ខេត្តមណ្ឌលគិរី៖ រថយន្តសាំយ៉ុងបង្កប់ដឹកឈើប្រណិតខុសច្បាប់ ត្រូវបានមន្ត្រីជំនាញ នៃមន្ទីរបរិស្ថានបង្ក្រាប នៅព្រឹកថ្ងៃទី១៨ ខែតុលា ឆ្នាំ២០១៧នេះ នៅលើដងផ្លូវជាតិលេខ76Aស្ថិតនៅក្នុងឃុំសែនមនោរម្យ ស្រុកអូររាំង ខេត្តមណ្ឌលគិរី។ មន្ត្រីជំនាញនៃមន្ទីរបរិស្ថានខេត្តមណ្ឌលគិរី បានឃាត់រថយន្តសាំយ៉ុងមួយគ្រឿង ធ្វើការឆែកឆេក៏ប្រទះឃើញឈើប្រណិត បង្កប់នៅក្នុងរថយន្តជាច្រើនដុំ មន្ត្រីជំនាញបាននាំយកមករក្សាទុកនៅមន្ទីបរិស្ថានខេត្តមណ្ឌលគិរី ដើម្បីចាត់ការទៅតាមនិតិវិធីនៃច្បាប់។
រថយន្តសាំយ៉ុងខាងលើព័ណសំបកឳឡឹក ពាក់ស្លាកលេខៈភ្នំពេញ2W-9154 ដោយលួចបង្កប់ឈើប្រណិតប្រភេទឈើធ្នង់នៅក្នុងរថយន្ត ដឹកចេញពីក្នុងភូមិពូជ្រៃ ស្រុកពេជ្រាដា រត់លើកំណាត់ផ្លូវជាតិលេខ76Aឆ្ពោះយកទៅលក់អោយឈ្មួញនៅក្រៅខេត្ត ។
បើតាមការបញ្ជាក់ពីមន្ត្រីជំនាញនៃមន្ទីរបរិស្ថានខេត្តមណ្ឌលគិរី បានអោយដឹងថា ឈើប្រណិតដែលបង្កប់នៅក្នុងរថយន្តមានចំនួនុក្រំ៦ដុំ ស្មើរនឹង០មែត្រគិប១១១ ឈើធ្នង់៥៣ដុំស្មើរនឹង១មែត្រគិប០៧៤ ចំណែកអ្នកបើកបរដឹងខ្លួនមុនរត់គេចខ្លួនបាត់៕
