ភ្នំពេញ ៖ ប្រធានគណបក្សខ្មែរអភិវឌ្ឍន៍សេដ្ឋកិច្ចលោក ហួន រាជចំរើន បានប្រាប់កាសែតថា គណបក្សរបស់លោកនឹងទទួលយកការបែងចែកអាសនៈនៅរដ្ឋសភា ដែលយកពីគណបក្សសង្គ្រោះជាតិក្រោយពេលត្រូវរំលាយ មកបែងចែកឲ្យគណបក្សនយោបាយដែលបានចូលរួមនៅក្នុងការបោះឆ្នោតជ្រើសតាំងតំណាងរាស្ត្រ ឆ្នាំ២០១៣។
លោក ហួន រាជចំរើន ប្រធានគណបក្សខ្មែរអភិវឌ្ឍន៍សេដ្ឋកិច្ច បានថ្លែងប្រាប់រស្មីកម្ពុជា មូលហេតុដែលលោកមិនជំទាស់ ព្រោះលោកមើលឃើញថា ព្រោះយើងទាំងអស់គ្នាចូលរួមក្នុងសម្ព័ន្ធនយោបាយដើម្បីស្ថាបនា និងអភិវឌ្ឍន៍ជាតិ យើងមិនមែនចូលក្នុងនយោបាយដើម្បីសម្លាប់ជាតិខ្លួនទេ។ នៅក្នុងល្គឹកដែលរាជរដ្ឋាភិបាលចាំបាច់អនុវត្តនីតិរដ្ឋ ក្នុងករណីរំលាយ គណបក្សសង្គ្រោះជាតិ ហើយចាំបាច់ឲ្យមានគណបក្សប្រឆាំងស្របទៅនិងរដ្ឋធម្មនុញ្ញ រាជរដ្ឋាភិបាលកំណត់បែងចែងកអាសនៈមកឲ្យគណបក្សតូចៗ នេះគឺជាឆន្ទៈមួយដ៏ល្អរបស់រាជរដ្ឋាភិបាល ដែលយើងទាំងអស់គ្នាជាបក្សតូចៗ គួរតែចូលរួមស្ថាបនា និងអភិវ ឌ្ឍន៍ជាតិជាមួយរាជរដ្ឋាភិបាលឲ្យស្របទៅនឹងលទ្ធិប្រជាធិបតេយ្យ។
ប្រសិនបើយើងមិនទទួលធ្វើពហិកាមិនទទួលយកការបែងចែកអាសនៈនេះ គឺយើងមិនគោរពនីតិរដ្ឋ ហេតុអីបានជាយើងនិយាយថា មិនគោរពនីតិរដ្ឋ ព្រោះរដ្ឋបានកំណត់ឲ្យបក្សតូចៗ ដែលមានអាសនៈក្នុងការបែងចែកសម័យបោះឆ្នោត២០១៣ នៅពេលណាដែលគណបក្សសង្គ្រោះជាតិ មិនចូលសភា ឬត្រូវបានរំលាយ សម្លេងត្រូវបែងចែកមកបក្សទាំង៥។ បើយើងធ្វើនយោបាយដើម្បីអភិវឌ្ឍន៍ជាតិ ត្រូវតែចូលរួមអភិវឌ្ឍន៍ជាតិ ចូលរួមនយោបាយជាមួយរាជរដ្ឋាភិបាល ទើបអាចជួយប្រជាពលរដ្ឋឲ្យរួចពីវិបត្តិសេដ្ឋកិច្ច។
លោក ហួន រាជចំរើន ប្រធានគណបក្សខ្មែរអភិវឌ្ឍន៍សេដ្ឋកិច្ចបញ្ជាក់ថា បើយើងទាំងអស់គ្នាធ្វើពហិកាមិនចូល ប្រៀបបីជាយើងកំពុងសម្លាប់រាជរដ្ឋាភិបាលខ្លួនឯង ជាពិសេសគឺបំផ្លាញឆន្ទៈរាស្ត្រ ដែលគាំទ្រអ្នកនយោបាយទាំងអស់ឲ្យមាននៅឆាកនយោបាយសភា។
សូមបញ្ជាក់ផងដែរថា នាព្រឹកថ្ងៃទី១៦ ខែតុលា ឆ្នាំ២០១៧នេះ រដ្ឋសភាកម្ពុជាដែលមានតែសមាជិកមកពីគណបក្សប្រជាជនកម្ពុជា បានបោះឆ្នោតលើកដៃអនុម័តច្បាប់ វិសោធនកម្មច្បាប់ ចំនួន៤ ពាក់ព័ន្ធនឹងការរំលាយគណបក្សនយោបាយ និងការបែងចែកអាសនៈ ជាឯកច្ឆ័ន្ទ ដោយសំឡេង៦៧សំឡេង នៃចំនួនសមាជិកសភាសរុប ដោយគ្មានវត្តមានបក្សប្រឆាំង។តាមសេណារីយោគណបក្សដែលត្រូវទទួលបានក្រោយពីរំលាយគណបក្សសង្គ្រោះជាតិគឺខាងគណបក្សហ្វុនប៉ិចឮថាបាន៤១ជើងម៉ា។
គណបក្សសម្ពន្ធប្រជាធិបតេយ្យបាន៥។គណបក្សខ្មែរឈប់ក្របាន៦និងគណបក្សខ្មែរអភិវឌ្ឍន៍សេដ្ឋកិច្ចទទួលបាន១ជើងម៉ា។តែក្រៅពីគណបក្សហ្វុនស៊ិនប៉ិចនិងគណបក្សខ្មែរអភិវឌ្ឍន៍សេដ្ឋកិច្ចដែលកំពុងតែក្រដេកចាំទទួលយកជ័យភណ្ឌ័ឮថាគណបក្សសម្ពន្ធ័ប្រជាធិបតេយ្យ្របស់លោកខឹមវាសនានិងគណបក្សខ្មែរឈប់ក្ររបស់លោកក្រវាញដារ៉នប្រកាសមិនទទួលយកទេ!។បើចឹងមានន័យថាជើងម៉ាសល់បានទៅលើគណបក្សប្រជាជន?!។យ៉ាងណាចាំមើលមើលថាតើគណបក្សសង្គ្រោះជាតិត្រូវរំលាយពេលណា?។
