បន្ទាយមានជ័យ ៖ មន្ត្រីគយ ប្រចាំទីលាន ត្រួតពិនិត្យទំនិញ នាំចូលពីថៃ ក្បែរច្រកទ្វារអន្តរជាតិប៉ោយប៉ែត បានធ្វើការឆែកឆេរ រកឃើញឈើគ្រញូង ដែលឈ្មួញលួចនាំចូលពីថៃ តាមច្រកទ្វារអន្តរជាតិប៉ោយប៉ែត បង្កប់ក្រោមស្បែកជើងជជុះ៦ការ៉ុង កាលពីវេលាម៉ោង ជិត១ព្រឹក ថ្ងៃទី១ ខែវិច្ឆិការ ឆ្នាំ២០១៧ហើយបានយកមក បង្ហាញ ជាសាធារណៈឲ្យកាសែតថត នៅរសៀលថ្ងៃដដែល ក្រោមវត្តមាន លោក ហ៊ុយ សុជាតិ ប្រធានការិយាល័យគយ និងរដ្ឋាករច្រកទ្វារអន្តរជាតិប៉ោយប៉ែត ។
ក្រោយធ្វើកំណត់ហេតុ និងថ្លឹងឈើក្រញូងរត់ពន្ធនេះមានចំនួន១៥ដុំ ស្មើនិង១៤១គីឡូក្រាម។ មន្ត្រីជំនាញអះអាងថា ក្រោយធ្វើកំណត់ហេតុរួច នឹងកសាសំណុំរឿង បញ្ជូនទៅសាលាដំបូងខេត្ត ដើម្បីចាត់ការបន្ត។
ទោះជាយ៉ាងណា ជនក្រុមជនសង្ស័យ គ្រាន់តែសមត្តកិច្ចចាប់ផ្តើមរើរទេះក៏ រត់គេចខ្លួនអស់។
មានសេចក្តីរាយការណ៍ថា៖ ជំនួញឈើគ្រញូងពីថៃ ឆ្លងការច្រកទ្វារអន្តរជាតិប៉ោយប៉ែត កើតមានជាយូរមកហើយមិនមែនទើបចាបើបាននេះទេ។ កន្លងទៅថ្មីៗនេះ ក៏មានសេចក្តីរាយការណ៍ថា ខាងភាគិសមត្ថកិច្ចថៃ ប្រចាំច្រកទ្វារអន្តរជាតិខ្លងលឹក ស្រុកអារញ្ញ ឈមទឹកដីកម្ពុជា ច្រកទ្វារអន្តរជាតិប៉ោយប៉ែត ក៏ធ្លាប់ចាប់បានឈើគ្រញូង១រទេះបានចំនួន៨ផ្ទាំងផងដែរ។ប្រជាពលរដ្ឋនិយាយថាជំនួញឈើក្រញូងតាមច្រកអន្តរជាតិប៉ោយប៉ែតយូៗចាប់បានម្តង!៕
