បន្ទាយមានជ័យ៖ រថយន្តសេរីទំនើបៗ ត្រូវបានគេរាយការណ៍ថា៖នៅតែមានលោតផ្លោះរបាំងចំណារបទបញ្ជាររបស់សម្តេច ក្រឡា ហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ នៃព្រះរាជាណាចក្រ កម្ពុជា ជារៀងរាល់ថ្ងៃនៅជាយដែន ខ្មែរថៃ តំបន់អូរបីជាន់ស្វាយចេក និងថ្មពួក ។
សេចក្តីរាយការណ៏ របស់ប្រជាពលរដ្ឋ នៅកន្លែងកើតហេតុបានឲ្យដឹងថា កាលពីម៉ោងជាង៩ព្រឹក ថ្ងៃទី១៧ខែវិច្ឆិកាមាន រថយន្តម៉ាកហ្វតសេរីឆ្នាំ២០១៦មួយគ្រឿង ពណ៌ស ចង្កូតស្តាំពាក់ស្លាក់ខេមរៈភូមិន្ទត្រូវ បានឃើញបោះពួយយ៉ាងលឿនដូចហោះសង្ស័យចេញពីច្រករបៀងម្តុំចំការគរស្ថិតនៅស្រុកស្វាយចេកធើ្វដំណើរទៅកាន់ឃុំអូរបីជាន់ ។
ប៉ុន្តែដោយដឹងថា មានគយចល័តចាំកាក់តាមផ្លូវក៏បត់ក្បាលឆ្ពោះទៅតាមផ្លូវគ្រួសក្រហមឆ្ពោះចេញពីស្រុកស្វាយចេកទៅ ស្រុកថ្មពួក តំបន់បឹងត្រកួនក៏ភ្លាត់ស្នៀតធ្លាក់ប្រឡាយ ចំណែកតៃកុងបានគេចខ្លួនបាត់ ។សេចក្តីរាយការណ៏បន្តថា មិនយូប៉ុន្មាន កម្លាំងសមត្ថកិច្ចប៉ូលិសស្រុកថ្មពួកបានមកដល់កន្លែងកើតហេតុហើយបើកបរយករថយន្តនោះទៅអធិការដ្ឋានស្រុកថ្មពួក ។ ក្រោយមកទៀត លោក អាត់ខែម ស្នងការនគរបាលខេត្តបន្ទាយមានជ័យ ក៏បានបញ្ជារឲ្យបញ្ជូនរថយន្តទៅស្នងការខេត្តតែភ្លាមៗម្តងដោយប្រើចំណាត់ផ្លេកបន្ទោល ។
ក្រោយមក នៅព្រឹកថ្ងៃទី១៨វិច្ឆិកា២០១៧ប្រភពព័ត៌មានមួយបានទម្លាយមកថា៖លោកឧត្តមសេនីយ៍ អាត់ ខែម បានឲ្យកូនចៅរបស់គាត់ឈ្មោះ ណាក់ យករថយន្តនោះចេញពីស្នងការដ្ឋាននគរបាលខេត្តបាត់ហើយដែរ ដោយមិនដឹងថា លោកយកទៅណានោះទេ? ។
ពាក់ពន្ធ័និងករណី រថយន្តលោតឆត្រ័ផ្លោះរំលោភបទបញ្ជារសម្តេចក្រឡាហោមនោះនៅព្រឹកថ្ងៃទី១៨ខែវិច្ឆិកា២០១៧ លោក អ៊ុក សុផាត អធិការនគរបាលស្រុកថ្មពួកបានឲ្យដឹងថា៖ កម្លាំងលោកពិតជាបានទៅយករថយន្តហ្វតលោត ឆត្រ័ចង្កូតស្តាំ បើកធ្លាក់ប្រឡាយនោះមែនប៉ុន្តែ មិនបានស្រាវជ្រាវរកប្រភពនាំចូលឡើយ ព្រោះ លោក ស្នងការបានបញ្ជាឲ្យយកទៅស្នងការបន្ត ។
ចំណែកលោក អាត់ ខែម ឧត្តមសេនីយ៏ ផ្កាយ២ ឋានៈជាស្នងការ នាមោង១០ព្រឹកថ្ងៃទី១៨វិច្ឆិកា២០១៧គ្រាដែលអ្នកសារព័ត៌មានដេញដោលសួរលើករណីរថយន្តចង្កូតស្តាំ សង្ស័យថានាំចូលពីប្រទេសថៃ បែរជាលោកមានប្រសាសន៏ខ្លីថា មិនទាន់ស្រាវជ្រាវដឹងទេ ចាំជួបគ្នាពេលក្រោយ ?!!។ ចម្លើយយ៉ាងខ្លីរបស់លោក ស្នងការនគរបាលខេត្តបន្ទាយមានជ័យបាន ធើ្វឲ្យអ្នកសារព័ត៌មាន ងឿងឆ្ងល់ ព្រោះ ជាចម្លើយខ្លីហើយមិនមានខ្លឹមសារអាចយកមកបក្រាយពន្យល់បានទេ ។
ដោយឡែក លោក ព្រះរាជអាជ្ញា អមសាលាដំបូង ខេត្តបន្ទាយមានជ័យ វិញបានលើកឡើងថា៖ លោកបានទទួលដំណឹង ថាមានករណីរថយន្តធ្លាក់ប្រឡាយ តែគេមិនបានប្រាប់លោក ថា រថយន្តនោះ ពណ៌អ្វី ឬពាក់ស្លាកលេខនោះទេ ហើយអ្វីដែលពិបាកនោះមិនទទួលព័ត៌មានគ្រប់ជ្រុងជ្រោយ ។លោកព្រះរាជអាជ្ញាបាន លើកឡើងថា ពេលខ្លះលោកពិបាកធើ្វការជាមួយសមត្ថកិច្ចទៀតផង បើគេចង់លាក់លៀម ។
លោកបានផ្តាំឲ្យគ្រប់សារព័ត៌មានជួយតាមដានរកប្រភពព័ត៌មាន រកណីរថយន្តចេញពីថៃតាមច្រករបៀង នោះឲ្យបានស៊ីជម្រៅ ដើម្បីដឹងម្ចាស់ងាយស្រួលច្បាប់ធើ្វការ ។
សង្ឃឹមថា ករណីរថយន្តសេរីទំនើបលោតឆត្រ័គេចពន្ធចេញពីដីថៃ នៅច្រករបៀងនានក្នុងខេត្តបន្ទាយមានជ័យ នឹងមានការស៊ើបអង្កេត ឲ្យស៊ីជម្រៅបន្ថែមដើម្បី រក្សាបានសន្តិសុខ សណ្តាប់ធ្នាប់តាមបន្ទាត់ព្រំដែន ឲ្យសមស្របតាមប្រសាសន៏ថ្នាក់ដឹកនាំបានណែនាំកាលពីកន្លងមក ៕
