ភ្នំពេញ ៖ កញ្ញាឡូរ៉ាម៉មតារាចម្រៀងសញ្ជាតិអាមេរិកកំណើតខ្មែរជាប់ចំណាត់ថ្នាក់ជាបេក្ខនារីជម្រើសចុងក្រោយសម្រាប់ជាជ័យលាភីម្នាក់ ដែលអាចទទួលពានរង្វាន់ ស្ត្រីនៃអនាគត ក្នុងអាស៊ីភាគអាគ្នេយ៏ ខាងផ្នែកសិល្បៈ និង វប្បធម៌។នេះបើតាមការប្រកាសរបស់នាងតាមបណ្តាញសង្គមហ្វេសប៊ុក។ឡូរ៉ាស្រីដែលមានទម្រង់មុខស៊ិចស៊ីបែបអ៊ឺរ៉ុបបានសសេរថា៖ ខ្ញុំរីករាយណាស់ ដោយថ្ងៃនេះ ខ្ញុំបានទទួលដំណឹង ដ៏ល្អបំផុតមួយ។ ខ្ញុំបានជាប់ជាបេក្ខនារី ក្នុងជំរើសចុងក្រោយបំផុត សម្រាប់ជាជ័យលាភីម្នាក់ ដែលអាចទទួលពានរង្វាន់ ស្ត្រីនៃអនាគត ក្នុងអាស៊ីភាគអាគ្នេយ៏ ខាងផ្នែកសិល្បៈ និង វប្បធម៌។ ខ្ញុំពិតជាមានកិត្តិយស នឹង មានមោទនភាព ខ្លាំងណាស់ ក្នុងការធ្វើជាតំណាង ឱ្យប្រទេសកម្ពុជា ចូលការប្រកួតប្រជែង ជាមួយស្ត្រី ក្នុងអាស៊ីភាគអាគ្នេយ៍ដ៏ឆ្នើម។
ខ្ញុំសូមអបអរសាទរ និង សូមជូនសំណាងល្អ ចំពោះបេក្ខនារីខ្មែរទាំងអស់ ដែលត្រូវបាន ជ្រើសរើសជាបេក្ខនារី ចុងក្រោយរបស់កម្ពុជា ដូចជាមាន ជ័យច័ន្ទកេត្យា កូយសូដានី យឹមរាដេត Dr. ពៅរតនា សុទ្ធចន្ថា កុងសូរីតា សូគុន្ធី មនសារួត សុខស៊ីគៀង នឹង ឡាវមីសែល។ ជយោកម្ពុជា។
សូមបញ្ជាក់ថាកញ្ញាឡូរ៉ាម៉មគឺជាអ្នកដែលជួយលើកស្ទួយតម្លៃសិល្បៈខ្មែរតាមរយៈនិពន្ធបទភ្លេងនិងចម្រៀងអូរីហ្ស៊ីនខ្មែរមិនចម្លងដុលពីបរទេស ។ កញ្ញាធ្លាប់ជាទូតសុឆន្ទៈរបស់ក្រុមហ៊ុនរថយន្តផុច(Porsch)ផងដែរ៕