ភ្នំពេញ៖ លោក សេរី កុសល ទេសរដ្ឋមន្ត្រីទទួល បន្ទុកបេសកកម្មពិសេស និងជាអនុប្រធានទី១ នៃអាជ្ញាធរ មីនកម្ពុជា បានបញ្ជាក់ឲ្យដឹងនៅក្នុងសន្និសីទសារព័ត៌មានថ្ងៃទី១៣ វិច្ឆិកានេះថា៖ កម្ពុជាជាប្រទេសធា្លប់ទទួលរងគ្រោះនូវគ្រាប់បែក និងសំណល់ មិនទាន់ផ្ទុះជាច្រើន ក្នុងនោះ មានតែសាធារណរដ្ឋប្រជាមានិតចិនទេ ដែលអាចជួយបំបាត់ គ្រាប់មីន និង សំណល់មិនទាន់ផ្ទុះទាំងនោះបាន។
លោក សេរី កុសល ថ្លែងប្រាប់ មុនការធ្វើទស្សនកិច្ចរយៈពេល៤ថ្ងៃទៅកាន់ប្រទេសចិន ដើម្បីចូលរួមបិទវគ្គបណ្តុះបណ្តាលដោះមីន, ការប្រើប្រាស់បច្ចេកវិទ្យាថ្មី ដល់សិក្ខាកាមកម្ពុជា ដែលបាន និង កំពុងបណ្តុះបណ្តាលនៅប្រទេសចិនចំនួន៣០នាក់។ ឯកឧត្តមបញ្ជាក់ថា កម្ពុជាមានចក្ខុវិស័យ ដើម្បី ឈានទៅរកការបោសម្អាតមីននៅកម្ពុជា ឱ្យបានមុនឆ្នាំ២០២៥ ជាពិសេស នៅពេលដែលភាគីចិន យល់ ព្រមផ្ដល់ជំនួយ ដែលមានទឹកប្រាក់ប្រមាណ៣៧០លានដុល្លារនោះ។
លោកបន្តថា៖ ប្រទេសចិន បានចូលរួមសកម្មភាពច្រើនបំផុត ក្នុងការផ្តល់ជំនួយដល់កម្ពុជាឥតសំណង ដែលនេះជាគោលការណ៏មនុស្សធម៏ រួមមានទាំងការបណ្តុះបណ្តាលធនធានមនុស្ស ជាពិសេសមានការ ចូលរួមថវិកាសាងសង់មជ្ឈមណ្ឌលកំចាត់មីនអាស៊ាន ដោយកម្ពុជាជាម្ចាស់ផ្ទះ ឬនាយកប្រត្តិបត្តផងដែរ ដែលការសាងសង់នោះ ចំនាយទឹកប្រាក់ជាង២សែនដុល្លាសហរដ្ឋអាមេរិក។
ទាក់ទងសកម្មភាពដោះមីននៅកម្ពុជា លោកក៏មានបំណងស្នើទៅប្រទេសចិន អោយជួយជ្រោមជ្រែង បន្ថែមលើផ្នែកបណ្តុះបណ្តាលបច្ចេកទេស និង ជំនាញពិនិត្យទៅលើគ្រាប់បែកគីមីនៅកម្ពុជាផងដែរ។
លោកបញ្ជាក់ថា៖ ការទទួលខុសត្រូវលើអតីត កាលនៅកម្ពុជា គឺមិនមានការប្រកាន់ថា ជារបស់ អ្នកណានោះទេ ដែលអ្វីសំខាន់ គឺដើម្បីសេចក្តីសុខរបស់ប្រជាពលរដ្ឋនៅមូលដ្ឋាន និងការអភិវឌ្ឍ នៃប្រទេសជាតិទាំងមូល ៕
