ភ្នំពេញ៖ លោកស្រី ម៉ែន សំអន បានបញ្ជាក់ថា ៖ សន្តិភាព មិនអាចកើតឡើងដោយឯកឯងនោះទេ ប្រសិនបើ គ្មានការដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជា ប្រជាពលរដ្ឋ កសិករ,ពលករ,កម្មករ,កម្មការនីកម្ពុជា គ្រប់រូបមានការងារ ធ្វើមានសិទ្ធសេរីភាពគ្រប់គ្រាន់ តាមលទ្ធិប្រជាធិបតេយ្យ ក៏ដោយសារមានការដឹកនាំរបស់ សម្តេចតេជោហ៊ុន សែន ជាប្រមុខសម្ដេបានដឹកនាំប្រទេសឈានទៅរកសន្តិភាពពេញលេញ និងមានការរីកចំរើនលើគ្រប់វិស័យ ក្នុងនោះរួមមាន ទាំងវិស័យ ពុទ្ធចក្រ និងអាណាចក្រ ។
លោកស្រីឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បាន បញ្ជាក់បែបនេះ តាមរយៈអ្នកនាំពាក្យ លោកចាប សុថារិទ្ធ នាយកខុទ្ទការល័យលោកស្រី នៅអាកាសយានដ្ឋានអន្ដរជាតិភ្នំពេញ កាលពីព្រឹកថ្ងៃទី២១ តុលា ឆ្នាំ២០១៧ ខណៈ លោកស្រី ម៉ែន សំអន ដឹកនាំក្រុមទី៥របស់គណៈប្រភូ ក្រសួងអធិការកិច្ច រដ្ឋសភា និងអាជ្ញាធរខេត្ដ ,ក្រុងចំនួន១៥ រូប ទៅជួបសំណេះសំណាល ជាមួយកម្មករ, ពលករ ,កម្មការរិនីកម្ពុជា ដើម្បីផ្ដល់ការលើកទឹកចិត្ដ ដែលកំពុងធ្វើការ តាមបណ្ដារោងចក្រ សហគ្រាស នៅខេត្ដឈុនបុរី ប្រទេសថៃ ចំនួន៣០០០នាក់ ។
លោក ចាប សុថារិទ្ធ បានបញ្ជាក់ថា៖ នៅក្នុងឱកាសជួបសួរសុខទុក្ខកម្មករខ្មែរធ្វើការនៅរោងចក្រសាច់មាន់ លោក ស្រីឧបនាយករដ្ឋមន្ត្រី ម៉ែន សំអន និងនាំយកនូវការផ្តាំផ្ញើសួតសុខទុ ក្ខពីសំណាក់សម្តេចអគ្គមហាសេនាបតីតេ ជោ ហ៊ុន សែននាយករដ្ឋមន្ត្រី ជូនដល់កម្មករទាំងអស់បំរើការនៅទីនោះ ។
នាឱកាសនោះដែរលោកស្រី ឧបនាយករដ្ឋមន្ត្រី ក៏សន្យាជួយកម្មករកម្ពុជា នៅពេលបំពេញការងារ ពេល ជួបកាលំបាក លោកស្រី និងក្រុមគណៈកម្មាធិការថ្នាក់ក្រសួង និងចុះជួយគ្រប់ពេល ។ បច្ចុប្បន្ននេះរាជរដ្ឋាភិបាលបានបង្កើតក្រុមការងារចំនួន៥ក្រុមសម្រាប់ចុះដោះស្រាយបញ្ហាលំបាកនៅពេលកម្មករជួបប្រទះបញ្ហាលំបាកពេលធ្វើ ការនៅ គ្រប់ប្រទេស មិនតែនៅប្រទេសថៃនោះទេ ៕