយករដ្ឋមន្ត្រីហ៊ុន សែនទំនាក់ទំនងទាំងផ្នែកនយោបាយ សេដ្ឋកិច្ចពាណិជ្ជកម្ម និងសង្គមរវាងកម្ពុជា-វៀតណាម មាន ភាពល្អប្រសើរពីមួយឆ្នាំទៅមួយឆ្នាំនោះ ។
សូមបញ្ជាក់ថា៖ ទំហំពាណិជ្ជកម្ម និងវិនិយោគវៀត ណាម–ប្រទេសកម្ពុជាក្នុងឆ្នាំ២០១៧នៅថ្ងៃនេះ មាន ក្រុមហ៊ុនកម្ពុជាចូលរួមសរុបប្រមាណ១៥០ក្រុមហ៊ុន ។ ចំណែកក្រុមហ៊ុនវៀតណាមមានចំនួន ប្រមាណ១០០ ក្រុម ហ៊ុន និងការចូលរួមរបស់មន្ត្រីជាន់ខ្ពស់នៃកម្ពុជា និងវៀត ណាមប្រមាណ៥០រូបសរុបប្រមាណជាង៣០០នាក់ ដើម្បីផ្សារភ្ជាប់ទំនាក់ទំនងឲ្យកាន់តែជិតស្និទ្ធនិងបង្កើនការធ្វើពាណិជ្ជកម្មបន្ថែមទៀតរវាងប្រទេសទាំងពីរ ៕
