ភ្នំពេញ ៖ ថ្មីៗនេះ គេបានឃើញសង្គ្រាមសារឆ្លងឆ្លើយឌឺគ្នាតាមបណ្តាញសង្គមហ្វេសប៊ុករវាងលោកឧត្តមសេនីយ៍ហ៊ុនម៉ាណែតនិងលោមម៉ែនណាតដែលជាសកម្មជនបក្សប្រឆាំងរស់នៅក្រៅប្រទេស។អ្នកលេងហ្វេកបុកមានគណនីយ៍ហ្វេសប៊ុក ឈ្មោះ ម៉ែន ណាត ដែលមានអាស្រ័យដ្ឋាននៅក្រៅប្រទេសត្រូវបានលោកលោកឧត្តមសេនីយ៍ហ៊ុនម៉ាណែតបុត្រា នាយករដ្ឋមន្ត្រីតេជោហ៊ុនសែនបបួលភ្នាល់គ្នាដាក់លុយ ២០០លានដុល្លារ ឲ្យទៅ លោក ម៉ែន ណាត ទាំងអស់ ប្រសិនបើ រកឃើញភស្តុតាង ថាលាក់លុយ នៅធនាគារមួយឈ្មោះ BNP នៅប្រទេសបារាំង ។
អាខោន ឈ្មោះ Hun Manet បានសសេរសារបង្ហោះនៅថ្ងៃទី៣១តុលានេះថា «ថ្មីៗនេះលោក ម៉ែន ណាត ដែលតាំងខ្លួនជាអ្នកក្លាហានក្នុងការបញ្ចេញពត៌មាននានា បានបង្ហោះព័ត៌មានមួយដែលចោទថា ខ្ញុំមានលាក់លុយ ២០០លានដុល្លា នៅធនាគារមួយឈ្មោះ BNP នៅប្រទេសបារាំង និងបានកំពុងដេញថ្លៃទិញអគារទីស្នាក់ការបក្ស Le Parti Socialiste ដែលគាត់ចោទថាខ្ញុំ ហ៊ានដេញថ្លៃដល់ជាង ៥៨ លានអឺរ៉ូឯណោះផងដែរ »។
លោកហ៊ុនម៉ាណែត បញ្ជាក់ថា នេះមិនមែនជារឿងទីមួយទេ ដែលលោក ម៉ែន ណាត និងក្រុមរបស់គាត់បានប្រឌិតឡើងក្នុងចេតនាមួលបង្កាច់ ញុះញង់ បំផ្លាញកិត្តិយសអ្នកដទៃ ដើម្បីកេងចំណេញនយោបាយ។ក្នុងនាមជាកូនប្រុស ខ្ញុំមិនចង់និយាយអ្វីវែងឆ្ងាយទេ។ ខ្ញុំចង់ភ្នាល់តែម្តងជាមួយលោក ម៉ែន ណាត ដែលបានចោទថាខ្ញុំមានលុយរាប់លានដុល្លាទុកនៅធនាគារបារាំង ហើយនិងកំពុងចូលរួមដេញថ្លៃអគារក្នុងតម្លៃរាប់លានអឺរ៉ូនោះ។ការភ្នាល់នោះគឺ៖ ខ្ញុំផ្តល់រយៈពេល២សប្តាហ៏អោយលោក ម៉ែន ណាត បង្ហាញឯកសារជាភស្តុតាងដែលបញ្ជាក់ថា៖ ១) ខ្ញុំមានលាក់លុយ២០០លានដុល្លានៅធនាគារ BNP នៅបារាំង ២) ខ្ញុំមានឈ្មោះដេញថ្លៃអគារ Le Parti Socialiste ដូចដែលលោកបានចោទ។
ឯកសារទាំងនោះយើងអាចស្នើសុំអោយស្ថានទូតបារាំងនៅកម្ពុជា ឬស្ថានទូតកម្ពុជានៅបារាំង សុំអោយធនាគារ BNP ឬ អ្នករៀបចំដេញថ្លៃ អគារនោះបញ្ជាក់ជាផ្លូវការបាន ថាជាឯកសារពិតឬមិនពិត។
បើលោក ម៉ែន ណាត មានឯកសារដែលបញ្ជាក់ថាខ្ញុំពិតជាមានប្រាក់និងកំពុងដេញថ្លៃអគារដូចដែលលោកចោទប្រកាន់មែន ខ្ញុំហ៊ាន៖១) ប្រគល់លុយទាំងអស់ ដែលលោកចោទខ្ញុំថាមាននោះអោយទៅលោក ២) ខ្ញុំនឹងធ្វើកិច្ចសន្យាជាសាធារណៈថាខ្ញុំនឹងឈប់ប្រឡូកក្នុងនយោបាយអស់មួយជីវិត ។ ប៉ុន្តែបើលោក ម៉ែន ណាត មិន ហ៊ានភ្នាល់ ឬមិនអាចផ្តល់ភស្តុតាងពិតប្រាកដដើម្បីបញ្ជាក់តាមការចោទរបស់លោកទេ ខ្ញុំសុំអោយលោក ម៉ែន ណាត៖ ១) ធ្វើលិខិតសុំទោសខ្ញុំជាសាធារណៈ២) ធ្វើកិច្ចសន្យាជាសាធារណៈថាលោកនឹងឈប់ប្រឡូកក្នុងនយោបាយតាមគ្រប់រូបភាព អស់មួយជីវិត។
ខ្ញុំមិនខ្លាចនឹងភ្នាល់ទេ ព្រោះខ្ញុំគ្មានអ្វីត្រូវលាក់បាំងចំពោះការចោទប្រកាន់របស់លោក ម៉ែន ណាត ទេ។ខ្ញុំសង្ឃឹមថាលោក ម៉ែន ណាត ដែលតាំងខ្លួនជាអ្នកក្លាហាននោះហ៊ានភ្នាល់ជាមួយខ្ញុំដែរ ព្រោះបើតាមអ្វីដែលលោកសរសេរនោះគឺលោកបានអួតថាមានភស្តុតាងអស់ហើយសម្រាប់យកឈ្នះក្នុងការភ្នាល់គ្នានេះ។ ប្រជាពលរដ្ឋជាច្រើនក៏កំពុងរង់ចាំមើលដែរ តើអ្នកក្លាហានដូចលោកហ៊ានទទួលខុសត្រូវចំពោះអ្វីដែលខ្លួនសរសេរឬទេ?។
ខ្ញុំសង្ឃឹមថាលោក ម៉ែន ណាត ពិតជាមានចិត្តជាកូនប្រុស និងមានភាពក្លាហាន ទទួលខុសត្រូវចំពោះការសរសេររបស់ខ្លួន ហើយមិនមែនជាជនកំសាក និងមិនហ៊ានទទួលខុសត្រូវនោះទេ។ខ្ញុំនឹងរង់ចាំចម្លើយលោក ហើយបើលោកមានឯកសារជាភស្តុតាងពិតប្រាកដ សូមបង្ហាញមក។ ឯកសារទាំងនោះយើងអាចស្នើសុំអោយស្ថានទូតបារាំងនៅកម្ពុជា ឬស្ថានទូតកម្ពុជានៅបារាំង សុំអោយធនាគារ BNP ឬ អ្នករៀបចំដេញថ្លៃ អគារនោះបញ្ជាក់ជាផ្លូវការបាន ថាជាឯកសារពិតឬមិនពិតបាន។បើតាមសារលោកឧត្តមសេនីយ៍ហ៊ុនម៉ាណែតអ្នកលេងហ្វេសប៊ុកខ្លះនិយាយថាលោកឧត្តមសេនីយ៍ហ៊ុនម៉ាណែតសឿងមែនហើយថាលោកម៉ែនណាតចូលដល់ផ្លូវទាល់ហើយ(ស៊ិក)។
លោកម៉ែនណាតបានឆ្លើយតបទៅនិងការ សុំភ្នាល់របស់កូនប្រុស ច្បងរបស់ សម្តេចតេជោ ហ៊ុន វិញ ថា ពួកយើងមិនបាច់ភ្នាល់យកឈ្នះចាញ់គ្នាទេ តែចង់ប្រាប់វិញថា ពេលមានការផ្លាស់ប្តូររដ្ឋាភិបាល មានអ្នកដឹកនាំថ្មី យើងនឹងយកឯកសារទាំងនោះមកឲ្យមើលជាក់ជាមិនខានឡើយ ហើយពេលនោះ កុំភ្លេចរឿងភ្នាល់នេះឲ្យសោះ ម៉ាណែត? ។
នៅថ្ងៃទី៣១តុលានេះបន្ទាប់ពី លោក ម៉ែន ណាត បានសសេរ សែក្នុងអាខោនឈ្មោះថា «សុវណ្ណភូមិ ខ្មែរថា ៖ ហ៊ុន ម៉ាណែត និយាយបោកក្មេង ឬបោកអ្នកគាំទ្រឲ្យជឿព្រោះពួកគេខ្វះការពិចារណា។
១. ត្រូវយល់ថា ការភ្នាល់នេះ គឺជារឿងមិនអាចកើតឡើង ព្រោះ ហ៊ុន ម៉ាណែត ដឹងថា លោក ម៉ែន ណាត មិនអាចធ្វើបាន។
២. ការរក ឬស្នើសុំឯកសារណាមួយពីស្ថានទូត ទាក់ទងនឹងធនាគារប្រទេសណាមួយ ឬអន្តរជាតិណាមួយ អាចធ្វើទៅបានលុះត្រាតែរដ្ឋាភិបាលជាអ្នកធ្វើ មានបណ្តឹង មានបញ្ហាច្បាស់លាស់ដែលអាចជាការគំរាម ជាការបង្កហានិភ័យឬរំលោភច្បាប់អ្វីមួយ ទើបអាចធ្វើទៅបាន។
ពោលមិនមែនអ្នកណា ក៏អាចសរសេរទៅស្នើសុំបាននោះទេ។ បើអ្នកណាៗក៏អាចសរសេរទៅស្នើសុំមើលបាន តើមុខរបរកស៊ីរបស់គេទៅជាយ៉ាងណា? តើច្បាប់ប្រទេសគេការពារអ្នករកស៊ីមានន័យស្អី? តើទំនុកចិត្តអតិថិជនឲ្យជឿស្អី? និយាយរួមមិនបាច់ដល់បារាំងទេ ត្រឹមស្រុកខ្មែរ ខ្មែរដូចគ្នា តើយើងអាចសុំមើលកុងធនាគារនណាម្នាក់បានទេ? គ្មានផ្លូវទេ។ ដូច្នេះកុំនិយាយទាំងងងើលបែបនេះ ម៉ាណែត។ តែចង់ប្រាប់វិញថា ពេលមានការផ្លាស់ប្តូររដ្ឋាភិបាល មានអ្នកដឹកនាំថ្មី យើងនឹងយកឯកសារទាំងនោះមកឲ្យមើលជាក់ជាមិនខានឡើយ ហើយពេលនោះ កុំភ្លេចរឿងភ្នាល់នេះឲ្យសោះ ម៉ាណែត?»។
សូមរំលឹកថា កូនប្រុស ច្បងសម្តេច តេជោ នាយករដ្ឋមន្ត្រីលោក ហ៊ុន ម៉ាណែត បានប្រកាសភ្នាល់ ការប្រកាសភ្នាល់របស់កូនប្រុស ច្បងរបស់ សម្តេច តេជោ បានធ្វើឡើង បន្ទាប់ពីអ្នកលេងហ្វេកបុក ម្នាក់ ឈ្មោះ ម៉ែន ណាត បាន ចោទ លោក ហ៊ុនម៉ាណែត លាក់លុយ ២០០លានដុល្លា នៅធនាគារមួយឈ្មោះ BNP នៅប្រទេសបារាំង និងបានកំពុងដេញថ្លៃទិញអគារទីស្នាក់ការបក្ស Le Parti Socialiste ដែលគាត់ចោទថាខ្ញុំ ហ៊ានដេញថ្លៃដល់ជាង ៥៨ លានអឺរ៉ូឯណោះផងដែរ។
ផ្ដល់បទសម្ភាសន៍ជាមួយសារព័ត៌មាន លោក ផៃ ស៊ីផាន អ្នកនាំពាក្យរាជរដ្ឋាភិបាលបានបញ្ជាក់ ថា “យើងមិនដែលចាប់អារម្មណ៍ទៅនឹងការរិះគន់នេះទេ ប៉ុន្តែយើងសុំបំភ្លឺសាធារណជនថា លោក ហ៊ុន ម៉ាណែត កូនប្រុសច្បងនាយករដ្ឋមន្ត្រីកម្ពុជា គ្មានលុយឯណារាប់រយលានដុល្លារទៅដាក់នៅក្រៅប្រទេសទេ… ក្នុងនាមអ្នកនាំពាក្យរដ្ឋាភិបាល ករណីនេះ ជារឿងបរិហារកេរ្តិ៍សាធារណៈសុទ្ធសាធ គ្មានភស្តុតាងច្បាស់លាស់ ”។
លោក ផៃ ស៊ីផាន បន្ថែមថា លោក ហ៊ុន ម៉ាណែត មានតែការងារមនុស្សធម៌ ដែលលោកត្រូវគិតគូរ ហើយថ្មីៗនេះ សម្តេចនាយករដ្ឋមន្ត្រី ក៏ធ្លាប់បដិសេធហើយថា គ្រួសារសម្ដេចគ្មានលុយឯណារាប់រយលានដុល្លារទៅដាក់នៅក្រៅប្រទេសទេ ។
ហ្វេសប៊ុកលោកម៉ែនណាតសសេរពីការបែកធ្លាយថា ហ៊ុន ម៉ាណែត មានឈ្មោះនៅក្នុងបញ្ជីដេញថ្លៃ អគារគណបក្សប្រជាធិបតេយ្យសង្គម (Le Parti socialiste) ក្នុងទឹកប្រាក់ប្រមាណ ៥៧ លានអឺរ៉ូ កាលពីខែកញ្ញា ២០១៧។ រហូតមកដល់ពេលនេះ ហ៊ុន ម៉ាណែត ហ៊ានដេញថ្លៃកើនឡើង នូវទឹកប្រាក់ ៥៨,៥ លានអឺរ៉ូហើយ។ អគារនេះ បានដាក់ឲ្យដេញថ្លៃ កាលពីខែកញ្ញា ឆ្នាំ២០១៧ ដែលមានតម្លៃចន្លោះពី ៤០លានអឺរ៉ូ ទៅ៧០លានអឺរ៉ូ ។
សំណេរក្នុងហ្វេសប៊ុកដដែល បានសរសេរទៀតថា អគារ Le Parti socialiste គឺជាទីស្នាក់ការកណ្តាលគណបក្ស របស់អតីតប្រធានាធិបតី François Hollande ស្ថិតនៅផ្លូវ rue de Solférino សង្កាត់ទី៧ ទីក្រុងប៉ារីស (7e arrondissement de Paris) ដែលមានទំហំ៣០០០ម៉ែត្រការ៉េ។ (កាសែតឡឺម៉ុងដ៍ Le Monde, ចំណងជើង៖ Le Parti socialiste va mettre en vente son siège rue de Solférino, 09-9-2017)។