ភ្នំពេញ៖ ទីតាំងវេចខ្ចប់ មីសួគ្មាន អនាម័យ មួយកន្លែង ស្ថិតនៅផ្ទះលេខ៧៩a ផ្លូវ១៦៨ សង្កាត់ទឹកល្អក ទី៣ ខណ្ឌទួលគោក រាជធានីភ្នំពេញ ត្រូវបានគណៈ កម្មាធិការ ប្រយុទ្ធប្រឆាំងផលិតផលក្លែងក្លាយ ចុះត្រួតពិនិត្យ ឃើញថា ផលិតគ្មានគុណភាព និងគ្មានអនាម័យ ស្របតាមស្ដង់ដារ ដែលធ្វើឲ្យខួចសុខភាព ប្រជាពលរដ្ឋ នៅពេលបងប្អូប ទិញយកទៅពិសារ ។
ក្រោយពីពិនិត្យឃើញថាគ្មានអនាម័យ និងគ្មានគុណភាពរួចហើយ គណៈកម្មាធិការក៏បានហៅម្ចាស់ សិប្បកម្ម ខាងលើ យកមកអប់រំ និងធ្វើកិច្ចសន្យា លើកទី១ ប្រសិនបើនៅតែប្រព្រឹទ្ធ ផលិតបែបនេះ ទៀត និងមានទោសតាមច្បាប់ ។ នេះបើតាមការ បញ្ជាក់ឲ្យដឹងពី លោកឧត្ដមសេនីត្រី ទូច យុទ្ធា អនុប្រធាន លេខាធិការដ្ឋានប្រយុទ្ធប្រឆាំងផលិតផលក្លែងក្លាយ រួមជាមួយលោកងិន ពេជ្រ ព្រះរាអាជ្ញារងអមសាលាដំបូងរាជធានីភ្នំពេញ ក្នុងឱកាសដឹកនាំ សមត្ថកិច្ចចំរុះ ចុះពិនិត្យទីតាំងផលិតមីសួ ខាងលើ កាលពីថ្ងៃទី ២០ តុលា ឆ្នាំ២០១៧ ។
សូមបញ្ឫក់ថា ៖ សមត្ថកិច្ចបានយក មីសួទាំង នោះ ដើម្បីយកទៅពិនិត្យ នៅមន្ទីរពិសោធន៏ ប្រសិនបើឃើញថា មានជាតិគីមីនោះ ម្ចាស់សិប្បកម្មមួយកន្លែងនេះ នឹងត្រូវឃាត់ខ្លួនដើម្បីយកទៅឲ្យធ្វើកិច្ចសន្យា បន្ទាប់មកផាកពិន័យ និងអនុវត្តតាមច្បាប់ ផងដែរ ៕