បន្ទាយមានជ័យ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានចេញមុខបការពារលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាមានជ័យ ដែលរងបណ្តឹងពីកូនចៅដែលជានាយការិយាល័យបុគ្គលិកនៃស្នងការដ្ឋាននគរបាលខេត្ត ។ នៅសាលមហោស្រពសង្កែនាក្រុង-ខេត្តបាត់ដំបង នៅក្នុងឱកាសអញ្ជើញជាអធិបតីក្នុងពិធី ប្រកាសចូលកាន់តំណែង លោក ងួន រតនៈ ជាអភិបាលខេត្តបាត់ដំបង និងអភិបាលរងរូបទៀតនៃខេត្តបាត់ដំបង និងលោក ច័ន្ទ សុផល ទៅជាទីប្រឹក្សារាជរដ្ឋាភិបាល វិញកាលពីព្រឹកថ្ងៃទី២០ខែតុលា ឆ្នាំ២០១៧សម្តេចក្រឡាហោមបានថ្លែងថា : ” សម្តេចបានដឹងហើយរឿងស្នងការខេត្តបន្ទាយមានជ័យដែល ត្រូវបានព័ត៌មាន និងហ្វេសប៊ុកចុះផ្សាយជាបន្តបន្ទាប់នោះ ។ តែអ្វីៗមិនដូចហ្នុងទេ!!! “។ បើចឹងមែនបានសេចក្តីថាអ្នកប្តឹងរងារប៉ាដោយ!
នៅឯខេត្តបន្ទាយមានជ័យវិញ ខណៈនេះ មានមន្ត្រីជាន់ខ្ពស់អធិការកិច្ច២រូបគឺរបស់ក្រសួងមហាផ្ទៃ ១និងអគ្គស្នងការដ្ឋាននគរបាលជាតិ១ បានបញ្ចប់បេសសកម្មអធិការកិច្ចស្រាវជ្រាវនៅស្នងការដ្ឋាននគរបាលខេត្តបន្ទាយមានជ័យកាលពីថ្ងៃទី១៨-១៩ខែតុលាឆ្នាំ២០១៧កន្លងទៅនេះ ពី ករណីលោកវរសេនីយ៍ ម៉ក់ ឧត្តម នាយការិយាល័យបុគ្គលិកនៃស្នងការដ្ឋាននគរបាលខេត្តបន្ទាយមានជ័យដែលបានប្តឹងលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យទៅកាន់ក្រសួងមហាផ្ទៃនិងក៏ទៅកាន់អគ្គស្នងការនគរបាលជាតិផងកាលពីថ្មីៗនេះ។
បណ្តឹងនោះមានកម្មវត្ថុចោទប្រកាន់លើប្រសិទ្ធភាពពីឥរិយាបថ លក្ខណ:សម្បត្តិនៃការដឹកនាំរបស់លោកស្នងការ អាត់ ខែម ដែលមិនត្រឹមត្រូវ មិនអាចទទួលយកបាននិងស្នើរកយុត្តិធម៌ ។ លោកវរសេនីយ៍ ជា ពិសិដ្ឋ នាយការិយាល័យបណ្តុះបណ្តាល និងជានាយការិយាល័យស្តីទីការិយាល័យបុគ្គលិក រងផែនធនធានមនុស្សនៃស្នងការដ្ឋាននគរបាលខេត្តបន្ទាយមានជ័យអោយដឹងfថា៖
កាលពីថ្ងៃទី១៩តុលាថា:អធិការកិច្ចក្រសួងមហាផ្ទៃនិងអគ្គស្នងការដ្ឋាននគរបាលជាតិនោះបានកោះហៅនាយការិយាល័យជំនាញទាំង២៨ការិយាល័យ ចំណុះ ,លោកលោកស្រីស្នងការរងទាំង៩ផែន (និងអធិការទាំង៩ស្រុកក្រុង)មកសាលសាលាខេត្តកាលពីថ្ងៃទី១៨-១៩តុលា ដើម្បីសួរបំភ្លឺ ដើម្បីដាក់ឬដកបន្ទុកលើបណ្តឹងចំពោះលោកស្នងការថាតើពួកគេពិតជាថ្នាំងថ្នាក់នឹងចរឹត ឥរិយាបថដឹកនាំរបស់លោកស្នងការមែនអត់ ?។
នៅថ្ងៃទី១៨-១៩ តុលា ក៏មានបណ្តាញសង្គមហ្វេសប៊ុកមួយចំនួនរួមទាំង គណនីឈ្មោះ Better Man ផងបានផុសពីសកម្មភាពមន្ត្រីអធិការកិច្ចក្រសួងមហាផ្ទៃ អធិការកិច្ចអគ្គស្នងការនគរបាលជាតិចុះស្រាវជ្រាវបណ្តឹងប្តឹងលោកស្នងការ ,ផុសពីករណីពីលិខិតកាត់ក្បាល កាត់កន្ទុយ ដែលជាបណ្តឹងប្រឆាំងលោកស្នងការ..ផុសថា មានមន្ត្រីនគរបាលត្រៀមធ្វើបាតុកម្មតវ៉ានៅមុខស្នងការដ្ឋាននគរបាលខេត្តបន្ទាយមានជ័យ(នៅភូមិក្បាលស្ពានសង្កាត់ព្រះពន្លាក្រុងសិរីសោភ័ណ) ករណីអំពើអយុត្តិធម៍របស់លោកស្នងការជាដើម។
ក៏មានហ្វេសប៊ុក ,សារព៍ត័មានក្នុងស្រុកមួយចំនួនបានផ្សាយក្នុងន័យស្រដៀងគ្នានោះ ហើយក៏មានការបរិហាររិះគន់ពីភាពមិនប្រក្រតីលោកស្នងការជាមួយកូន ក្មួយ តាំងពីក្នុងការងារនគរបាល ការងារឯកជននិងរបររកស៊ី។ល។និង។ល។
ហ្វេសប៊ុកខ្លះ បានផុសខ្លឹមសារ ថា៖កម្មវត្ថុរបាយការណ៍ស្តីពីកម្លាំងតាមវរ:សេនាតូចនានាការពារព្រំដែនគោក និងអធិការដ្ឋានស្រុកក្រុងនាំគ្នា តវ៉ា មិនអាចទទួលយកបានចំពោះការដឹកនាំរបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបីជំនាន់។ ទន្ទឹមនិងនេះ មានលិខិតកំបុតមួយបានសរសេរថា៖នៅថ្ងៃទី១៧សីហា ២០១៧ កន្លងមក ក្រោយពីទទួលបានព័ត៌មានផ្ទុះការតវ៉ាលើប្រសិទ្ធិភាពដឹកនាំរបស់ លោកស្នងការ ដូចតទៅ៖
ទី០១ មិនគាំទ្រការប្រើប្រាស់កម្លាំងគ្មានពេលសម្រាក ខុសជំនាញ និងមិនចំទិសដៅ គ្មានផែនការ។ទី០២ គ្មានអង្ករឬប្រាក់ឧបត្ថម្ភ ពេលកម្លាំងចុះយាមតាមគោលដៅនានាដើម្បីការពារសន្តិសុខជូនពលរដ្ឋ។ទី០៣ កាត់របបសម្លៀកបំពាក់ហើយ គម្រាមមិនឲ្យ កម្លាំងតវ៉ា។ទី០៤ គាបសង្កត់កងកម្លាំង រៃអង្គាសថវិកាចូលរួមជាមួយសកម្មភាពបក្សនយោបាយ គ្មានគោលការណ៏ គ្មានបញ្ជីរស្នាមច្បាស់លាស់ ។ រាល់ប្រាក់ចូលឧបត្ថម្ភ តែគ្មានលិខិតថ្លែងអំណរគុណ ឬសរសើរ។
ទី០៥ ពេលមានឧប្បត្តិហេតុ គ្រោះធម្មជាតិបញ្ជារអោយកងកម្លាំងចេញកម្លាំងធ្វើហើយ ចេញលុយខ្លួនឯងទៀត។ទី៦-ប្រើប្រាស់កម្លាំងដោយបង្ខំ សំដីអសុរស គ្មានគុណធម៌ គ្មានលើកទឹកទឹកចិត្ត ផ្តល់កម្លាំងចិត្តមានតែស្តីបន្ទោសជេរស្តី។ទី៧ ដោះដូរកម្លាំងតាមនឹកឃើញ គិតតែផលប្រយោជន៏ផ្ទាល់ខ្លួន បក្ខពួកកូនក្មួយ។បើកដៃឲ្យកូនក្មួយរកសុីល្មើស នាំឡានម៉ូតូទំនិញគេចពន្ធពីថៃមកកម្ពុជា ។ បំបាក់ស្មារតីមន្ត្រីថ្នាក់ក្រោមឱវាទ ដោយវិធី បកសក្តិ ដេញចោលដាក់វិន័យ និងដកបញ្ឈជើង ប្តូរកន្លែងជាដើម។ ទី០៨ មិនយកចិត្តទុកដាក់លើសុខទុក្ខ ជីវភាពជម្រកស្នាក់នៅរបស់កងកម្លាំង (មិនដូចអង្គភាព កងកម្លាំងផ្សេង)។ទី០៩ បទបញ្ជារលោកស្នងការ លោកមិនដែលទទួលខុសត្រូវ ទុកអោយកម្លាំងប្រឈមបញ្ហានានា ផ្លូវច្បាប់ ហើយដោះស្រាយខ្លួនឯង។ល។
ដូច្នេះសូមលោកនាយឧត្តមសេនីយ៍ មេត្តាជ្រាបនិងចុះដោះស្រាយជាបន្ទាន់។ព្រោះនៅក្នុងស្នងការដ្ឋានខេត្តបន្ទាយមានជ័យ សព្វថ្ងៃដាក់សុទ្ធតែបក្ខពួក កូន ក្មួយ សាច់ញាតិ របស់លោកអាត់ ខែម ហើយកន្លងមកមានដល់ស្នើតែងតាំង ដំឡើងស័ក្តិមន្ត្រីនគរបាលដល់ជាង៧០នាក់ ដោយមិនបានឆ្លងបញ្ជារលោកស្នងការទៀត។ ករណីនោះហើយ ដែលនាំឲ្យលោកស្នងការអាត់ខែម បានប្រជុំគណ:ដឹកនាំស្នងការដ្ឋានស្នើផ្លាស់ប្តូរតំណែងឈ្មោះ ម៉ក់ ឧត្តម ពីនាយការិយាល័យបុគ្គលិកទៅនាយការិយាល័យផ្សេងចំណុះស្នងការដ្ឋានដដែល តែយ៉ាងនេះក្តីនៅថ្ងៃទី២៤តុលា២០១៧នេះយើងមិនទាន់បានស៊ំឲ្យលោក ម៉ក់ ឧត្តម បាននៅឡើយទេ ។
ចំណែក លោកវរសេនីយ៏ ឯក សូ ចាន់ណា រី មេបញ្ជាការនគរបាលការពារព្រដែនគោកវរសេនាតូចលេខ ៩១១ ដែលមានបញ្ហាមិនប្រក្រតីមួយចំនួនលើការដឹកនាំ ក៏ត្រូវលោកស្នងការខេត្តបន្ទាយមានជ័យ ស្នើផ្លាស់ប្តូរទៅជាមេបញ្ជាការនគរបាលការពារព្រំដែនគោកវរសេនាតូចលេខ៨០៧ វិញនិងស្នើឲ្យលោកវរសេនីយ៍ ឯក ឡុង សំណាង ជាមេវរ:៨០៧មកធ្វើជាមេវរ:៩១១ វិញ។មូលហេតុនៃការផ្លាស់ប្តូរនេះអាចមកពីលោក ស្នងការសង្ស័យលើ លោកវរសេនីយ៍ឯក សូ ចាន់ណារីថា ជាអ្នកនៅពីក្រោយបណ្តឹងមួយកាលពីខែកក្កដា២០១៧ ដែលប្តឹងថា លោកឧត្តមសេនីយ៍ទោ អាត់ ខែម មានបញ្ហាលើភាពគ្មានគុណតម្លៃលក្ខណ:ថ្នាក់ដឹកនាំដោយថាលោកបានប្រមាថ លោកនាយឧត្តមសេនីយ៍ ខេងសាមេតអគ្គស្នងការរងនគរបាលទទួលទិស នគរបាលភូមិភាគិ៤និង៥ ។
ប៉ុន្តែពេលអធិការកិច្ចមួយដឹកនាំដោយឧត្តមសេនីយ៍ ហ៊ូ សុគុណ បានចុះស្រាវជ្រាវបណ្តឹងនោះ ដោយសួរលោកស្នងការរង លោកមេបញ្ជាការ /រង នាយនគរបាលវរ:ការពារព្រំដែនទាំង០៤វរៈគេរកមិនបានការគាំទ្រការចោទប្រកាន់នោះទេផ្ទៃរឿងរ៉ាវក៏ស្ងាត់ធម្មតាវិញទៅ។អ្នកខ្លះនិយាយថាបើក្រុមអធិការកិច្ចហៅសួរចំហរចឹងអាណាហ៊ាននិយាយអី!?។
តែយ៉ាងណាសម្តេចក្រឡាហោមសខេងលោកបានចេញមុខការពារលោកស្នងការអាត់ខែមរួចហើយគ្មានអាណាណាធើអីបានឡើយ។អ្វីដែលត្រូវព្រួយបន្តមិនដឹងថាតើជោគវាសនាអ្នកប្តឹងនោះទៅជាយ៉ាងណានោះឡើយ។ចាំមើលមើលនៅស្រុករំដួលមានអីប្លែកទៀត!!៕