ខេត្តមណ្ឌលគិរី៖ នៅរសៀលថ្ងៃទី១១ខែវិច្ឆិកាឆ្នាំ២០១៥នេះ សហភាពសហព័ន្ធកម្ពុជាខេត្តមណ្ឌលគិរី ដឹកនាំដោយ លោក ឈឹម កាន ប្រធានមន្ទីរ រៀបចំដែនដីនគររូបនីយកម្ម និងសំណង់ និងជាប្រធានសហភាពសហពន្ធយុវជនកម្ពុជាខេត្តមណ្ឌលគិរី បានយកអំណោយមនុស្សធម៌ និងថវិកាមួយចំនួនយកមកផ្តល់ជូនដល់ លោកយាយ ម៉ៅ ដែលមានអាយុ៨០ឆ្នាំ ជាចាស់ជរាគ្មានពឹង រស់នៅក្នុងភូមិ មានជ័យសេរីមានរិទ្ធ ឃុំស្រែសង្គម ស្រុកកោះញែកខេត្តមណ្ឌលគិរី ដែលលោកយាយបច្ចុប្បន្នរស់នៅតែម្នាក់ឯងដោយពុំមានកូនចៅរស់នៅជាមួយ ព្រមទាំងស្នាក់អាស្រ័យនៅលើជង្រុកស្រូវរបស់ប្រជាពលរដ្ឋ។
លោក ឈឹម កាន ប្រធានមន្ទីររៀបចំដែនដីនគររូបនីយកម្ម និងសំណង់ និងជាប្រធានសហភាពសហព័ន្ធយុវជនកម្ពុជាខេត្តមណ្ឌលគិរីបានមានប្រសាសន៍ថា៖ក្រោយពីទួលបានព័ត៌មាននាពេលកន្លងមកនេះ ក្នុងនាមលោកជាប្រធានសហភាពសហព័ន្ធយុវជនកម្ពុជាខេត្តមណ្ឌលគិរី បានដឹកនាំក្រុមការងារយកអំណោយមនុស្សធម៌ និងថវិកាមកផ្តល់ជូនដល់លោកយាយដែលកំពុងរងនូវការខ្វះខាតសម្រាប់ដោះស្រាយនូវជីវភាពប្រចាំថ្ងៃរបស់លោកយាយ ។
លោកប្រធានបានមានប្រសាសន៍បន្តទៀតថា ៖ ទោះបីអំណោយ ដែលផ្តល់ជូនលោកយាយនាពេលនេះតិចតួចមែន ប៉ុន្តែអាចជួយដោះស្រាយនូវទុក្ខលំបាករបស់លោកយាយមួយគ្រាៗផងដែរ ។
អំណោយដែលលោកប្រសធានហភាពសហព័ន្ធយុវជនកម្ពុជាខេត្តមណ្ឌលគិរី យកមកផ្តល់ជូនលោកយាយនាពេលនោះរួមមាន៖ មីចំនួន១កេះ ត្រីខចំនួន៤ឡូ ទឹកត្រីចំនួន១យួ ទឹកស៊ីអីវចំនួន១យួ ទឹកដោះគោឆៅចំនួន២ឡូ ស្ករសចំនួន២គីឡូក្រាម អំពិលចំនួន២គីឡូក្រាម ត្រីងៀតចំនួន១គីឡូក្រាម ទឹកសុទ្ធចំនួន១យួ ប្រេងកូឡាចំនួន៤ដប អង្ករចំនួនចំនួន ៥០គីឡូក្រាម និងថវិកាចំនួន១២ម៉ឺនរៀល ៕
ដោយ ៖ ហ៊ិន សុគន់
