ភ្នំពេញ ៖ ក្មេងស្រីម្នាក់នេះមានមុខមាត់ដូច សាន ស្រីឡៃ នាងឈ្មោះ ពុត រតនា ត្រូវបានផលិតកម្មហង្សមាសដៅសម្រាប់ជ្រើសឲ្យដើរតួជំនួសដើម្បីបញ្ចប់សាច់រឿង។តែជាអកុសលកញ្ញ ពុត រតនា បានប្រកែក។នាងបាន ប្រាប់ កាសែតកាលពីល្ងាចថ្ងៃទី១១ ខែវិច្ឆិកា ថា ក្រុមគ្រួសាររបស់នាងមិនអោយថតនោះទេ ក៏ព្រោះតែមានចំណុចខ្លះ ដែលដូចគ្នាពេក ជាពិសេស អាយុតែម្តង ។ ក្រៅពីគ្រួសា នាងក៏យល់សប្តិ មិនល្អដែរ។ទោះជាយ៉ាងណា កញ្ញក៏អរគុណ ដល់ហង្សមាស ដែលផ្តល់ឱកាសល្អមួយនេះចំពោះនាង។សូមបញ្ជាក់ថាក្រោយពីសាន ស្រីឡៃដែលកំពុងថត ថតរឿង «រាជនីភូមិគ្រឹះ» និងរឿង«បិសាចក្រមុំគួរអោយស្រលាញ់»ត្រូវប្តីបាញ់សម្លាប់ធ្វើឲ្យខ្សែភាពយន្តនេះ ជួបនូវបញ្ហា។
ប៉ុន្តែក៏ស្រាប់តែលឺថា មានតារាស្រីម្នាក់មានមុខមាត់ ដូចសាន ស្រីឡៃ នឹងត្រូវបានខាងហង្សមាសហៅមកមើលមុខ និងរូបរាង តែជាលទ្ធផលចុងក្រោយ សាមីខ្លួនមិនទទួលថត ៕