ខេត្តរតនគិរី ៖ ជំនួញឈើប្រណីតខុសច្បាប់ នៅខេត្តរតនគីរី បានកក្រើកវិញហើយគឺឈ្មួញបានដឹកជញ្ជូនតាមច្រកទ្វារអន្តរជាតិអូរយ៉ាដាវរបស់លោកអ៊ីចំរើន យកទៅលក់នៅប្រទេសវៀតណាម យ៉ាងរលូនតាមរថយន្ត កាមរីបាឡែន ម៉ាកធុនត្រា ព្រមទាំងរថយន្ត សាំយ៉ុង គឺមិនមានសមត្ថកិច្ចណាបង្ក្រាបសោះឡើយបើទោះជាមានកុងត្រូលរាប់សឹបតាមផ្លូវក៏ដោយ ។
ប្រភពពីមន្ត្រី មូលដ្ឋាននៅស្រុកអូរយ៉ាដាវ បានអោយដឹងថា ប៉ុន្មានថ្ងៃនេះមេឈ្មួញឈើល្បីឈ្មោះ ហូរ ជីវ៉ៃ មានខ្នងបង្អែកជាមេសមត្ថកិច្ចខេត្តរតនគីរី បានដឹកជញ្ជូនឈើប្រណិតខុសច្បាប់ ក្នុង១យប់ពី២០គ្រឿង ទៅ៣០គ្រឿង ចេញទៅលក់នៅស្រុកយួនតាម ច្រកអូយ៉ាដាវ មិនមានសមត្ថកិច្ចណារារាំង ឡើយ។
ប្រភពខាងលើនិយាយថា៖ ឈ្មោះ ហូរ ជីវ៉ៃ មិនមែនធ្វើម្នាក់ឯងទេគឺ មានដៃគូរបស់មួយទៀតជាមេសមត្ថកិច្ចប្រដាប់អាវុធ ហើយពួកគេយកលុយញ៉ុកមាត់បុគ្គលអាជ្ញាធរឬសមត្ថកិច្ចជំនាញតាមដងផ្លូវរួចរាល់ហើយ។
សូមបញ្ជាក់ថាបើតាមប្រជាពលរដ្ឋដឹកទំនិញតាមច្រកអូរយ៉ាដាវលើផ្លូវជាតិលេខ(៧៨)បានឲ្យដឹងថា សមត្ថកិច្ចមួយចំនួនបានដាក់កង់ត្រូលឯជុះច្រើនកន្លែងចតរថយន្ដនិងចងអង្រឹង ចាំជំរិតទាលុយពីពួកអ្នកដឹកទំនិញទាំងយប់ទាំងថ្ងៃយ៉ាងអាណាធិបតេយ្យ។-នៅយប់ថ្ងៃទី២២ ចូលថ្ងៃទី២៣ខែតុលាឆ្នាំ២០១៧នេះប្រជាពលរដ្ឋបានរាយការណ៍ថា នៅតាមផ្លូវជាតិ(លេខ៧៨) មានសមត្ថកិច្ចដាក់កង់ត្រូលជជុះស្ទាក់ឃាត់រថយន្ដយកលុយយ៉ាងអាណាធិបតេយ្យ ។
យោងតាមប្រភពចេញពីផ្ទៃក្នងសមត្ថកិច្ចបានបង្ហើបឲ្យដឹងថា ចាប់ពីចំនុចអូរត្រាវដល់ច្រកព្រុំដែនអន្តជាតិ អូរយ៉ាដាវមាន កុងត្រូលជជុះប្រហែល២០កន្លែង។
ប្រភពដដែលបានបង្ហើបបន្តទៀតថា កង់ត្រូលជជុះភាកច្រើនមានពេលយប់ ពួកគេបានយកលុយពីអ្នកដឹកទំនិញគេចពន្ធ័និងយកលុយពីអ្នកម៉ូតូដឹកឈើប្រណិតឆ្លងដែនទៅវៀតណាមយ៉ាងអាណាធិបតេយ្យ មិនខ្លាចច្បាប់ អនុវត្តិផ្ទុយទៅហ្នឹងបទបញ្ជារបស់រដ្ឋាភិបាល។
ដោយឡែកប្រជាពលរដ្ឋរស់តាមមានទីលំនៅដងផ្លូវ និងអ្នកដឹកទំនិញបានប្រាប់ ថា ពួកគាត់មានការព្រួយបារម្មរណ៍យ៉ាងខ្លាំងដោយពួកគាត់ភ័យខ្លាច នៅពេលយប់សមត្ថកិច្ចទាំងនោះ វាសភ្លើងពិលឆ្វេកឆ្បាចស្រែកឲ្យអ្នកបើករថយន្ដដឹកទំនិញឈប់បង់លុយឲ្យពួកគេ ជួនកាលបើករថយន្ដប្រដេញរថយន្ដដឹកទំនិញយកលុយថែមទៀតផង។
បញ្ហានេះប្រជាពលរដ្ឋសូមសុំនូមពរ លោកថង សាវុនចៅហ្វាងខេត្តរតនគីរីមេត្តាស៊ើបអង្កេតទប់ស្កាត់ករណីកង់ជជុះខាងលើនេះផងព្រោះវាអត់ប្រយោជន៍ដោយសារដេកចាំតែទារលុយបទល្មើសមិនដែលឃើញបង្ក្រាបឡើយ។ជាក់ស្តែងម៉ូតូឡានដឹកឈើពិសេសក្បួនឡានឈើម្សៀហូជីវ៉ៃទៅយ៉ាងគគ្រឹកទៅដោយរលូន!។
