ខេត្តកំពង់ឆ្នាំង ៖ ប្រជាពលរដ្ឋជាច្រើនគ្រួសារ រស់នៅភូមិជរ ឃុំប្រស្នឹប ស្រុករលាប្អៀរខេត្តកំពង់ឆ្នាំង បានប្រតិកម្មនិងធ្វើការតវ៉ា ដោយចោទប្រកាន់ថា មេបញ្ជារការយោធាយោធភូមិភាគពិសេសនិងមេបញ្ជាការយោធាតំបន់អភិវឌ្ឍន៍ព្រៃខៀវដែលមានលោកឧត្តមសេនីយ៍ត្រីហេង សុផលជាមេបញ្ជាការនិងបក្ខពួកឈ្មោះគង់ សារិន(ហៅចយ)បានបំពារបំពាន រំលោភយកដីរបស់គាត់ជិត១០០ហិកតា នៅចំណុចឆ្មារមែវនិងចំណុចព្រែកជីក ស្ថិតក្នុងភូមិចំបក់ប្រសាទ ឃុំក្រាំងស្គា ស្រុកទឹកផុសនិងភូមិជរ ឃុំប្រស្និបស្រុករលាប្អៀរ ដែលពួកគាត់កាន់កាប់តាំងពីឆ្នាំ១៩៨៩មកម្លេះ ។
ករណីនេះពួកគាត់កើតទុក្ខមិនសុខចិត្ត បានដាក់ពាក្យបណ្តឹងប្តឹងទាស់ ទៅនឹងសេចក្តីជូនដំណឹងស្តីពីការបិទផ្សាយឯកសារជាសាធារណៈនូវការវិនិច្ឆ័យដីធ្លីរបស់សាលាស្រុកទឹកផុស ចុះថ្ងៃទី៣ ខែតុលា ឆ្នាំ២០១៧ ។
ប្រជាពលរដ្ឋទាំងនោះបានលើកឡើងថា នៅឆ្នាំ១៩៨៩ ពួកគាត់ចំនួន១១គ្រួសារ រស់នៅភូមិជរបានកាន់កាប់អាស្រ័យផលលើដីនៅចំណុចឆ្មាមែវ និងចំណុចព្រែកជីកជិតកសិដ្ឋានដាំចំការរបស់យោធាតំបន់អភិវឌ្ឍព្រៃខៀវ ដែលកាលណោះជាដីរបស់ពួកគាត់នៅភូមិជរ ឃុំប្រស្នឹប ស្រុករលាប្អៀរ ចំនួនជាង៩០ហិកតានៅឡើយ ក្រោយមកក៏បានកាត់ដីនៅចំណុចឆ្មាម៉េវនេះទៅភូមិចំបក់ប្រសាទ ឃុំក្រាំងស្គារវិញ។ ហើយក្រោយមករដ្ឋបានកាត់ដីនេះទៅអោយក្រុមហ៊ុនភាភីម៉ិច ។ លុះដល់អំឡុងឆ្នាំ២០០៤ រដ្ឋក៏បានដកដីនោះពីក្រុមហ៊ុនភាភីម៉ិចមកប្រគល់អោយពួកគាត់វិញប៉ុន្តែនៅឆ្នាំ២០១៦ត្រូវបាឧយោធាតំបន់អភិវឌ្ឍន៍ព្រៃខៀវយកគ្រឿងចក្រមកឈូសឆាយរំលោភយកដីពួកគាត់នៅចណុខាងលើនេះតែម្ដង សព្វថ្ងៃត្រូវបានគេចែកគ្នាកាន់កាប់លើដីនេះអស់ទៅហើយ ហើយអ្នកដែលកាន់កាប់ដីនោះសុទ្ធតែជានាយទាហ៊ានជាន់ខ្ពស់ពាក់សុទ្ធតែផ្កាយព្រោងព្រាតទៀតផង។ខ្លះមិនមានឈ្មោះនៅក្នុងអង្គភាពនោះផងក៏មានដីនៅទីនោះដែរ។
ពាក់ព័ន្ធនិងការចោទប្រកាន់ពីប្រជាពល់រដ្ឋខាងលើ លោកហេង សុផលបានអញអាងថា ប្រជាពលរដ្ឋនៅភជរអះអាងថាដីនៅចំណុខាងលើជាដីរបស់ពួគាត់ ប៉ុន្តែមិនមានឯកសាបញ្ជាក់កម្មសិទ្ធនិងមិនមានភ័ស្ដុតាងស្រែភ្លឺឬដំណាំអ្វីជាសំអាងសូម្បីដើមស្វាយឬស្វាយចន្ទី១ដើមក៏គ្មានដែរ។ ប៉ុន្តែប្រជាពលរដ្ឋថាភ័ស្ដុតាងមានត្រឹមត្រូវ តែត្រូវទាហ៊ានយកគ្រឿងចក្រឈូសឆាយចោលអស់ហើយសូម្បីបង្គោលព្រំដីក៏គេមិនទុកដែរ ៕
