ភ្នំពេញ ៖ តារាសម្តែងនិងជាពិធីការិនីនាង នី មុន្នីនាថត្រូងបានគេមើលឃើញថានាងដូចជាអត់ភ័យខ្លាចរឿងអតីតគូដណ្តឹងប្តឹងទារជម្ងឺសំណង១២ម៉ឺនដុល្លារអាមេរិកឡើយដោយនាង និយាយយ៉ាងខ្លីថា នាងរង់ចាំតែតុលាការកោះហៅគ្រប់ពេល ។
បើតាមប្រភពព័ត៌មានមួយ ដែលស្និទ្ធស្នាលជាមួយគ្រួសារ នី មុន្នីនាថ បានបង្ហើបប្រាប់ឲ្យដឹងថា «នី មុន្នីនាថ មិន ខ្លាចញញើតនឹងពាក្យបណ្ដឹង របស់អតីតគូដណ្ដឹងនាងឡើយ ពោលគឺរង់ចាំមើលតែតុលាការចេញដីកា កោះហៅនាងឡើងសវនាការតែប៉ុណ្ណោះ ហើយនាងបកស្រាយឲ្យភ្លឺភ្នែកតែម្ដងថា នរណាត្រូវនរណាខុស»។
បើរឿងកាន់តែធ្ងន់ធ្ងរ នី មុន្នីនាថ មានគម្រោងការនឹងប្ដឹងបក ទៅអតីតគូដណ្ដឹងរបស់នាងវិញ ពីព្រោះ នាងក៏មានភស្តុតាងមួយចំនួន ដើម្បីវាយបកទៅលើអតីតគូដណ្ដឹងវិញផងដែរ!?។សូមបញ្ជាក់ថា៖តារាសម្ដែង នី មុន្នីនាថ បានសាងវិថីស្នេហ៍ជាមួយអតីតគូដណ្ដឹងលោក អ៊ឹង សូឡាង រយៈពេល៣ឆ្នាំមកហើយ។
ក្នុងពេលនៅផ្អែមបន្លែជាមួយគ្នាលោក អ៊ឹង សូឡាង បានចំណាយលុយអស់យ៉ាងច្រើន សន្ធឹកសន្ធាប់ ដើម្បីត្រៀមដឹកដៃអនាគតភរិយាដែលជាតារាទឹកភ្នែក ទៅរស់នៅសាងគ្រួសារ នៅលើទឹកដីនាយសមុទ្រ សហរដ្ឋអាមេរិក។តែទីបំផុតពេលទទួលបានទិដ្ឋាការកញ្ញនីមុន្នីនាថបានដោះដៃផ្តាច់ពាក្យឈប់ទៅវិញក្រោមហេតុផលថាលោក អ៊ឹង សូឡាងជាមនុស្សហឹង្សានាងមិនអាចរស់នៅជាមួយគ្នាបាន?។
បន្ទាប់ពីមានរឿងរ៉ាវដ៏ចម្រូងចម្រាស លោក អ៊ឹង សូឡាង ដែលត្រូវជាអតីតគូដណ្ដឹង ដោយភាគីខាងប្រុសបានដាក់ពាក្យបណ្ដឹង ទៅកាន់សាលាដំបូងរាជធានីភ្នំពេញ ប្ដឹងពីបទឆបោកប្រាក់ និងរំលោភលើសេចក្ដីទុកចិត្តចូលតុលាការ។តែ នាងហាក់ធធ្វើមិនដឹងមិនឮអត់ព្រួយដោយនាងនៅតែចេញទៅថតជាប្រចាំ ហើយក៏មិនចង់ឆ្លើយឆ្លងអ្វីច្រើននោះដែរ ។
