ភ្នំពេញ ៖ ថ្មីៗនេះ កញ្ញា មាស សុខសោភា តារាចម្រៀងផលិតកម្មថោន បានបង្ហោះឃ្លិបវិដេអូមួយ ដែលនាងនិងលោកហ្សូណូ តារាចម្រៀងផលិតកម្មហង្សមាស ធ្វើខួបកំណើតឲ្យកុមារីម្នាក់ដល់បន្ទប់ថ្នាករៀននៅសាលាមួយ ។ អ្វីដែលជាកាភ្ញាក់ផ្អើល គឺកញ្ញមាស សុខ សោភា ដែលគេស្គាល់ថា ជាសិល្បៈការិនីស្រលាញ់បរិស្ថាន បានហៅកុមារី ទុច នោះថា កូនដែលធ្វើឲ្យលោកហ្សូណូ ផ្ទុះសំណើច!។ ក្រោយមក បានគេស្គាល់ថា កុមារីទុចនោះ មានឈ្មោះថារ៉ូមី ដែលជាដំណក់ឈាមរវាងលោកហ្សូណូ និងអ្នកនាង ចាន់ សុផានី អតីតតារាសម្តែង ដែលបច្ចុប្បន្នបានបែកបាក់គ្នាទៅហើយ ដោយក្មេងស្រីនោះនៅជាមួយអ្នកនាងចាន់សុផានី ។ ការពិត មិនមែនជាំលើកទីមួយទេ ដែលកញ្ញា មាស សុខសោភា និងកុមារីរ៉ូមី ល្អូកល្អឺនជាមួយគ្នា ។ ជាក់ស្តែងមានរូបថតមួយសន្លឹក ដែលកញ្ញមាសុខសោភាបញ្ចេញភាពស៊ិចស៊ីជាកុមារីរ៉ូមីនៅមាត់សមុទ្ទ។
ប្រការនេះបានធ្វើឲ្យមានសំនួរថា ៖ តើលោកហ្សូណូ និងកញ្ញា មាស សុខសោភា មានអីជាមួយគ្នា បានជានាងចេញមុខធ្វើខួបកំណើតឲ្យកូនស្រីលោកហ្សូណូ?។
សូមបញ្ជាក់ថា ទោះជានៅផលិតកម្មខុសគ្នា តែក្នុងការរកស៊ីក្រៅ កញ្ញា មាស សុខសោភា និងលោកហ្សូណូជាដៃគូជាមួយគ្នា ។
ក្រោយពីផ្ទុះការចាប់អារម្មណ៍ពីអ្នកលេងបណ្តាញសង្គមហ្វេសប៊ុក កញ្ញា មាស សុខសោភា បានចេញមុខបដិសេធថា ក្មេងស្រីឈ្មោះរ៉ូមីជាក្មួយ?!។ យ៉ាងណាការបញ្ចេញឃ្លីបវិដេអូនេះ ចង់មិនចង់ ជាការបង្ហាញជំហ៊ានសាកល្បងថា កញ្ញា មាស សុខសោភា និងលោកហ្សូណូមានទំនាក់ទំនងជិតស្និទ្ធខ្លាំងណាស់ ៕
