បន្ទាយមានជ័យ៖ កាលពីរសៀលម៉ោង៤.៣០នាទីថ្ងៃទី០៥ខែវិច្ឆការឆ្នាំ២០១៧ មានសេចក្តីរាយការណ៏មួយពីប្រជាពលរដ្ឋ ឲ្យដឹង ថា៖មានឈ្មួញលួចលាក់នាំចូលទំនិញខូចគុណភាពប្រភេទគ្រឿងក្នុងសត្វជ្រូក ដែលឈ្មួញបានជួលកម្មករ ដឹកតាមរទេះ ចេញពីទឹកដីថៃ មកកម្ពុជា។ ដោយព្រួយពីផលប៉ះពាល់ដល់សុខភាពពលរដ្ឋបានសុំឲ្យ ភ្នាក់ងារសារព័ត៌មាន ជួយ ប្រាប់មន្ត្រីជំនាញ ដើម្បីសាកសួរម្ចាស់ទំនិញ ថាតើ ទំនិញទាំង១៧កេសស្នោរនោះជារបស់អ្នកណា ហើយចេញតាមច្រកណា ? ហើយអ្នកណាជាអ្នកឲ្យចេញបាន នៅច្រកច្រកទ្វារអន្តរជាតិប៉ោយប៉ែត នេះ ? ព្រោះពួកគាត់មើលឃើញថា រៀងរាល់ថ្ងៃនេះ សមត្ថកិច្ច ជំនាញគ្មានការត្រួតពិនិត្យអ្វីឡើយ ។ ជាក់ស្តែងក្រុមមន្ត្រីនាយកដ្ឋានកាំកុងត្រូល ប្រចាំច្រកអន្តរជាតិប៉ោយប៉ែត ដែលដឹកនាំដោយ លោក ស៊ាន ស៊ីណាត ប្រធានស្នាក់ការ ខេត្តបន្ទាយមានជ័យ ហាក់បីដូចជាជិះសេះប្រលែងដៃ មិនខ្វាយខ្វល់ លើសុខុមាលភាពរបស់ប្រជាពលរដ្ឋដែលលោក ទទួលទាននោះទេ ។
សេចក្តីរាយការណ៏បានបន្តទៀតថា ទំនិញប្រភេទគ្រឿងក្នុងសត្វជ្រូកទាំង១៧កេសនោះ ត្រូវមេឈ្មួញដាក់ក្នុងរថយន្ត ហាយឡែនដឺរពណ៌ទឹកប្រាក់ ដែរមានស្លាកលេខ2AH0279 ក្នុងគោលបំណងយកទៅចែកចាយបន្តតាមខេត្តនានាក្នុងប្រទេសកម្ពុជា ។ ទីតាំងដែលក្រុមឈ្មួញតែងធើ្វសកម្មភាពដឹកជញ្ជូនទំនិញខូចគុណភាណនោះនៅត្រង់ចំនុចក្រោយ សាលារៀន ហេឡូ ស្ថិតក្នុង ភូមិក្បាលស្ពាន១ក្រុង ប៉ោយប៉ែតខេត្តបន្ទាយមានជ័យ ។
ពាក់ពន្ធ័និងករណីក្រុមឈ្មួញដឹកគ្រឿងក្នុងជ្រូកខាងលើប្រភព កម្មករអូសរទេះប្រាប់ដល់ភ្នាក់ងារសាតព័ត៌មានថា៖សាច់ខូចគុណភាពនៅក្នុងកេសស្នោរទាំងនេះ សុទ្ធតែគ្រឿងក្នុងជ្រូកចំរុះហើយថា ថៅកែក៏បានបង់លុយអោយមន្ត្រីកាំកុងត្រូលប្រចាំច្រកប៉ោយប៉ែតរួចរាល់ហើយដែរ ។
ដោយឡែក តាមការបំភ្លឺ ពីលោក ឈុន ពិសិដ្ឋមេប៉ុស្ដិ៍កាំកុងត្រូលច្រកទ្វារអន្តរជាតិប៉ោយប៉ែត បានប្រាប់ដល់ភ្នាក់ងារសារព័ត៌មានថា៖រទេះដែរដឹកគ្រឿងក្នុងជ្រូកទាំងនោះ មិនអូសចេញពីច្រកទ្វារអន្តរជាតិប៉ោយប៉ែតឡើយ លោកថា បើអូសចេញតាមច្រកទ្វារប៉ោយប៉ែតមែននោះ ត្រូវឆ្លងកាត់ទីលានត្រួតពិនិត្យជាមុន តែនេះលោកនៅសង្ស័យថា ឈ្មួញ ជាអ្នកខិលខូចលួចបន្លំផ្នែក មន្ត្រីកាំកុងត្រូល ទាំងអស់ហ្នឹងមិនធ្វើការត្រួតពិនិត្យហើយឆែកឆេនៅច្រកទ្វារបាន ពីព្រោះផ្លូវនៅខាង ច្រកទ្វារហ្នឹងវាតូចហើយចង្អៀតទៀត ។
សូមបញ្ជាក់ដែរថា៖ថ្មីៗនេះសមត្តកិច្ចនគរបាលប្រឆាំងបទល្មើសេដ្ឋកិច្ចដឹកនាំដោយលោកឧត្តមសេនីយ៍ឡុងស្រេងអនុប្រធាននាយកដ្ឋានចាប់បានគ្រឿងក្នុងជ្រូកនាំចូលពីស្រុកសៀមដឹកមកចែកចាយនៅរាជធានីភ្នំពេញយកទៅកំទេចចោលផងដែរតែមិនឃើញចាប់បានឈ្មួញឬអ្នកទទួលខុសត្រូវយកទៅដាក់ទោសទេ!៕
