មណ្ឌលគិរី៖ នាថ្ងៃទី១៣ ខែវិច្ចកា ឆ្នាំ២០១៥ បញ្ហាតែ០១ប៉ុណ្ណោះ ដែលប្រជាពលរដ្ឋបានលើកឡើងដូចៗគ្នា ស្នើឲ្យអាជ្ញាធរដោះស្រាយក្នុងវេទិកាសាធារណៈថ្នាក់ ជាតិ នៅវត្តធម្មពេជតេជោរាម ស្ថិតក្នុងឃុំស្រែអំពូម ស្រុកពេជ្រាដា ដោយបញ្ហានោះពាក់ព័ន្ធនិងរឿងដីធ្លី ដែលអាជ្ញាធរមិនបានចេញប្លង់ឲ្យពលរដ្ឋប្រមាណ៧០គ្រួសារកាន់កាប់ដីរបស់ខ្លួនស្របច្បាប់ ខណៈដីមួយចំនួនក្នុងតំបន់តែមួយនោះ គឺអាជ្ញាធរបានចេញប្លង់ស្របច្បាប់ឲ្យកាន់កាប់ ។
វេទិកាសាធារណៈនេះដែរ បានធ្វើឡើងកាលពីរសៀលថ្ងទី១៣ វិច្ឆកា ២០១៥ ក្រោមវត្តមានឯក ឧត្ដម ភឿង សុភ័ណ្ឌ រដ្ឋលេខាធិការក្រសួងដែនដីនគររូបនីយកម្ម និងសំណង់ និងឯកឧត្ដម តាន់ ណាវណ្ណ អភិបាលរងខេត្ត មណ្ឌលគិរី ។
ជុំវិញបញ្ហាដីធ្លីនេះ ប្រជាពលរដ្ឋបានលើកឡើងក្នុងវេទិកាសាធារណៈនោះថា ដីរបស់ពួកគាត់គឺស្ថិតនៅភូមិពូក្រូច ឃុំស្រែ អំពូម ស្រុកពេជ្រាដា នេះ ដោយដីទាំងអស់នោះគឺជាដីចំការចាស់ ដែលពួកគាត់់បានទិញតពីបងប្អូនជនជាតិដើមភាគតិច និងខ្លះទៀតបានទិញពីបងប្អូនខ្មែរ មានការទទួលស្គាល់ពីអាជ្ញាធរមូលដ្ឋាន ភូមិ ឃុំ ស្រុក ក្នុងជំនាន់អភិបាលស្រុកចាស់ មិនមែនពួក គាត់មកកាប់ទន្ទ្រានយកដីព្រៃធ្វើកម្មសិទ្ធនោះទេ ។
ប្រជាពលរដ្ឋបានលើកឡើងទៀតថា រហូតដល់ពេលដែលក្រុមនិស្សិតស្ម័គ្រចិត្ត ចុះមក វាស់វែងដីធ្លីជូនពលរដ្ឋក្នុងឃុំស្រែ អំពូមនេះ កាលពីដើមឆ្នាំ២០១៣ ក៏បានវាស់វែងដីរបស់ពួកគាត់ធម្មតា ប៉ុន្តែនៅថ្ងៃចុងក្រោយដែលត្រូវបញ្ចប់ការតវ៉ា ចំពោះការ វាស់វែងដីធ្លីពីសំណាក់ក្រុមនិស្សិតស្ម័គ្រចិត្ត ក៏មានការជំទាស់លើដីរបស់ពលរដ្ឋប្រមាណ៧០គ្រួសារ ថាមិនអាចចេញប្លង់ឲ្យបាន ទេ ដោយសារដីរបស់ពួកគាត់ជាដីមិនមានអាស្រ័យផល និងត្រូវបានដកហូតទៅជាដីសហគមន៍ព្រៃឈើតាំងពីឆ្នាំ២០០៨ ដោយពួកគាត់មិនដឹងថា ដីរបស់របស់ត្រូវបានដកហូតនោះទេ ព្រោះការដកហូតនោះមិនមានការជូនដំណឹងឲ្យពួកគាត់បានដឹងនោះទេ ។
ប្រជាពលរដ្ឋបាននិយាយទៀតថា ប្រសិនបើការដកហូតដីតំបន់នោះកាលពីឆ្នាំ២០០៨ បានចេញសេចក្ដីប្រកាស ឬ ជូន ដំណឹងឲ្យពួកគាត់ដឹង និងត្រូវបានដកហូតគ្រប់គ្នាទាំងអស់ ចំពោះដីដែលមិនបានអាស្រ័យផល ពួកគាត់សុខចិត្ត ដោយសាពូកគាត់ចូលកាប់ស្កាមិនបាន ។
ការតវ៉ា និងភាពងឿងឆ្ងល់អ្វីទាំងអស់នេះ ប៉ុន្តែពួកគាត់ ជុំវិញបញ្ហានេះ ដោយសារតែដីមួយចំនួន ដែ លមានព្រំជាប់គ្នាជាមួយដីរបស់ពួកគាត់ មិនមានអាស្រ័យផលដូចគ្នា ប៉ុន្តែអាជ្ញាធរបានចេញប្លង់ឲ្យកាន់កាប់ស្របច្បាប់ ដោយពួក គាត់គិតថា ការចេញប្លង់ឲ្យពលរដ្ឋកាន់កាប់ដីធ្លីក្នុងតំបន់នេះមានភាពលំអៀង ដូច្នេះហើយទើបពួកគាត់មិនសុខចិត្ត ស្នើឲ្យអជ្ញា ធរពិនិត្យឡើងវិញ ។
ពាក់ព័ន្ធបញ្ហានេះ ឯកឧត្ដម តាន់ ណាវណ្ណ និង ឯកឧត្ដម ភឿង សុភ័ណ្ឌ បានមានប្រសាសន៍ឆ្លើយតបស្រដៀងគ្នាថា ចំពោះបញ្ហានេះ ឯកឧត្ដមនឹងយកទៅពិភាក្សាជាមួយឯកឧត្តមអភិបាលខេត្ត ដើម្បីស្វែងរកដំណោះស្រាយសមស្របណមួយជូន ប្រជាពលរដ្ឋ ហើយនៅពេលទទួលបានផល់អាជ្ញាធរនឹងជូនដំណឹង ។
សូមបញ្ជាក់ថា ចំពោះរឿងរ៉ាវដីធ្លីខាងលើនេះ ប្រជាពលរដ្ឋធ្លាប់បានលើកឡើងនៅក្នុងវេទិកាសាធារណៈជាច្រើនលើក ច្រើនសាមកហើយ និងធ្លាប់បានស្នើឱ្យឯកឧត្តម អេង ប៊ុនហ៊ាង អភិបាលខេត្តរង ជួយដោះស្រាយផងដែរ ប៉ុន្តែច្រើនលើកច្រើនដងឆ្នាំមកហើយ នៅមិនទាន់មានដំណោះស្រាយ ណាមួយជួនប្រជាពលរដ្ឋ៕
ដោយ ៖ រស់ សុភា
