ខេត្តក្រចេះ ៖ នាថ្ងៃទី១៥ ខែវិច្ឆិកា ឆ្នាំ២០១៧ ប្រជាពលរដ្ឋដែលរស់នៅក្នុងភូមិទួលមនោរម្យ សង្កាត់ក្រគរ ក្រុងក្រចេះ ខេត្តក្រចេះ បានទៅរកត្រីទឹកពុល នៅបឹងជ្រលំភក់ដោយនេសាទនិងថ្នង បានដងបានត្រីគល់រ៉ាំងមួយក្បាលទំនង់ប្រហែលជា ៣០ ទៅ៤០ គីឡូក្រាម និងបានផ្ដល់ដំណឹងដល់ខណ្ឌរដ្ឋបាលជលផលខេត្តក្រចេះ ដែលសហការជាមួយអង្គការ WWF ដើម្បីយកមកលែងនៅទន្លេមេគង្គខេត្តក្រចេះ ។
លោក សៀន គិន នាយខណ្ឌរដ្ឋបាលជលផលក្រចេះ មានមតិថា ការលែងត្រីគល់រាំង ដែលជាត្រីកំពុងរងគ្រោះ ដែលត្រូវការពារ និងអភិរក្ស និងសការីរបស់លោកតែងតែផ្សព្វផ្សាយគ្រប់ដែននេសាទ ជាពិសេសតាមបណ្ដាលសហគមន៍នេសាទ វេទិការណ៍សាធារណៈ និងតាមបណ្ដាលអង្គប្រជុំផ្សេងៗជាមួយអាជ្ញាធរដែនដី ដើម្បីផ្សព្វផ្សាយដល់ប្រជាពលរដ្ឋឲ្យយល់ដឹង ហើយនៅពេលដែលនេសាទបានត្រីដែលកំពុងរងគ្រោះទាំងអស់នេះ ត្រូវផ្ដល់ដំណឹងជូន ដល់សមត្ថកិច្ចជលផល តាមរយៈទូរសព្ទ ដើម្បីសមត្ថកិច្ចទៅនាំយកមកលែងនៅទន្លេមេគង្គ ៕
ដោយ លោក កិះ ខន
