ខេត្តបាត់ដំបង ៖ លោក សុខ គង់ អភិបាលរងនៃគណអភិបាលខេត្តបាត់ដំបង បានមានប្រសាសន៍ក្នុង ពិធីបើកវគ្គបណ្តុះបណ្តាលមន្ត្រីអនុវត្តច្បាប់ស្តីពីការប្រយុទ្ធប្រឆាំងគ្រឿងញៀន និងឧក្រិដ្ឋកម្ម ឆ្លងដែន ដែលរៀបចំឡើងដោយ ផ្នែកនាយកដ្ឋានអនុវត្តច្បាប់នៃអគ្គលេខាធិការដ្ឋាន អាជ្ញាធរ ជាតិ ប្រយុទ្ធប្រឆាំងគ្រឿងញៀន កាលពីថ្ងៃទី១៦ ខែវិឆ្ឆិកា បានបញ្ជាក់ថាក្នុងនាមរដ្ឋបាល ខេត្តបាត់ដំបង សូមអបអរសាទរនិងចូលរួមយ៉ាងពេញទំហឹងក្នុងកម្មវិធីបើកវគ្គបណ្តុះបណ្តាល ស្តីពីការប្រយុទ្ធប្រឆាំងគ្រឿងញៀន និងឧក្រិដ្ឋកម្មឆ្លងដែន តាមមេរៀនក្នុងប្រព័ន្ធ អេឡិចត្រូនិច ជូនដល់មន្ត្រីអនុវត្តច្បាប់ខេត្តបាត់ដំបងពេលនេះ។
វគ្គបណ្តុះបណ្តាលនេះ កន្លងមកបានធ្វើការបណ្តុះបណ្តាលដល់មន្ត្រីអនុវត្តច្បាប់តាម បណ្តាខេត្ត មួយចំនួនរួចមកហើយ ដូចជាខេត្តត្បូងឃ្មុំ ស្ទឹងត្រែង ព្រះវិហារ ឧត្តរមានជ័យ ប៉ៃលិន និងច្រកទ្វារព្រំដែន ទ្វេរភាគី ជ្រៃធំ ខេត្តកណ្តាលហើយបានទទួលការចូលរួម ពីមន្ត្រី នគរបាលជាតិ កងរាជអាវុធហត្ថ និងមន្ត្រីគយប្រចាំច្រកទ្វារព្រំដែន។ ក្រុមការងាររបស់យើង បានទទួលការអនុញ្ញាតិ ពីអគ្គលេខាធិការ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំង គ្រឿងញៀន ហើយក្នុងវគ្គបណ្តុះបណ្តាលនេះផងដែរ ធ្វើឡើងក្នុងគោលបំណង ពង្រឹង សមត្ថភាពបន្ថែមទៀត ក្នុងការងារប្រយុទ្ធប្រឆាំងគ្រឿងញៀនប្រកបដោយប្រសិទ្ធិភាពខ្ពស់។
ក្នុងវគ្គបណ្តុះបណ្តាលនេះមន្ត្រីអនុវត្តច្បាប់ទាំងអស់ និងទទួលបាននូវការយល់ដឹងពី អត្តសញ្ញាណនៃគ្រឿងញៀន ការវាយតម្លៃហេតុការ ការកំណត់ភិនភាគមុខសញ្ញា និងវិធី សាស្ត្រនៃការ ជ្រើសរើងដើម្បីធ្វើការឆែកឆេរ ពិសេសមេរៀនស្តីពីការប្រមូលពត័មានសម្ញាត់។
ខ្ញុំមានសង្ឃឹមយ៉ាងមុតមាំថា មន្ត្រីអនុវត្តច្បាប់ដែលចូលរួម ក្នុងវគ្គបណ្តុះបណ្តាលនា ពេលនេះពិតជាខិតខំប្រឹងប្រែងស្រូបយកចំណេះដឹង ដើម្បីប្រយុទ្ធប្រឆាំងគ្រឿងញៀនប្រកប ដោយប្រសិទ្ធិភាពខ្ពស់ ជាក់ជាពុំខានឡើយ ៕
