មកដល់ពេលនេះ គេនៅតែឆ្ងល់ថា ហេតុអ្វីលោក ម៉ម ប៊ុនហេង រដ្ឋមន្រ្តីក្រសួងសុខាភិបាល ពុំមានប្រតិកម្ម ឬក៏មានវិធាន ការ បែបណា នៅឡើយ ចំពោះមន្ទីរពេទ្យ ម៉ាលីយ៉ា ដែលចាក់ថ្នាំបណ្តាលឲ្យសុគតព្រះសង្ឃ ១ អង្គ កាលពីពេលថ្មីៗកន្លងទៅនេះ ?
នៅក្នុងបណ្តាញទំនាក់ ទំនង សង្គម(Facebook) ក៏ដូចជាសាធារមតិ បានចោទជាសំណួរ អំពីករណីដែល មន្ទីរពេទ្យ ម៉ាលី យ៉ា នៅតែបន្តសកម្ម ភាព អាជីវកម្មរបស់ខ្លួនដដែលក្រោយ ពីបានចាក់ថ្នាំ បណ្តាលឱ្យសុគត ព្រះសង្ឃមួយអង្គ ដែលមានព្រះ កម្លាំង ពេញព្រះជន្មត្រឹមតែ២៤ព្រះវស្សា? ។ ជាងនេះទៅទៀត គេបានចោសទសួរ ទៅក្រុមមន្ត្រី ដែលចុះស៊ើបអង្កេតនោះ ថាៈតើមានអ្វីដែលត្រូវស៊ើប បើអ្វីៗ បញ្ជាក់ទាំងអស់ហើយថាៈ មន្ទីរពេទ្យ ម៉ាលីយ៉ាបានចាក់ថ្នាំមួយម្ជូល បណ្តាល ឱ្យព្រះសង្ឃ មួយអង្គ ដែលមានកម្លាំង ពេញសុគតភ្លាមៗ ។
តាមការផ្សាយ ពាណិជ្ជកម្មលើកញ្ចក់ទូរទស្សន៍ មន្ទីរ ពេទ្យឯកជនឈ្មោះម៉ាលីយ៉ានេះ បាន អួតអំពីភាពអស្ចារ្យរបស់ខ្លួន ក្នុង ការព្យាបាលជំងឺច្រើនប្រភេទ ។ ក៏ប៉ុន្តែ ការពិត គ្រាន់តែអ្នកជំងឺដុះសាច់បំពង់ក បន្តិចបន្តួចសោះ បែរជាគ្រូពេទ្យនៃ មន្ទីរពេទ្យ នេះចាក់ថ្នាំ បណ្តាលឱ្យស្លាប់ ទៅវិញ ។ តើករណីព្រះសង្ឃព្រះនាម នឹម វាន់នី ព្រះជន្ម២៤វស្សាដែលសុគត ក្រោមស្នាដៃ គ្រូ ពេទ្យ នៃមន្ទីរពេទ្យ ម៉ាលីយ៉ា ដែលបុគ្គលិកភាគច្រើន ជា ជនជាតិចិន ត្រូវបានបញ្ចប់ត្រឹមសង លុយ៦ពាន់ដុល្លារអាមេរិក ទៅ ក្រុមគ្រួសារជនរងគ្រោះប្ញុយ៉ាងណា? ។ តើក្រសួងសុខាភិបាល ចាត់វិធានការ យ៉ាងណា ចំពោះមន្ទីរពេទ្យដែលបង្កឱ្យមនុស្ស ស្លាប់ ដោយកំហុសបច្ចេក ទេសបែបនេះ?សំនួរទាំងនេះ មិនទាន់ ត្រូវបានស្ថាប័នពាក់ព័ន្ធរួម និងស្ថាប័ន តុលាការ មិនទាន់ ចេញមុខអះអាង បែបណានោះនៅឡើយទេ ចំពោះ រឿងនេះ? ។
ប្រភពពីសមត្ថកិច្ច និងអ្នក ជំងឺ ដែលចូលទៅពិនិត្យក្នុងមន្ទីរពេទ្យ ម៉ាលីយ៉ា បានឱ្យដឹងថាៈខាងមន្ទីរពេទ្យ បានព្យាយាមសម្រប សម្រួល ជាមួយ និងគ្រួសារជងរងគ្រោះ ដើម្បីឱ្យទទួល យកសំណងរដ្ឋប្បវេណី តាមការចាត់ តាំងណែនាំពីក្រុមមន្ត្រីជំនាញ ចៀស វាងមានបញ្ហាកើតឡើង ឈានដល់ ការបិទ ការធ្វើអាជីវកម្មមន្ទីរពេទ្យម៉ា លីយ៉ា ។
អធិការនគរបាលស្រុកជុំគិរី លោកគិត តារា បានប្រាប់អ្នកកាសែត ថាៈករណីសុគតព្រះសង្ឃព្រះនាម នឹម វណ្ណី ឥឡូវក្រុម គ្រួសារ បានដកពាក្យ បណ្តឹងវិញហើយ បន្ទាប់ពីខាងមន្ទីរ ពេទ្យ បានបង់ប្រាក់ឱ្យ៦០០០ដុល្លារ អាមេរិក ដើម្បីបប្ចាប់សំណុំ រឿងនេះ ។ ឯលោក សុខ សុគន្ធ ប្រធានមន្ទីរ សុខាភិបាលរាជធានីភ្នំពេញ បានត្រឹម តែនិយាយថាៈ ករណីនេះកំពុងតែឱ្យ មន្ត្រីស៊ើបអង្កេតរឿងនេះ ដោយយក ចិត្តទុកដាក់បំផុត ពីព្រោះការប្រើថ្នាំ ស្ពឹកសម្រាប់ចាក់អ្នកជម្ងឺ មិនមែនចេះ តែប្រើបាន នោះ ទេ គ្រូពេទ្យត្រូវធ្វើតេស្ត ទៅលើអ្នកជំងឺសិនថាៈ តើគាត់មាន ប្រតិកម្មអ្វីខ្លះទៅនឹងថ្នាំ? ដូចជាមាន អាការៈរមាស់ ប្ញុកន្ទួល ទៅលើអ្នកជំងឺ ថ្នាំទាំងនោះ មិនអាចចាក់ទៅគាត់បាន បើចាក់ប្រាកដជាស្លាប់ ។ ខាងមន្ទីរ ជំនាញកំពុងតែស៊ើបអង្កេត តាម ដាន ថា តើគ្រូពេទ្យ បានធ្វើតេស្តអ្នកជំងឺ ត្រឹមត្រូវប្ញុមួយយ៉ាងណា? ទើបការ ចាក់ថ្នាំរហូតដល់ស្លាប់បែបនេះ? ។ ទោះបីយ៉ាង ណា ប្រជាពលរដ្ឋគ្មាន សង្ឃឹមថាៈភាពយុត្តិធម៌សង្គម នឹងមិន ត្រូវបានអនុវត្ត ទៅលើមន្ទីរពេទ្យម៉ាលី យ៉ានោះទេ ។
សូមបញ្ជាក់ថាៈ កាល ពីថ្ងៃទី១៧ខែធ្នូឆ្នាំ២០១៣ ព្រះសង្ឃ ព្រះនាមនឹម វណ្ណី ព្រះជន្ម២៤វស្សា គង់នៅវត្តអណ្តែត ឃុំថ្មី ស្រុក ជុំគិរី ខេត្តកំពត ដោយមានជំងឺដុះសាច់ក្នុង បំពង់ក បានគង់តាមម៉ូតូឌុបមកចូល សម្រាកព្យាបាល នៅក្នុងមន្ទីរពេទ្យ ម៉ាលីយ៉ាដើម្បីពិនិត្យ និងឱ្យគ្រុមគ្រូ ពេទ្យនេះ ធ្វើការវះកាត់យុកដុំសាច់ នោះចេញ ប៉ុន្តែក្រោយពីគ្រូពេទ្យបាន ចាក់ថ្នាំ តែមិនដឹងថា ៖ ថ្នាំអ្វីនោះទេ ទំនងជាខុសបច្ចេកទេស បានធ្វើឱ្យ ព្រះសង្ឃរងគ្រោះ មានស្ថានភាព ប្រកាច់បែកពពុះមាត់ និងសន្លប់បាត់ ស្មារតី ។ រួចត្រូវបានក្រុមគ្រូពេទ្យ ម៉ាលីយ៉ាដឹកបញ្ជូន តាមរថយន្ត សង្គ្រោះបន្ទាន់ ឆ្ពោះទៅមន្ទីរពេទ្យ កាល់ម៉ែត ។
ប៉ុន្តែប្រភពព័ត៌មានខ្លះ បានឱ្យដឹងថាៈ ព្រះសង្ឃអង្គនេះ បាន សុគត តាំងពីនៅមន្ទីរពេទ្យម៉ាលីយ៉ា ម៉្លេះ ហើយការដឹកបញ្ចូនទៅមន្ទីរពេទ្យ កាល់ម៉ែត គ្រាន់តែជាលេសមួយក្នុង ការគេចវេស ពីការទទួលខុសត្រូវតែ ប៉ុណ្ណោះ ៕
